[Zero Cool]

Nervozohet me Editën


Borislav Stefanovicit, shef i ekipit serb në bisedime, nuk i ka ardhur mirë kur ka kuptuar se homologia e tij, Edita Tahiri, ka bërë publike detaje të marrëveshjeve që pritet të arrihen.
Ai ka deklaruar se marrëveshjet nuk do të nënshkruhen, por vetëm do të zbatohen nga qeveritë përkatëse.

Stefanovic është pyetur të hënën nga mediat serbe për ato që Edita Tahiri i ka paraqitur për Express.

Ai theksoi se “është shumë keq të flitet për detajet e gjërave, për të cilat nuk është arritur ende ndonjë marrëveshje”, njofton Express.

“Thelbi është që të përputhen interesat kryesore të dy palëve. Nëse kjo nuk ndodh, nuk mund të ketë marrëveshje”, tha Stefanovic.