[Makresh]

Nga Kastriot Myftaraj

Selia e Shenjtё, ose Vatikani siç quhet rёndom (nё aspektin juridiksional ka dallim mes Vatikanit dhe Selisё sё Shenjtё, ashtu qё Vatikani ёshtё qytet-shteti nё Romё, ndёrsa Selia e Shenjtё ёshtё shteti virtual me juridiksion nё tё gjithё botёn, i njohur ndёrkombtarisht si shtet virtual), ka marrёdhёnie diplomatike me 178 shtete tё botёs. Por ndёrmjet shteteve qё ka njohur Selia e Shenjtё nuk ёshtё Kosova. Vatikani, i cili disa vite mё parё u tregua shumё i shpejtё nё njohjen e njё shteti tё ri Timorit Lindor, nё rastin e Kosovёs veproi ndryshe. Dallimi mes Kosovёs dhe Timorit Lindor ёshtё se Timori Lindor ёshtё njё vend katolik, ose mё saktё njё vend ku siç e tregoi koha ekziston njё version i fesё katolike ashtu siç paraqitet i thyer nё prizmin e mentalitetit tё njё popullsie aziatike me tradita pagane.
Mosnjohja e Kosovёs nga Vatikani tashmё u shndёrrua nё njё skandal tё vёrtetё gjeopolitik, me lidhjen e marrёdhёnieve diplomatike mes Selisё sё Shenjtё dhe Rusisё, nё dhjetor 2009, kur Presidenti rus Medvedev vizitoi Italinё dhe u takua me Papёn Benedicti XVI. Dihet se Selia e Shenjtё, prej shumё vitesh, e ka kёrkuar me tё madhe lidhjen e marrёdhёnieve diplomatike me Rusinё, si dhe njё vizitё tё Papёs nё Moskё, gjё qё nuk ёshtё arritur pёr shkak tё kundёrshtimit tё Kishёs Ortodokse tё Rusisё, e cila shpesh e ka akuzuar Vatikanin se konspiron pёr kthimin e Rusisё nё fenё katolike. Njё nga gjёrat qё i kёrkoi Rusia Vatikanit pёr tё lidhur marrёdhёniet diplomatike ishte qё tё mos njihte pavarёsinё e Kosovёs. Me kёtё Vatikani konfirmoi njё premtim tё cilin e kishte dhёnё kur u lidhёn marrёdhёniet diplomatike mes Serbisё dhe Selisё sё Shenjtё nё vitin 2003.
Selia e Shenjtё proklamon se nё statusin e vet si subjekt i sё drejtёs ndёrkombёtare, zbaton rregullat morale kristiane nё marrёdhёniet ndёrkombёtare. Por nё rastin e qёndrimit ndaj Kosovёs kemi tё bёjmё mё tepёr me njё lexim tё Ungjijve nё stilin e Makiavelit, ose mё saktё nё atё tё Kardinalit Rishelje, shtetarit diabolic, i cili pёrdorte argumente fetare pёr tё mbёshtetur atё qё mё pas do tё njihej me termin Realpolitik, njё politikё e jashtme cinike, ku interesat prevalonin mbi moralin. Qёndrimi i Selisё sё Shenjtё ndaj Kosovёs, sjell nё pyetje pasojat e dualizmit tё sovranitetit qё shteti i ri i Kosovёs, por edhe Shqipёria, kanё nё raport me Selinё e Shenjtё. Nga vetё mёnyra se si ёshtё ndёrtuar sovraniteti global i Selisё sё Shenjtё, ajo ka sovranitet mbi komunitetet katolike nё Kosovё dhe nё Republikёn e Shqipёrisё, duke filluar nga emёrimi i drejtuesve tё lartё tё tyre.
