[murrizi]

Postimi origjinal është bërë nga Kercovari

E ka baballek politiken na pelqen ne apo jo,e kurse spanjollet i ka edhe shoke shkolle sepse sa di une goxha nje kohe shume te gjate ka kalu ne spanje,mos e past edhe spanjolishten te dyten gjuhe nene

Unë me padashje i dhash temës një kahje jo të mirë ndoshta, duke e parë atë me pesimizëm, por ngjashëm me mua duket të kenë menduar edhe shumë të tjerë.

Ja si e ka komentuar dhe me sa pak fjalë fjalimin e Surroit në Spanjë Radio Televizioni i Kosovës:

Paralelet mes Spanjës dhe Kosovës janë artificiale, thotë Surroi Kryetari i Bordit të Klubit për Politikë të Jashtme, Veton Surroi, tha se çfarëdo paraleleje ndërmjet problemeve të brendshme të Spanjës dhe procesit të pavarësimit të Kosovës, është artificiale. "Spanja e cila është manifestur si një shtet i fort evropian, në rastin e Kosovës po tregon një politikë e cila nuk i ndihmon as Bashkimit Evropian në krijimin e një politike unike, por ç’është më me rëndësi nuk i ndihmon as në krijimin e një perspektive evropiane për Ballkanin perëndimor”, tha Surroi.
Surroi i bëri komentet gjatë ligjëratës, në kuadër të Javës së Kulturave Mijëvjeçare, në kryeqendrën e rajonit bask të Spanjës, Vitoria.

Dhe ja si e ka qenë fjalimi në tërsi:

<H1>Surroi: Paralelet mes problemeve në Spanjë dhe Kosovë janë artificiale

"Spanja e cila është manifestur si një shtet i fort evropian, në rastin e Kosovës po tregon një politikë e cila nuk i ndihmon as Bashkimit Evropian në krijimin e një politike unike, por ç'është më me rendësi nuk i ndihmon as në krijimin e një perspektive evropiane për Ballkanin perëndimor", ka thënë Veton Surroi

Kryetari i Bordit të Klubit për Politikë të Jashtme, Veton Surroi, ka theksuar se çfarëdo paralele ne mes problemeve te brendshme ne Spanje dhe procesit te pavarësimit te Kosovës është paralele artificiale. Ai këto komente i ka bërë në Javën e Kulturave Mijëvjeçare, ne kryeqendrën e rajonit bask të Spanjës, ku është ftuar te ligjërojë për procesin e pavarësimit te Kosovës.
Pas një analize të ngjarjeve qe kane sjellë tek pavarësimi i Kosovës, ne ligjëratën e tij, Veton Surroi është përqendruar te roli i Spanjës, sidomos pas shpalljes se pavarësisë së Kosovës.
"Te gjithë ne kemi qenë të habitur me qëndrimin e Spanjës kundër pavarësisë së Kosovës sepse sinjalet që i ka dhënë Spanja gjatë procesit negociator, por edhe me herët gjatë mandatit të OKB-së në Kosovë dhe përmes pjesëmarrjes së forcave të saj në KFOR, ishin sinjale pro një politike unike evropiane për Kosovën" ka thënë Surroi .
Ai ka nënvizuar se nuk mund te ngrihet një paralele në mes procesit të pavarësimit të Kosovës dhe cilitdo problem të brendshëm në Spanjë.
"Qëndrimi negativ i Spanjës i interpretuar nga këndi i problemeve të brendshme është një paralele artificiale, sepse Kosova ka lindur si shtet i pavarur brenda procesit dezintegrues të Jugosllavisë. Ky ka qenë një tranzicion negativ i Jugosllavisë socialiste drejt çintegrimit, në kuadër të të cilit është zhvilluar një luftë e përgjakshme. Kosova e pavarur ka lindur pas një ndërhyrje ushtarake ndërkombëtare dhe pas një mandati ndërkombëtar të Kombeve të Bashkuara të destinuar për ndërtimin e institucioneve vetëqeverisëse dhe për të krijuar një perspektivë të zgjidhjes së statusit" ka argumentuar Surroi.
"Problemet në Spanjë janë probleme që po zgjidhen me sukses brenda një tranzicioni pozitiv, prej diktaturës në demokraci, dhe Spanja ka dëshmuar se mund të trajtoj edhe problemet më të ndërlikuara brenda një procesi të negociimit të brendshëm. Pra nuk ekziston ndonjë lidhshmëri mes problemeve të brendshme Spanjolle dhe pavarësisë së Kosovës" ka nënvizuar Veton Surroi.
Ai ka theksuar se në muajt që vijnë qëndrimi i Spanjës mund të jetë përcaktues për të ardhmen evropiane të Kosovës dhe Ballkanit perëndimor.
"Nga ana tjetër Spanja e cila është manifestur si një shtet i fort evropian, në rastin e Kosovës po tregon një politikë e cila nuk i ndihmon as Bashkimit Evropian në krijimin e një politike unike, por ç'është më me rendësi nuk i ndihmon as në krijimin e një perspektive evropiane për Ballkanin perëndimor. Spanja duke e mbajtur peng Kosovën në procesin e integrimeve evropiane në fakt po e mban peng edhe tërë Ballkanin perëndimor. Ballkani nuk mund të integrohet me një Kosovë të izoluar pa pasur frytet e transformimit çfarë kanë pasur shtete tjera, e në radhë të parë pa i gëzuar frytet e transformimit çfarë i ka gëzuar Spanja" ka theksuar Surroi.
"Në muajt që vijnë Spanja mund të luaj një rol të jashtëzakonshëm edhe pozitiv por edhe negativ. Pozitiv, në rastin e njohjes së pavarësisë së Kosovës, ndërsa negativ, nëse vazhdon bllokimin e Kosovës duke mos e njohur vetë, si shtet ekzemplar i Bashkimit Evropian".

</H1>