[sherri]

Francezët: “Greqia ka falimentuar që ditën që është krijuar”

“L’Express”: Lagarde kishte të drejtë për grekët

Me një artikull në faqet e saj, revista franceze “L’Express” mbështet deklaratat e kryetares së Fondit Monetar Ndërkombëtar, Kristin Lagarde në lidhje me Greqinë.
Në këtë shkrim, thuhet se deklaratat e Lagarde ishin mëse të vërteta. Ato bazoheshin në realitet, pasi në Greqi nuk paguhen taksat kundrejt shtetit, ndaj për ta nuk duhet të ndjesh më shumë keqardhje sesa për fëmijët në Nigeri.
Paralelisht sipas këtij shkrimi, kreu i FMN “luante” rolin e të keqes, me qëllim që të vijnë evropianët dhe të bëjnë të mirët, duke theksuar në mënyrë karakteristike: “Ndoshta frikësohen grekët dhe votojnë siç duhet”.
Por në këtë shkrim kundër Greqisë, autorja nuk mjaftohej me kaq. Aty përmendej se ishte gabim hyrja e Greqisë në Bashkimin Europian, por edhe në zonën e euros, pasi përveç faktit që ky shtet është kaq i vogël, saqë edhe rreziku dukej i vogël, ndonjëherë edhe një fuqi e vogël mund të fitojë ndaj një gjigandi.
Gjithashtu, në revistë përmendet edhe një shkrim që kishte shkruar në vitin 1854 akademiku francez Edmond Abu për Greqinë.
“Greqia është i vetmi vend i njohur që jeton në falimentim që nga dita e krijimit të saj. Të gjithë buxhetet janë me humbje. Vetëm nëse dali garanci fuqitë mbrojtëse, Greqia mund të kërkojë borxh jashtë shtetit.
Me të marrë kredinë, paratë shpërdorohen nga qeveria, pa bërë asgjë në dobi të vendit. Dhe, me të mbaruar paratë, garantuesit duhet t’u shërbejnë interesit, nga mirësjellja, pasi grekët nuk janë në gjendje të paguajnë”, ishin fjalët e akademikut francez, të shkruara që më 1854, por që fatkeqësisht duken sikur janë shkruar më 2012-ën