[Zero Cool]

Flor Mumajesi “tradhton” Kosovën





Kompozitori dhe këngëtari shqiptar Flor Mumajesi ka bashkëpunuar me këngëtaren serbe Dunja Iliç, për albumin e saj të gjashtë. “Ka ngelur vetëm që publiku ta shohë punën time që kam realizuar deri tani. Vlen të përmendet një këngë speciale që e kam në albumin e ri që e ka punuar kompozitori më i mirë shqiptar, Flori Mumajesi e cila titullohet “Ne Stize Me Kajanje”, e që është ndër të preferuarat e mia”, është shprehur këngëtarja serbe Iliç.

Flori Mumajesi së fundmi ka nisur të bashkëpunojë shumë me këngëtarë nga bullgaria dhe Serbia duke synuar kështu një treg më të gjera se sa trevat shqiptare.

Nga qytetarët e Kosovës bashkëpunimi i Florit me Iliç shihet si “tradhti”. Kjo pasi Dunja Ilic është pop këngëtare serbe ka mikeshë shumë të afërt legjendën e muzikës serbe, Svetlana Raznatovic (Ceca), bashkëshorti i të cilës, Arkani, ka qenë në krye të paramilitarëve serbë që kanë kryer masakra gjatë luftës në Kosovë. /albeu.com/