[hasanmehmeti]

Ish-këshilltarja e Shtëpisë së Bardhë: Duhen dhjetë vite që Amerika të përmirësojë prestigjin e saj në botë
IRIB - Zonja Karen Hjuz, ish-këshilltare e Shtëpisë së Bardhë në një intervistë me gazetën amerikane 'Financial Times' ka thënë se SHBA tani duhen të përpiqen dhjetë vite që sadopak të përmirësojnë popullaritetin e humbur në botë. zonja Hjuz e cila para një kohë ishte një ndër këshilltaret më të afërta të presidentit amerikan Xhorxh Bush, në këtë intervistë gjithashtu ka theksuar se Amerika tanimë nuk ka popullaritetin e mëparshëm në botë dhe popujt e botës e sidomos myslimanët e urrejnë plotësisht vendin tonë. Gjithashtu vlen të theksohet se një Institut për studime strategjike në Amerikë ka bërë të ditur për rënien e popullaritet të SHBA në botë. Agjencia e lajmeve Frans Press bënë të ditur se Instituti për studime ndërkombëtare dhe strategjike, i cili është një institut i pavarur në një raport të botuar në mediat amerikane ka njoftuar se popullariteti dhe prestigji i SHBA në botë tani gjendet në shkallën më të ulët gjatë gjithë historisë dhe kjo ka mundësi të ulet edhe më shumë. Në raportin e këtij instituti është theksuar se SHBA pas 11 shtatorit 2001 në vend se të zbatojë idealet e saj tradicionale, pra në botë të mbjellë shpresë dhe lumturi, ajo vetëm se ka shtruar frikë dhe dhunë. Në fund të këtij raporti është theksuar se shpresojmë se qeveria që do të zgjidhet në zgjedhjet e ardhshme të ndjekë një politikë më të mençur të jashtme të dhe botës t'iu ofrojë më shumë siguri dhe paqe.

Pushtuesit e Irakut vjedhin monumentet historike të këtij vendi
IRIB - Profesori i historisë në Universitetin e Basrës dhe ekspert i monumenteve historike ka thënë se amerikanët duke grabitur monumentet historike të qytetin Aver, kanë shkatërruar plotësisht të kaluarën madhështore të këtij qyteti. Hashem Ar Rabi'i, profesori i historisë në Universitetin e Basrës në një intervistë me Al Alemin është shprehur se ushtria amerikane më anë të themelimit të një kampi ushtarak në qytetin Aver, shumë shpejtë do të shkatërrojnë këtë qytet historik të Irakut. Ai gjithashtu është shprehur se amerikanët nuk kanë lejuar që UNESKO këtë qytet ta marrë nën mbrojtjen e saj dhe për këtë arsye at apo përpiqen që aty të kenë një bazë strategjike për ushtrinë e vet.

