[Murgesha]

Nga një trill i çastit më datë 23.05.2004 pata hapë këtë temë, që të fantazojmë një qik edhe ne dardanasit, më tepër e pata menduar me karakter humori, ti japim rrugën e fantazisë me shkronja.
Sot kur kan kaluar 10 vite nga atëherë e shumë herë i kam lexu e rilexu këto postime aq sa më duket të gjithat i mbaj në mend, dhe çuditem me faktin se shumë gjëra që i mendoja si fantazi të rastit sot për mua jan një realitet qoftë i hidhur apo i gëzuar. Në atë kohë isha 40 vjeqare e fantazoja të eci me stërmbesat e mia e tash si 50 vjeqare vetëm eci përdore me tri mbesa të mia. Ëndërra shumë të largëta më dukeshin fëmijët e fëmijëve të mi por ja që ju gëzohem çdo ditë e çdo natë mirëqenies së tyre.
Në vitin 2004 defilonim në këtë forum anëtarë të lidhur shumë ngusht mes vete, unë fantazoja se në një të ardhme nuk do të jemi më ashtu. Fantazoja qëndrim të gjatë e largim në rrethana të ndryshme të tyre nga ky forum për shumë anëtarë, shumë prej tyre ka vite që nuk jan më këtu, e për disa prej tyre as që din kush se ku janë a ku kan mbetë. Fantazova edhe për vdekje pas një kohe shumë më të gjatë, por vdekja në këtë forum erdhi shumë më herët se që e fantazova unë. Kjo më bën të mos e ndjej veten 100% parashikuese.
Dhe sonte lexova edhe njëherë këtë temë, si gjithmonë mbetem e befasuar nga të gjitha fantazitë që janë bërë këtu. Një gjë nuk e pata fantazu asnjëherë, largimin tim pa qenë i mbyllur ky forum, po ja që edhe kjo ndodhi. E unë sonte shkruaj e emocionuar dhe uli kokën para mistereve që fantazia ime me kohë m`i kishte paralajmëruar.

Përshëndes të gjithë anëtarët që do e lexojnë këtë shkrim.

Murgesha!