[Zero Cool]

Pagesa të jashtëligjshme nga Fatmir





Këshilltarët e Fatmir Sejdiut, gjatë kohës sa ky i fundit ishte president, kanë shijuar sipas auditorëve paga të cilat nuk ishin konform buxhetit të Repulikës së Kosovës.
Auditori i Përgjithshëm ka konstatuar se gjatë kohës sa Fatmir Sejdiu ishte president, janë shpenzuar rreth 70 mijë euro në paagesa të shërbimeve intelektuale dhe këshilldhënëse, ndërsa këto pagesa ishin bërë në kuadër të linjës për mallra dhe shërbime, duke u trajtuar si të punësuar në kontratë mbi vepër.

Dhe, për auditorin e përgjithshëm kjo formë e pagesave, pa i përfillur procedurat e Ligjit të Prokurimit është shkelje e ligjit.

“Këshilltarët e presidentit janë emëruar dhe nuk duhet të trajtohen si të punësuar me kontratë mbi vepër. Ata po ashtu duhet të paguhen përmes listës së pagave”, shkruan në raportin e auditorit, sipas të cilit Sejdiu kishte gjashtë këshilltarë të cilët janë paguar përmes mallrave dhe shërbimeve nga Presidenca deri në shtator të vitit të kaluar, e jo siç kërkohet me anë të listës së pagave.

Vlen të përmendet që sipas auditorëve, lidhja e kontratës mbi vepër për shërbime konsulente, për nevojat e Zyrës së Presidentit të Kosovës nuk ka mundur të bëhet nga persona jokompetent.