[Dilaver]

http://www.chron.com/disp/story.mpl/ap/fn/3812074.html



1.9 miliard dollarë për të prodhuar energji sa më të pastër nga gazi natyror i lëngshëm

ASG Power SA, investimi më i madh energjitik në Ballkan

Ajo që shumë vende ëndërrojnë është të jenë të pavarur në burimet e tyre të energjisë, për t'i përgjigjur jo vetëm nevojave, por edhe kërkesave për rritje ekonomike dhe investime. Qeveria e Shqipërisë është pranë arritjes së këtij suksesi.
Kompania ASG Power SA nënshkroi disa javë më parë me Ministrinë e Ekonomisë, Tregtisë dhe Energjitikës një Memorandum Mirëkuptimi, për realizimin e një investimi total prej 1.9 miliard dollarë amerikanë, më i madhi investim i huaj i ofruar ndonjëherë në Shqipëri. Njëkohësisht ky është investimi më i madh ndërkombëtar në Ballkan dhe përmban një komponente të fuqishme amerikane, qoftë në produktin strategjik që synon të realizojë ashtu edhe në nivel komercial.
Ky investim i përgjigjet strategjive tashmë të definuara shtetërore për diversifikimin e burimeve të energjisë, në përputhje me standartet e mbrojtjes së mjedisit. Në një event që u mbajt këtë javë në hotel Sheraton në Tiranë, Kryeministri i Shqipërisë, Sali Berisha, përkrah ambasadores amerikane Marsi Ries, ambasadorit zviceran dhe përfaqësuesve të organizatave kryesore të biznesit, mirëpritën projektin, duke shprehur mbështetje të pakursyer ndaj tij.


- Çfarë përmban ky projekt?


"Projekti është i thjeshtë në koncept", thotë drejtori i tij, zoti Agim Gjinali. "Projekti përbëhet nga një stacion i ri-gazifikimit të gazit të lëngshëm natyror (LNG) me një kapacitet vjetor prej 10 miliard metrash kub dhe një TEC-i me cikël të kombinuar, të ndërtuar në tre faza nga 400 MW secila pikërisht në përputhje me strategjinë kombëtare të Shqipërisë për energjinë". Po ashtu në projekt bën pjesë një tubacion nëndetar për transportin e gazit që do të lidhi Shqipërinë me Italinë e Jugut si dhe një linjë nëndetare e interkonjeksionit.
Sipas zotit Gjinali gazi do të sillet në impjant me anije tankera, do të përpunohet në një platformë lundruese ose mol të posaçshëm, në varësi të kushteve natyrore të vendndodhjes dhe më pas do të trajtohet brenda impjantit në përputhje me procesin teknologjik. "Por gazi natyror i lëngshëm (LNG) është lënda djegëse më e pastër në natyrë", saktëson ai, duke bërë dallimin mes tij dhe LPG-së (gazit të lëngshëm me origjinë nga nafta). Investimi është parashikuar të vendoset në zonën pranë lumit Seman, ku aktualisht derdhen edhe ujërat e sektorit naftënxjerrës të Marinzës.
Rreth 2 miliard metra kub gaz natyror do të shfrytëzohen në ciklin e prodhimit për vendin, ndërsa pjesa tjetër e prodhimit do të transportohet në tregjet europiane përmes Italisë apo Ballkanit. Afërsisht 8 miliard metra kub gaz do të transportohen nëpërmjet tubacionit nëndetar dhe pjesa tjetër e elektroenergjisë do të transportohet përmes një linje të rinovuar të tensionit të lartë brenda vendit si dhe një linje të re kabllore nënujore për në Itali, me kapacitet transmetimi prej 1000 MW.
Zoti Gjinali garanton se: "Teknologjia që do të instalohet në Shqipëri plotëson standartet e BE-së në fushën e energjisë, gjë që do të krijojë mundësinë për lidhjen e vendit me tregun europian. Për më tepër, si rezultat i kapaciteteve të reja hidro-energjitike që do të zhvillohen në Shqipëri, Europa mund të ketë akses përmes kësaj lidhjeje për të marrë energji nga burime energjitike të rinovueshme dhe me kosto të lirë", thotë drejtori i ASG Power SA. Për të maksimalizuar efektivitetin e tij, projekti i ASG Power parashikon një seri investimesh rehabilituese të rrjeteve të transmetimit të rrymës dhe gazit, që do të jenë gjithsesi një përfitim direkt për sistemin energjitik shqiptar. Krejt projekti parashikohet të realizohet brenda vitit 2009.