Rebelim i ushtarakëve amerikane që kundërshtojnë sulmin ushtarak kundër Iranit.
IRIB - Mediat angleze dhe amerikane kanë dhënë informacione lidhur me kundërshtimin e disa oficerëve të forcave ajrore dhe shërbimeve sekrete amerikane ndaj një sulmi kundër Iranit. Siç shkruan revista News Week dhe analisti politik Vajan Madson, në radhët e forcave ajrore dhe shërbimet sekrete amerikane, po krijohet një rrymë e fortë kundërshtimi ndaj çdo aventure të neokonservatorë ve amerikanë kundër Iranit. në bazë të këtyre informacioneve krijohet përshtypja se kjo rrymë e fortë, nuk ka lejuar Bushin dhe në veçanti nën presidentin amerikan Dick Çenej, të fillojnë një luftë bërthamore në Lindjen e Afërt. Në lidhje me këto informacione, janë zhvilluar edhe disa ngjarje të cilat në mënyrë indirekte, kanë lidhje me tensionet në LM. Të tilla janë bombardimi i çuditshëm i një objekti në Siri, nga avionët izraelit, fluturimi përgjatë gjithë hapësirës ajrore amerikane i avionëve b-52 të pajisur me rraketa bërthamore, si dhe kërcënimet e ministrit të jashtëm francez për një sulm kundër Iranit. Vajan Madson thekson se ajo çka në mediat amerikane konsiderohet si tërheqje apo heshtje e komandës dhe e shtabit të kontrollit të armëve atomike, nuk është gjë tjetër veçse, një valë e gjërë kundërshtimi, e komandantëve të lartë ushtarakë amerikanë, sidomos të forcave ajrore, ndaj një aventure ushtarake kundër Iranit. Ai thekson se ishin agjentët sekretë amerikane të cilët kundërshtuan dhe publikuan planet e Dick Çenej për ta nxitur Izraelin të sulmojë me armë atomike Iranin. Madson thekson se sulmi ajror i Izraelit kundër një objekti në Siri, kishte për qëllim befasimin e sistemeve anti-raketore të Sirisë, të cilat Damasku i kishte marrë nga Rusia dhe siç duket avionët izraelit nuk mundën ti çaktivizonin këto sisteme, sepse radarët sirian hynë në veprim duke i detyruar avionët izraelit të largohen me shpejtësi. Analisti ushtarak amerikan z. Eric Margulis në një artikull në gazetën angleze Times, thekson se një grup oficerësh të forcave ajrore amerikane kanë projektuar një sulm ajror kundër Iranit, por një numër oficerësh të panjohur të forcave amerikane e kundërshtuan me forcë këtë projekt duke e publikuar atë në media më datën 5 shtator. Me fjale të tjera disa oficerë të forcave ajrore amerikane dhe të shërbimit sekret amerikan, vepruan në fshehtësi duke shprehur kundërshtimin e tyre ndaj një sulmi kundër Iranit. Megjithatë në Uashington kundërshtimi ndaj një agresioni kundër Iranit është më i gjërë sesa mund të parashikohet. Si thuhet në revistën News Week, Irani nuk do të jetë i aftë të prodhojë armë atomike deri në vitin 2015 dhe oficerët e lartë të Pentagonit, e konsiderojnë të nxituar të pamenduar dhe tepër të rrezikshëm një veprim ushtarak kundër Iranit.

Në rast agresioni Irani do të sulmojë interesat amerikane.
IRIB - Gjeneral Xhezairi shefi i propagandës në shtabin e përgjithshëm të forcave të armatosura të RII shprehu gadishmërinë e plotë të Iranit për t'ju përgjigjur çdo agresioni të huaj, kundër RII. Ai deklaroi se përpjekjet e organit diplomatik të SHBA ndaj RII, bazohet në një strategji afatgjatë për shkaktimin e pasigurive në Iran, në një kohë që pushtetarët luftënxitës amerikanë, po planifikojnë sulme kundër Iranit, ndërsa në media pretendojnë të kundërtën. Gjeneral Xhezairi deklaroi se RII pa u përpjekur të tensionojë edhe më tepër situatën në rajon, e ka programuar gadishmërinë e saj mbrojtëse, për të detyruar armikun të tërhiqet nga rajoni. Ai theksoi se vendet e rajonit kanë interesa të përbashkëta në garantimin e sigurisë në rajon dhe po bashkëpunojnë në këtë drejtim megjithëse shërbimet agjenturore amerikane dhe europiane, po punojnë për të sabotuar këtë bashkëpunim. Gjeneral Xhezairi tha se megjithë përpjekjet përçarëse të SHBA popujt e rajonit, vazhdojnë të shprehin solidaritetin e gjithanshëm me RII dhe ky fakt duket qartë në raportet e përditshme që kryhen nga vetë amerikanët dhe aleatët e tyre. Ky ushtarak i lartë iranian, theksoi se Irani është një vend i madh dhe i fuqishëm, që nuk ka kryer agresion ndaj askujt, por në rast të agresionit të huaj, do ti japë armikut një goditje dërmuese.