[Bjeshka1]

Reagimet kan qene te ndryshme per kete artikull te Haxhiut, por duhet ta kuptojme se ne demokraci duhet te ken et drejte te gjithe ta thone mendimin e vet, bile edhe analfabetet e jo ma intelektualet. Kete liri nuk e kan ne ato vende te cilat nuk po e njohein pavarsine e Kosove.Ja edhe nje reagim nga shume qe pat keto dite, kur te kam kohe u sjell edhe disa.



Liria, tjetri...

Arsim LËKENI

E lexova me vëmendje shkrimin e Baton Haxhiut “Vdekja e entuziazmit”, të botuar më dt. 21.08.2008. Autori i shkrimit për bosht kishte pasur temën e mosnjohjes së shtetit të Kosovës nga ana e shteteve arabe respektivisht atyre e me besim Islam. Megjithatë ai (B. Haxhiu) kishte rrahur edhe një segment tjetër të shfaqjes apo paraqitjes së “zhurmshme” të thirrjes apo në arabisht, apo ku ta di unë, ezanit nga minaret e xhamive tona. Nuk do ta trajtoja këtë temë po të mos më cytnin dy reagime të dt. 25.08.2008 nga Shkëlqim Ajdini dhe Aid Raçi të cilët ishin hidhëruar shumë me mendimet e Baton Haxhiut i cili po bëka “zhurmë mediale edhe në rastet ku nuk i lypset opinioni i tij”, që do të thotë se njeriu nuk paska të drejtë të shprehë mendimin e tij, pa iu dhënë ajo e drejtë nga dikush, ky dikush është i njohur në sistemet njëpartiake apo totalitare. Shkëlqim Ajdinit kush e di kush i paska dhënë të drejtën të flasë, gjë që mua nuk më pengon, sepse si zëri i tij apo i reaguesit tjetër Aid Raçi nuk po ma prish gjumin, nuk po me shqetëson pesë herë në ditë duke u çjerrë “ezani i myezinit” (po e shti nën thonjëza sepse ezani nuk është çjerrje) , apo turli bashibuzuku që i afrohet mikrofonit dhe nuk bën thirrje për “besimtarët e
habitur pas punëve të dynjallëkut” por çirret dhe ezanin që duhet të jetë i ëmbël, të jetë kumbues, të jetë i thekshëm, të jetë i pranueshëm për veshin e njeriut e kthen në çjerrje duke ia prishë kështu qëllimin e vërtetë. Tek e fundit veshi e ka të kufizuar madhësinë e zërit që mund ta përballojë ose do të shurdhohet, pastaj të shurdhër zor se do të mund ta dëgjojmë thirrjen.



Unë i përkas atij 95 % -shi që i përkasin besimit Islam dhe kujtoj se minaret e larta të xhamive nuk shërbejnë për të vendosur altoparlantë që prodhojnë çjerrje por myezin apo altoparlantë që prodhojnë zë të bukur dhe që thërrasin besimtarët t`i luten zotit. Ka dhe xhami të tilla. Megjithatë unë i ftoj Shkëlqim Ajdinin dhe Aid Raçin që të jetojnë në qytetin e Prishtinës ku jeton B. Haxhiu dhe të dëgjojnë çdo ditë jave nga pesë herë në ditë altoparlantët e pasinkronizuar në kohë të xhamive dhe të vërtetojnë se ata nuk thërrasin besimtarët por çirren dhe nuk i bëjnë nder as fesë Islame dhe as 95%-shit. Skëlqim Ajdinit ia pata “lakmi” edhe me sakënaqësi dhe afsh e thoshte fjalinë :”shteti fqinj Shqipërinë”. Unë këtë fjali do ta thosha me kënaqësi vetëm në rastin kur kemi të bëjmë me shtetin fqinj Serbinë. Unë them ulja zërin altoparlantëve zgjidhni zërat që do thërrasin ezanin mos e përdhosni fenë se Zoti nuk është macë me të gërvishtë.