[Zero Cool]

Anxhela Martini: Fotoja pa të brendshme ishte aksident





Angela Martini është e re në botën e yjeve por duket se ia ka mësuar mjaft mirë kleçkat e kësaj bote. Ish-miss Albania kur flet për foton pa të brendshme që prodhoi shumë debat thotë se ishte një aksident dhe se nuk ka asgjë për tu çuditur në këtë rast.

“Ajo foto është një aksident. Njerëzit reagojnë sikur unë ta kisha bërë enkas. Është diçka që e ka çdo femër, të gjithë e kanë parë dhe nuk ishte ndonjë gjë që duhet të trondiste femrat dhe meshkujt gjithashtu. Unë nuk kam thënë ndonjë fjalë që “kam qejf Hitlerin”, apo marrëzira të tjera”, shprehet Martini.

Shumë kanë menduar se ajo foto ishte një marketing siç bëjnë të gjithë femrat e famshme, të cilat janë vazhdimisht në kërkim të vëmendjes. Vetë Martini shton se “aksidenti” e ka bërë më të fortë.

“Nuk u përmbys bota! Sepse ata që më komentuan nuk ishin më perfekt se unë, kështu që kjo eksperiencë nëse dikush mendoi se mund të më bënte të dobët, mua më ka bërë më të fortë dhe ma ka hequr çdo frikë. Më parë kam pasur shumë frikë prej medias, por pas kësaj edhe pse me zor të madh, ma keni hequr gjithë frikën. Kjo pasi unë e di kush jam, e di çfarë dua të bëj dhe si t’i evitoj gabimet”, argumenton bukuroshja shkodrane që jeton në Zvicër.