[Jana]

Pak ditë më parë, prokurorët në Milano përmes një deklarate bënë me dije se numri i vajzave që mendohet se kanë frekuentuar festat me drita të kuqe të Berluskonit dhe janë paguar për të kryer marrëdhënie seksuale me të ka shkuar në 33. Ja disa prej vajzave që mendohet se janë përfshirë në skandalin e Kryeministrit në këto katër vitet e fundit. Më poshtë po ju prezantojmë disa prej bukurosheve në jetën e Silvios

Aida Yespica
Kjo showgirl venezueliane tërhoqi vëmendjen e Berluskonit në një mbrëmje shik në shkurt të vitit 2007. Kryeministri nepsqar u shpreh: “Unë me ty do shkoja kudo edhe në një ishull të shkretë”. Ish-zonja e parë, Veronica Lario, u indinjua kaq shumë sa kërkoi falje publike. Aida dhe Silvio mbetën miq të mirë dhe mohuan çdo keqkuptim. Aida u tha mediave italiane: “Ai është si një baba për mua”.


Rafaella Fico
Modelja 23-vjeçare që nxori virgjërinë e saj në ankand në vitin 2008 për një shumë prej 860.000 eurosh, ka qenë mes emrave të përmendur nga Prokuroria e Milanos se ka frekuentuar festat e famshme të bunga-bungës. Burri që “bleu” virtytin e saj është anonim, por aspiruesja për aktore deklaroi se ka ndërmend t’i harxhojë paratë për të blerë një shtëpi dhe për të marrë leksione aktrimi…


ALESSANDRA SORCINELLI
Më 24 janar prokurorët italianë zbuluan dokumente bankare ku Berluskoni kishte paguar vajzën bukuroshe me një shumë prej 100000 eurosh për pjesëmarrjen e saj në festat e famshme të seksit. Këto para mendohet se ishin dhënë si një lloj kredie e vogël pa interes për ta ndihmuar atë me studimet.


BARBARA GUERRA
Modelja, ylli i televizionit dhe showgirl Barbara Guerra u “lidh” për herë të parë me emrin e Berluskonit në korrik të vitit 2009, ku deklaroi se ishte njohur me Kryeministrin në një qendër spitalore në nëntor të 2008-s ku edhe “kavalieri” kurohej për dhimbje shpine. Ajo u nxor jashtë nga një bllok apartamentesh në Milano në fillim të këtij viti ku ashtu si shumë vajza të tjera qëndronte me shpenzimet e tij. Barbara, 32 vjeç deklaroi: “Është absurde, një ëndërr e frikshme. Nuk kam bërë asnjë krim”.


NADIA MACRI
Nëntorin e shkuar Macri, 28 vjeç deklaroi se kishte fjetur dy herë me Berluskonin dhe se ai kishte bërë seks në Jacuzzi me një vajzë tjetër. “Vajzat prisnin në radhë dhe Berluskoni thoshte le të vijë tjetra”, deklaroi ajo. Po sipas saj vajzave të ftuara në festë u jepej marijuanë, ndërsa jo vetë kishte shkuar në Sardenjë me avionin e Kryeministrit. Avokati i Kryeministrit italian i mohoi të gjitha këto akuza.
Macri tregoi se ajo ishte paguar 8500 euro për të shkuar te rezidencat e tij në Arcore dhe në vilën “Cetoza” në Sardenjë.

SARA TOMMASI
Më 3 shkurt, nga dokumentet doli se e diplomuara për Ekonomik, Sara Tommasi, 29 vjeç kishte qenë në një nga festat e Berluskonit në pallatin “Grazioli” në Romë tre vjet më parë. Kryeministri i kishte premtuar se do ta ndihmonte në karrierën e saj televizive, madje e kishte ftuar të bëhej një prej ministreve të kabinetit të tij. Tommasi ishte e dashura e futbollistit Mario Balotelli, në atë kohë.


MARA CARFAGNA
Në prill të vitit 2008, Mara Carfagna, 32 vjeçe u emërua nga Kryeministri Berluskoni si ministre e Mundësive të Barabarta duke i befasuar të gjithë, pasi më parë kishte qenë një modele që pozonte gjysmë nudo. Por Kryeministri e kishte parë më herët se ajo të futej në politikë duke i deklaruar në një darkë se nëse nuk do të ishte i martuar do të ishte arratisur me të. Kur Veronica Lario u nda nga Berluskoni, Mara e shoqëroi atë në Samitin e G8 në vitin 2009.

MARIA POLANCO
Në korrik të vitit 2009, një biznesmen italian u tha prokurorëve se kësaj vajze shoqëruese 25-vjeçare i ishin paguar shpenzimet nga Kryeministri. Në janar të këtij vitit, Polanco pranoi se kishte bërë seks me Berluskonin në shenjë mirënjohjeje, pasi ai kishte paguar ilaçet e së bijës. Një javë më vonë ajo kundërshtoi vetveten kur tha se festat e Kryeministrit ishin mbrëmje të këndshme ku nuk bëhej seks.
PATRIZIA D’ADDARIO
Në qershor të vitit 2009, Patrizia D’Addario bëri disa deklarata të bujshme rreth frekuentimit të saj në rezidencat e Berluskonit. E nervozuar pasi nuk ishte paguar ashtu siç duhej ajo vendosi të rrëfente gjithçka. Patrizia, tani 42-vjeçare, e mohon të jetë paguar pasi ka kryer seks me Kryeministrin, por deklaron se “ai nuk është shenjtor”


KARIMA EL-MAHROUG
Bukuroshja marokene e njohur me emrin “Ruby the Heart-stealer” mendohet se është paguar për të bërë seks me Kryeministrin kur ishte vetëm 17 vjeç. Në një deklaratë për prokurorinë, ajo ka deklaruar se e gjeti veten në një dhomë me Berluskoni në Ditën e Shën Valentinit të vitit të kaluar. “Ai më dha një zarf me 50 mijë euro brenda”.