[Oltiana1]

Kristal

Ka kohë që s`shihemi dhe ndiej
Si të harroj unë dalngadalë
Si vdes tek unë kujtimi yt
Si vdesin flokët dhe gjithçka

Tani kërkoj unë poshtë e lartë
Një vend ku ty të të lëshoj
Një strofë a notë a një brilant
Ku të të lë , të puth , të shkoj

Ne s`të pranoftë asnjë varr
Asnjë mermer a morg-kristal
Mos duhet vallë prap të të bart
Gjysmë të vdekur , gjysmë të gjallë

Në s`gjetsha hon ku të të hedh
Të gjej një fushë a një lulnaje
Ku butësisht porsi polen
Gjithkund , gjithkund të të shpërndaj

Të të mashtroj ndoshta kështu
Dhe të të puth e t`ik pa kthim
Dhe nuk do të dimë as ne , askush
Harrimi ish ky , a s`ish harrim .


Ismail Kadare