[Peja-Boy]

Britani, shpërthen “iPod”-i, kërkojnë dëmshpërblim

Firma “Apple” u përgjigjet ne menyre te papritur: “Do t’u dëmshpërblejmë, por vetëm në këmbim të heshtjes” . Kur muajin e kaluar, Ken Stanbourough, baba 47-vjecar i familjes angleze, vërejti se lexuesi muzikor “iPod Touch” i të bijës Ellie bënte një zhurme të cuditshme dhe nxehej në mënyrë të pazakontë, fatmirësisht arriti që në kohë ta hidhte në kopësht, përpara se dispozitivi të shpërthente në ajër. E me siguri që nuk imagjinonte që, kur t’i drejtohej prodhuesit për dëmshpërblimin, do të kishte marrë si përgjigje një kërkesë paksa të pazakontë. E përditshmja angleze “The Times” tregon se përpara këtij reklamimi të Stanbourough, firma teknologjike duhet të ketë replikuar duke kërkuar një farë “pakti heshtjeje”. Saktësisht një firmë mbi një dokument, që pak a shumë thoshte se “do t’iu dëmshpërblejmë plotësisht, nëse impenjoheni për të mos e përhapur lajmin”. Ndër të tjera mësohet se me këtë dokument, “Apple” rezervonte aftësinë për të ndërmarrë aksione ligjore, kundër të dëmtuarve, në rast se termat e marrëveshjes do të ishin zbuluar. Në këtë mënyrë, “Apple” donte të mbante gjithcka të fshehtë, sigurisht, për të mbrojtur reputacionin e vet, duke kërcënuar edhe për një revansh nëse dëmshpërblimi i ofruar do të ishte pranuar dhe heshtja do dhunohej.
Babai i Ellie, i cili e ka përcaktuar propozimin e një marrëveshjeje si “të pahijshëm”, refuzoi të firmoste dokumentin, duke e konsideruar si një dënim. “Cfarë do të ndodhte nëse pranojnë dhe në mënyrë të befasishme, një ditë, do të na shpëtonte ndonjë fjalë?”. Domethënë, per Stanbourough ka qenë e pamundshme te behej nje pakt i tille, edhe pse ka dashur të sqarojë se kërkesa e tij kishte të bënte vetëm me rimbursimin e cmimit të blerjes së “iPOd”-it: “Ne donim thjesht të kishim sërish paratë tonë”, ka deklaruar ai./