[Bajlozi i Zi]

Këln, Gjermani. -Liria fetare dhe e drejta e ushtrimit të fesë janë të
garantuara në kushtetutën gjermane. Por ato hasin
në limitet e veta aty, ku preken të drejtat e tjera të
një rëndësie të konsiderueshme. Një e drejtë shumë
e rëndësishme e njeriut është "e drejta për
integritet fizik". Dhe sipas Gjykatës së Këlnit kjo e
drejtë shkelet pa dyshim në rastin e... synetit. Një i
rritur mund ta pranojë atë pa problem vullnetarisht,
por jo një foshnjë.

Me një vendim të tri ditëve më
parë Gjykata e Këlnit e konsideroi synetin si dëmtim
të trupit dhe për këtë arsye si vepër penale.

Dhe
vendimi ka shkaktuar menjëherë shqetësim si në
radhët e myslimanëve edhe të hebrejve në
Gjermani.
Rrethprerja e djemve është një ritual i lashtë, apo
zakon fetar. Në judaizëm procedura zhvillohet ditën
e tetë pas lindjes dhe vulos "besëlidhjen me Zotin".
Edhe për muslimanët bërja synet është një detyrë
fetare, ajo ose kryhet sa djemtë janë foshnja, ose më
vonë në fëmijëri, shpesh në kuadër të një feste të
madhe familjare.
Debati që hap vendimi pritet të përqëndrohet në
pyetjen: Tradita të lashta fetare dhe kulturore duhet
të gjykohen nga kuptuarit modern të ligjit? Një
zgjidhje do të ishte p.sh. që vendimi për bërjen
synet të shtyhet, derisa personi të jetë i rritur sa
duhet, që të vendosë vetë?