[Zero Cool]

Studentët pastrojnë varrezat e hebrenjve në Prishtinë







Disa studentë amerikanë dhe kosovarë janë duke pastruar varrezat hebrenjve në Prishtinë. “Që një javë, këta studentë së bashku me kolegët e tyre kosovarë nga Universiteti amerikan në Prishtinë janë duke e pastruar një terren në Prishtinë në varrezat çifute për të cilat nuk është kujdesur askush, që sipas AP-së, është shenjë e pakët e komunitetit të pakësuar”, njofton Associated Press.
Studentja, Susan Mathews, ka thënë se mezi arrihet të shihet nëse ka apo jo varre, disa prej të cilave datojnë që nga shekulli i 19-të. Ndërsa Rabin Edward Boraz, nga Qendra Roth për Jetën Çifute e Kolegjit të Dartmouthit, ka thënë se një nga qëllimit e udhëtimeve të këtyre studentëve është edhe që “gjenocidi të shihet si problem i njerëzimit e jo i një grupi të caktuar të njerëzve”.

Sipas Boraz, pas Luftës së Dytë Botërore, komuniteti i vogël çifut në Kosovë filloj të pakësohet në numër. “Ata që kishin mbetur, ikën për në Izrael gjatë kohës së luftës në Kosovës, në vitet 1998 – 1999. Por, ne kurrë nuk do t’i harrojmë krimet kundër njerëzimit që janë bërë në Kosovë gjatë viteve të 90-ta dhe vuajtjeve që kanë ndodhur kur janë vrarë njerëz të pafajshëm”.