[Zero Cool]

Pranimi i plotë në FIFA, Shaqiri dhe Behrami mund të luajnë për Kosovën


FIFA ia hapi dyert Kosovës duke i dhënë një mundësi të artë që të zhvillojë ndeshje miqësore me shtetet dhe skuadrat, të cilat mund të rezultojnë me pranimin e plotë të Kosovës në familjen më të madhe të futbollit në botë, FIFA dhe UEFA.

FIFA dhe UEFA e kishin bllokuar Kosovën më parë, pasi që kjo e fundit nuk është anëtare e Kombeve të bashkuara (OKB).

Presidenti i FIFA-s, Sepp Blatter, bëri një hap të madh pasi që e ndryshoi politikën ndaj komitetit ekzekutiv të tij.

Tetë votat e UEFA-s dhe 24 votat e FIFA-s nuk arritën të bllokojnë Kosovën që të mos ketë të drejtë të zhvillojë ndeshje miqësore ndërkombëtare, transmeton AP.

Sekretari gjeneral i FIFA-s, Jerome Valcke, tha se “Kjo nuk është njohje e Kosovës si shtet, por si një vend ku luhet futboll”.

“Kjo u jep atyre një vetëbesim. Ata kanë qenë të shqetësuar se disa lojtarë i janë marrë nga skuadrat dhe kombëtaret e shteteve të tjera”, tha ai, transmeton agjencia e lajmeve nga Uashingtoni, “The Examiner”.
Disa lojtarë të lindur në Kosovë si Xherdan Shaqiri, i cili ka luajtur në Bazel të Zvicrës, ndërsa tani luan në skuadrën finaliste të Ligës së Kampionëve t’i jepet e drejta të luajë për kombëtaren e vet.

Një futbollist tjetër është Valon Behrami, një yll që u paraqit në kampionatin botëror 2010 me reprezentacionin r Zvicrës, edhe këtij mund t’i jepet e drejta të luajë për Kosovën.

Statuti i FIFA-s lejon lojtarët nga Kosova që luajnë për reprezentacione të ndryshme, të kthehen në vendin e tyre, nëse e merr njohjen e plotë nga FIFA edhe UEFA.