[Dilaver]

Shkruan Dr. Gentian Jahjolli
Një ndër profesorët më të njohur dhe më të famshëm të së Drejtës Ndërkombëtare
Antonio Cassese është shprehur qartë në favor të Shtetit më të Ri në Botë.




MENDIMI I JURISTËVE MË TË NJOHUR, ASNJË SHKELJE E SË DREJTËS NDËRKOMBËTARE NGA SHPALLJA E PAVARSISË

Sipas njërit ndër ekspertëve më të mëdhenj të së drejtës ndërkombëtare, profesorit dhe ish Kryetarit të Gjykatës për krimet e kryera në Ish Jugosllavi, Antonio Cassese “shpallja e pavarësisë të Kosovës, është një fakt historik, që nuk ka të bëjë fare me të rregullat e të drejtës ndërkombëtare ekzistuese. Ajo është vetëm një situatë faktike reale, që nuk është as kundër dhe as konformë së drejtës ndërkombëtare”. Në fakt, kosovarët, shpjegon profesori i ndritur, nuk kanë ushtruar të drejtën ndërkombëtare të vetëvendosjes, të parashikuar nga e drejta dhe ligjet ndërkombëtare, sepse ata nuk kanë qenë as nën pushtim të huaj, as në pushtim kolonial, as në pushtimin e armikut, gjithashtu as nuk kanë qenë nënshtruar në atë shkallë të lartë të diskriminimit që të përjashtoheshin nga qeverisja e shtetit serb. Por, sipas Profesorit, “mbi bazën e fakteve të krijuara, qoftë edhe në mungesën e një përligjjeje për të drejtën e shkëputjes,një komunitet, që ka forcën politike, mund të shkëputet nga vendi”, nëse nuk ka patur natyrisht ndërhyrje nga shtete të shteteve të treta, këto të fundit, në fakt kanë detyrimin për të respektuar integritetin e shtetit të Serbisë. Qeveria e Beogradit nuk mundej ta pengonte pavarësinë e Kosovës, qoftë edhe sikur kosovarët të kishin përdorur metoda të dhunshme, sepse territori kosovar ka qenë që nga viti 1999, nën administrimin ndërkombëtar të udhëhequr nga Kombet e Bashkuara. Prandaj, pohon Profesori “nëse tregohet se rezultati i pavarësisë është një veprim autonom i kosovarëve, atëherë nuk ka asnjë shkelje të së drejtës ndërkombëtare.”

Dr. Gentian Jahjolli, LL.M