Dardania.de - Shiko Postimin Tek

**Zero Cool** · 28-06-11, 08:23

E shfrytëzojnë Vidovdanin

Beteja e humbur e Kosovës nga ana e Serbisë, 622 vjet më parë, vazhdon të festohet nga serbët në Kosovë. Në organizimin e partive, kryesisht opozitare nga Serbia dhe strukturat paralele serbe në Kosovës, pritet që kolonat me serbë të nisen si zakonisht nga veriu dhe qendra tjera të banuara me serbë, për në manastirin e Graçanicës dhe për në Gazimestan.
Simbolikisht ky marsh nënkupton rikujtimin dhe shënimin e një ngjarje historike, por për këto dy dekadat e fundit, shënimi i kësaj feste në Kosovë më shumë ka sjellë mesazhe kërcënuese për paqen, stabilitetin dhe tërësinë tokësore të Kosovës, shkruan Zëri.

E ashtuquajtura Garda e Car Llazarit, si dhe grupe të tjera nacionaliste serbe, pritet të marshojnë për në Gazimestan, madje edhe të përdorin fjalë poshtëruese ndaj kombit shqiptar.

Megjithatë, sivjet mund të jetë një festë pak më ndryshe. Apo edhe dy lloje festimesh. Disa liderë komunalë serbë që njohin dhe punojnë në institucionet e shtetit të Kosovës kanë plane për organizimin e një feste pa programe që fyejnë dhe cenojnë ndjenjat e shqiptare, thonë burime qeveritare.

Sipas tyre, ata do t’u japin shembull serbëve nga veriu se mund të festohet pa lënduar ndjenjat e të tjerëve.

Festa serbe tashmë ka filluar. Nga e diela në shumë enklava serbe ka nisur të festohet. Kurse mesazhet kërcënuese erdhën nga veriu, atje ku u mbajt një rok-koncert i motoristëve e politikanëve serbë bashkë, të cilët i bashkohen kënga, alkooli dhe mesazhet urrejtëse ndaj fqinjëve shqiptarë.

Qeveria e Kosovës nuk ka folur në asnjë rast për këtë ngjarje. Policia ka bërë të ditur se ka përgatitur planin operacional me rastin e shënimit të Vidovdanit. Aktive do të jetë sidomos policia në trafik, e cila do të përcjellë lëvizjen e kolonave dhe do të vëzhgojë nga afër automjete që shpien drejt qendrave ku do të festohet.

Sipas zyrtarëve të Policisë, duke u bazuar në përvojën nga e kaluara kur grupet nacionaliste serbe kanë provokuar dhe mesazhe urrejtëse ndaj shqiptarëve, Policia për gjithçka është gati.

28-06-11, 08:23	#19
Zero Cool Administratorët Anëtarësuar: 18-03-03 Vendndodhja: Netherland Postime: 24,987	Titulli: Lajme aktuale nga vendi ! E shfrytëzojnë Vidovdanin Beteja e humbur e Kosovës nga ana e Serbisë, 622 vjet më parë, vazhdon të festohet nga serbët në Kosovë. Në organizimin e partive, kryesisht opozitare nga Serbia dhe strukturat paralele serbe në Kosovës, pritet që kolonat me serbë të nisen si zakonisht nga veriu dhe qendra tjera të banuara me serbë, për në manastirin e Graçanicës dhe për në Gazimestan. Simbolikisht ky marsh nënkupton rikujtimin dhe shënimin e një ngjarje historike, por për këto dy dekadat e fundit, shënimi i kësaj feste në Kosovë më shumë ka sjellë mesazhe kërcënuese për paqen, stabilitetin dhe tërësinë tokësore të Kosovës, shkruan Zëri. E ashtuquajtura Garda e Car Llazarit, si dhe grupe të tjera nacionaliste serbe, pritet të marshojnë për në Gazimestan, madje edhe të përdorin fjalë poshtëruese ndaj kombit shqiptar. Megjithatë, sivjet mund të jetë një festë pak më ndryshe. Apo edhe dy lloje festimesh. Disa liderë komunalë serbë që njohin dhe punojnë në institucionet e shtetit të Kosovës kanë plane për organizimin e një feste pa programe që fyejnë dhe cenojnë ndjenjat e shqiptare, thonë burime qeveritare. Sipas tyre, ata do t’u japin shembull serbëve nga veriu se mund të festohet pa lënduar ndjenjat e të tjerëve. Festa serbe tashmë ka filluar. Nga e diela në shumë enklava serbe ka nisur të festohet. Kurse mesazhet kërcënuese erdhën nga veriu, atje ku u mbajt një rok-koncert i motoristëve e politikanëve serbë bashkë, të cilët i bashkohen kënga, alkooli dhe mesazhet urrejtëse ndaj fqinjëve shqiptarë. Qeveria e Kosovës nuk ka folur në asnjë rast për këtë ngjarje. Policia ka bërë të ditur se ka përgatitur planin operacional me rastin e shënimit të Vidovdanit. Aktive do të jetë sidomos policia në trafik, e cila do të përcjellë lëvizjen e kolonave dhe do të vëzhgojë nga afër automjete që shpien drejt qendrave ku do të festohet. Sipas zyrtarëve të Policisë, duke u bazuar në përvojën nga e kaluara kur grupet nacionaliste serbe kanë provokuar dhe mesazhe urrejtëse ndaj shqiptarëve, Policia për gjithçka është gati. __________________ Asgjë nuk është e pamundur. Pamundësinë apsolute e shkakton mosdija jonë reale.