[Zero Cool]

Xhamia e Athinës, së shpejti në Eleona








Dritën jeshile ka marrë vendimi për ndërtimin e xhamisë në Eleona në Athinës.

Me 198 vota pro dhe 16 kundër është miratuar vendimi që ka shkaktuar mjaft reagime të ashpra, sidomos nga partia ekstremiste e djathte LAOS. Neni që parashikon ndërtimin e xhamisë përfshihet në ligjin për legalizimin e shtëpive të ndërtuara pa leje.

“Luani me zjarrin, shkatërroni Greqinë, po ndërtoni folenë e terroristëve” janë shprehur ekstermistët e djathtë, në kundërshtimin e flaktë të nenit për faljet e shenjta të muslimanëve.

Pavarësisht reagimeve, ashtu si dhe Eleftherios Venizelos në vitin 1913, edhe qeveria e sotme ka miratuar nenin që i ofron mundësinë qindra banorëve muslimanë të Greqisë, kryesisht emigrantë e shtetas të huaj, të ndërtojnë xhaminë e shumëpritur në Athinë e më në fund të organizojnë ceremonitë fetare përkatëse në mënyrë të ligjshme,citon gazeta "Plus Gazeta e Athinës".