Sovraniteti qё Selia e Shenjtё ka mbi kishёn katolike dhe bashkёsitё fetare nё Kosovё dhe nё Shqipёri, ёshtё i pranueshёm dhe i dёshirueshёm sa kohё qё ushtrohet nё mёnyrё korrekte nga pikёpamja morale kristiane. Por kur ky sovranitet religjioz papal nё Kosovё dhe nё Shqipёri, shndёrrohet nё njё ekspedient tё politikёs sё jashtme tё Selisё sё Shenjtё si njё shtet, nё marrёdhёniet e saj me Rusinё e Serbinё, atёherё kёtu kemi tё bёjmё me njё gjё tё papranueshme, dhe shumё dёmprurёse pёr Kosovёn nё veçanti dhe kombin shqiptar nё pёrgjithёsi. Gjёja mё mbresёlёnёse ёshtё se kjo politikё ndiqet me arrogancё. Presidenti i Kosovёs, Sejdiu, me rastine Krishtlindjeve, nё 23 dhjetor 2009, i bёri kёtё urim Papёs Benedicti XVI:
“Ju shkruaj që në emër të popullit dhe të institucioneve të Republikës së Kosovës t’ju shpreh urimet më të përzemërta për festën e Krishtlindjes. Duke ju shfaqur edhe një herë falënderimin për kujdesin Tuaj të vazhdueshëm dhe të Selisë së Shenjtë për vendin tim, ju lus, Shenjtëria Juaj, që ta keni parasysh kërkesën tonë për njohjen e Republikës së Kosovës. Shenjtëria Juaj, Njohja e Republikës së Kosovës nga Vatikani pritet me padurim nga i gjithë populli i Kosovës, i cili, si gjithmonë, është shembull i rrallë i bashkëjetesës, i harmonisë dhe i tolerancës në mes njerëzve të etnive dhe besimeve të ndryshme. Ne në Kosovë lutemi që viti 2010, të cilin me dekret të veçantë e kam shpallur Vit të Nënës Terezë, bashkë me Katedralen me emrin e saj, që do ta hapim në Prishtinë, të na sjellë edhe bekimin e vendit tonë nga Ju Ati i Shenjtë dhe nga Selia Juaj”.
Selia e Shenjtё nuk e gjeti tё nevojshme qё tё bёnte asnjё deklaratё, pёr atё se kishte marrё shёnim mbi kёrkesёn e kryetarit tё shtetit tё Kosovёs dhe se po e shqyrtonte atё. Duke qenё se drejtuesit e fesё katolike nё Kosovё dhe Shqipёri janё thjesht burokratё religjiozё tё emёruar nga Vatikani, asnjё prej tyre nuk ka marrё nismёn qё klerikёt katolikё shqiptarё t’ i drejtohen Selisё sё Shenjtё me kёrkesёn pёr njohjen e pavarёsisё sё Kosovёs. Dhe kuptohet se pёrse kurrkush nuk e ka bёrё kёtё gjё. Kjo gjё sigurisht qё do tё sillte si pasojё ekskomunikimin e kёtij njeriu, do tё thotё shkishёrimin.
Mosnjohja e Kosovёs nga Vatikani nuk ka tё bёjё me faktin qё Kosova ёshtё njё vend ku shumica e popullsisё ёshtё me origjinё muslimane nga koha osmane. Vatikani nuk ka marrёdhёnie diplomatike me vetёm nёntё vende muslimane, dhe nga kёta vetёm Somalia ёshtё vend fundamentalist islamik.
Gjёja mё interesante ёshtё se Vatikani, duke mos njohur Kosovёn ёshtё vёnё nё krah tё Izraelit, njё tjetёr shtet qё ngjan me Vatikanin pёr shkak se ka sovranitet global, nё sajё tё diasporёs sё tij. Izraeli nuk e njeh Kosovёn pёr motive gjeopolitike, se ёshtё kundёr angazhimit amerikan nё Ballkan, pasiqё shqetёsohet nga tejshtrirja ushtarake e SHBA, çka ve nё rrezik garancinё ushtarake amerikane pёr Izraelin. Motivet e Izraelit janё makiavelike, risheljeane nё daçi. Njёlloj si ato tё Vatikanit.
Pёr Kardinalin Rishelje, i cili vuri interesat e Francёs si shtet shekullar, mbi ato tё Katolicizmit global, edhe sot nё Selinё e Shenjtё flasin me pёrcmim. Por duket se fryma e Kardinalit Rishelje qenka dominuese atje.


Gazeta "Sot", 15 janar 2010