[emine]

Pirja e duhanit është një nga faktorët më të rrezikshëm për shkaktimin e atakeve në zemër, kancerit në mushkëri apo emfizemës. Të ndërgjegjësuar për dëmet e tij, bëni një përpjekje për ta lënë atë.

Ja ç’duhet të bëni:

Vendosni për një datë të caktuar
Vendosni për një datë të caktuar për të lënë duhanin. Nëse mendoni se reduktimi i numrit të cigareve që pini gjatë ditës do të sjellë lënien e duhanit, jeni tërësisht të gabuar. Vendosni që të mos pini asnjë cigare.
Hidhi tutje të gjitha kujtimet
Hidhi të gjitha cigaret dhe shkrepëset. Mos mbani as edhe një as në shtëpi, as në makinë e as në punë. Vendosini në vende të padukshme çakmakët.
Mënjano stimuluesit
Mënjano alkoolin, kafenë apo të tjerë stimulues të duhanit.
Vendos për një politikë “Nuk lejohet duhani”
Mos lejoni asnjë që të pijë duhan në shtëpinë apo makinën tuaj dhe mënjanoni ambjentet ku pihet duhani.
Sipas të madhit Makiaveli “Mjetet mbështesin qëllimin”
Përdorni zëvendësues nikotine, çamçakiz nikotine, terapi kundër duhanit dhe konsulta. Sipas statistikave vetëm1 në 10 persona e lënë duhanin vetë pa përdorur produkte kundër duhanit. Kujdes! Kur përdorni zëvendësues nikotine nuk duhet në asnjë mëyrë të pini duhan.
Merrni ndihmë mjekësore
Mund të përdorni Bupropian (Zyban) ose Varenicline (Chanix), të cilat janë dy lloj medikamentesh (gjithmonë të këshilluara nga mjeku) që mund tju ndihmojnë të ndaloni duhanin.
Siguroni mbështetjen e duhur
Bashkohuni me një grup konsulte. Konsulenca është shumë e rëndësishme, sidomos e kombinuar me përdorimin e zëvendësuesve të nikotinës ose medikamenteve mjekësore kundër duhanit.

Nëpërmjet këtyre këshillave sigurisht shanset tuaj për të lënë duhanin do të rriten. Statistikat tregojnë se 50% e personave që e lënë duhanin e fillojë përsëri atë. Megjithatë mos u dorëzoni. Vendosni për një datë tjetër dhe filloni sërish nga e para. Të jeni të sigurt që ia vlen.