[AmonRa]

Ministria e Punëve të Mbrendshme
Tiranë më 13.I. 1924
Dërguar: Zyrës sekrete të Kryeministrisë , Tiranë
Syreja Bej Vlona më tha ç’ka pason: Jam informue se prej oficerve të gjandarmaris qi ndodhen këtej Shkumbinit, asht formue nji komplot me qëllim atentati kundër personit të Z. Kryeministër, prandaj lajmërojeni qi të ketë kujdesin ma të madh për sigurimin jetës tij. Azizi sot mbas dite u nis për aty me anën e Fierit. Me vethe mori nji oficer, dy aspiranta, shtatë gjandarme. Gjendja e këtushme tue qënë fare e qetë…..
Prefekti i Vlorës , Z. Prodani


Shkodra 10-IV-1924 , Zyrës sekrete të Ministrisë së Punëve të Mbrendshme, Tiranë
Ju parashtrojmë se para dy javëve nji konfident mjaft i zoti për me mbledhë informacione dhe qi ndodhet në kontakt me personat e Konsullatës së këtushme Jugosllave na kishte lajmerue se më shtymjen e agjentave Jugosllav mbrenda dhjetë ditësh do te bahet nji atentat në Tiranë kontra personave me randësi. Konfidenti i nalt-përmendun na tha se vrasja e dy Amerikanëve asht e pregatitun prej Jugosllavëve me ndërmjetsien e dy agjentave Jugosllavë t’ardhun në Shqipni prej Gjakove dhe organizuese prej Attashe-militerit Jugosllav në Tiranë e Konsullit të këtushëm. Ne këta asht në shërben dhe nji i qujtun Gjuro Gjevashkoviç në Durrës. Konfidenti shtojë se organizata Jugosllave nuk do të mjaftojnë vetëm me kaq por në këta ditë do të bajnë dhe nji atentat tjetër kontra nji personit të huej sepse Konsulli këtushëm në këta ditë ka paguem dhe 10. 000 fr. Francet për kët qëllim. Thotë se Jugosllavia tue mos pasë besime miqsie me shqiptarët, do të vazhdojë në të tilla provokacjone me atentate t’arratisuna për me fitu kështu të drejtë për okupacionin e Shqipnis Sipërme. Këta lajme sa do qi janë të pa kontrollueshme për dijeni e shohim të nevojshme t’ia bajmë të njoftun Ministries.
Prefekti i Shkodrës, A. Nepravishta


Shkodra, 24-IV- 1924,Zyrës sekrete, Ministria e Punëve të Mbrendshme, Tiranë
Sikur shkoqitërisht ju kemi parashtrue me telegramin t’onë Nr.102 datë 10 të k.m. konfidenti jonë sot erdhi dhe mbi lajmin qi na kish dhanë dhjet ditë ma parë për nji atentat eventual na kujtoi vrasjen e Avni Rustemit. Konfidenti sot serjozisht na thot se brenda pesë-gjashtë ditve do të bahet edhe nji atentat në Tiranë kontëra nji personit me randësi e ma të fort, thotë për Ahmed begun ose Luigj Gurakuqin. Vrasja e Amerikanëve e Avni Rustemit dhe atentatet e mbaskëndejshme të gjitha janë t’organizuara prej Jugosllavëve si ju kemi parashtrue me telegramin e sipërme. Konfidenti në fund shton se Qeverija Jugosllave mbas nji atentati eventual ka mendue me i dhanë nji ultimatum Qeverisë Shqiptare për punët e brendshme të territorit sajë. Thot të merret nën shiqim e kontrollim të rreptë i qujtuni Minestakoviç për të cilën ju keni telegrafue na Nr. 116 dt. 22 të k.m. Ky njeri ka hye pa pasaport prej Gjakove dhe Konsullata e këtushme jugosllave i ka dhanë pasaportën me emën Murto Kaliç, eshte njëzet e nandë vjetsh, boj esmerë me mustake të preme anglisht, dhe i veshun me kostum shqiptarë, e njef ma së miri gjuhën shqipe.
Prefekti, A. Nepravishta


Shkodër, 30/ 4/ 1924, Zyrës Sekrete Ministries së Punëve të Mbrendshme, Tiranë
Vijon tel, Nr.0124, res.
Informohemi prej nji burimi jugosllav se këto ditë asht tue u pregatitun nji atentat i dytë kundër Ahmet Zogut, luteni të merren masat e duhuna.
Prefekti i Shkodrës, A. Nepravishta d.v


Pra Ministria e Punëve të Brëndshme informohet por nuk ndermerr kurgjë. Vrasja e dy amerikanëve në Mamurras, atentati kundër Zogut, vrasja e Avni Rrustemit dhe të tjerëve na detyrojnë ti besojmë vërtetësisë së informatave që personi i besueshën në konsullatën jugosllave ia ka dhene perfektit të Shkodrës, por na detyron të dyshojmë edhe te neglizhenca dhe mosinteresimi i Ministrisë së Punëve të Brëndshme. A mundemi të besojmë se Pashiqi ka kontrolluar sigurimin e shtetit shqiptar, dhe, edhe pse ka pasur marrëveshje dhe miqësi me Zogun, ka qenë i interesuar ta likuidoi atë, po edhe kundërshtarët politik të tij, që pastaj të fillonte lufta vellavrasëse dhe te nderhynte Jugosllavia për të vene rend dhe qetësi.
Për fund edhe disa pyetje:
- Para disa vitesh Berisha e këtheu djalin e Zogut, Aleksandrin, nga ajroporti i Rinasit dhe nuk i lejoi të hynte ne Shqipëri. Tash kush e detyroi ate ti përkulet Zogut; mikesha e përjetëshme, Serbia apo ari shqiptarë që Zogu ia vodhi Shqipërisë më 1939 dhe tash i nipi ndoshta i ka dhene Berishes një 10 %.
- A përgatit dhe realizon Serbia edhe sot kësi atentatesh në Kosovë, Preshevë, Maqedoni e Shqipëri si që ka realizuar ne kohën e Zogut Kush i organizon dhe finanson të gjitha ata vrasje në Shqipëri qëmbesin pa u zbuluar, po edhe kur zbulohen, vrasesit lihen të lire, kinse nga mungesa e fakteve.
- A ka gisht Serbia në masakren "Monstra" dhe mbytjen e rrahjen e shqiptarëve këtu në Maqedoni.