[Neferta]

Alpetroll PO U IPET RUSVE TE PACOLLIT
Ja kush është kompania Silk Road Equity që ofroi 850 milionë dollarë
Kompania Silk Road Equity, e cila ka bërë ofertën më të lartë, 850 milionë euro për blerjen e Albpetrolit, është një fond investimesh privat, me seli në Çikago. Ky fond ka një portofol të larmishëm të kompanive publike dhe private. Pak orë pas hapjes së ofertave në tenderin e shitjes së ‘Albpetrol’ dhe ofertës surprizë, nisin e dalin në dritë edhe dyshimet dhe pikëpyetjet e para. Konsorciumi i përbërë nga ‘Vetro’ dhe ‘Silk Road Equity’ që ofroi çmimin më të lartë prej 850 milionë euro, të paktën nga të dhënat që mund të merren publikisht nuk rezulton të ketë eksperiencë në fushën energjetike, një kriter detyrues për blerësin e ‘Albpetrol’. ‘Silk Road’ është një fond amerikan investimesh nga Çikago, ndërsa ‘Vetro’ një kompani nga Singapori për të cilën ekzistojnë shumë pak informacione publike. Por dyshimet që lidhen me kriterin strategjik nuk janë të vetmet. Madje, janë të tjera fakte ato që hedhin dyshimet më të forta mbi këtë privatizim ende në tentativë. Në tender ky konsorcium përfaqësohej zyrtarisht nga Essad Pushkar, një boshnjako-amerikan shumë i njohur deri tani jashtë Shqipërisë, veçanërisht në Kosovë.
Puskar, një personazh kontrovers, ishte njeriu në qendër të skandalit që shoqëroi zgjedhjen e Behxhet Pacollit president në Kuvendin e Kosovës më 22 shkurt të vitit të kaluar.

Pushkar ne Kosove njihet si Damir Fazlliçi i Kosovës. Ky i fundit ndoshta jo fort rastësisht mbërriti në Tiranë mbrëmjen e vonë të së enjtes, i përfolur si lobues për një tjetër kompani në tender. Me sa duket, betejën e ndërmjetësve kontronversë deri tani e ka fituar boshnjaku më i ri. Por në fakt, lidhjet e Pushkar nuk janë të forta vetëm në Kosovë. Amerikanët nuk u dukën asnjëherë në Shqipëri dhe emri i tyre nuk u lakua më pas përfundimit të tenderit. Përfshirja e Puskar në tenderin për ‘Albpetrol’ i shton edhe më shumë dyshimet se kush qëndron pas ofertës për blerjen e ‘Albpetrol’