[Berkan]

Pas shpalljes së pavarësisë së Kosovës me 17 shkurt 2008, Sërbia me të gjitha mjetet e saja ka provuar ta parandalojë këtë vendim politik të popullit të Kosovës. si përpjekje e fundit diplomatike e saj ka mbetur edhe gjykata ndërkombëtare e drejtësisë me seli në hagë. Ajo në sesionin e 63 të OKB-së ka dërguar kërkesë, që asambleja e përgjithshme e kësaj organizate të merr vendim mbi dërgimin e kësaj çështjeje në gjykatën ndërkombëtare të drejtësisë. sido që të jetë, ky vendim për Kosovën është vendim konsultativ, dhe në terren sa i përket çështjes së statusit nuk mund të ketë efekt juridik anulimin e vendimit të popullit të Kosovës. mirëpo, tani si do të veprojë gjykata, apo më mirë të themi se si duhet të vepronte kjo gjykatë në rastin konkret? Së pari gjykata pas shqyrtimit të kërkesës së Sërbisë, vehtën do duhej ta shpallte jokompetente për çështjen e tille, sepse së pari, pavarësimi i popujve është e rregulluar me njërin nga parimet më fundamentale të së drejtës ndërkombëtare publike, me parimin e vetëvendosjes së popujve, e askush edhe popullit të Kosovës nuk mund tia ndalojë këtë parim fundamental. së dyti, çështja e krijimit të shteteve, është çështje fakti e jo çështje juridike, sepse për krijimin e shtetit duhet të përmbushen faktet, ndërsa pjesa juridike zhvillohet krahas shtetin e jo para shtetit, sepse për krijimin e shteteve përmbushen elementet e caktuara, të cilat Kosova i ka përmbushur me sukses, përfshirë edhe elementin e pushtetit.