[Dilaver]

http://www.vlora.it/fun/nikoll_lesi.html

Një video e Nikollë Lesit, deputet në Kuvendin e Shqipërisë, është duke i bërë konkurrencë videos së këngëtares Inis Gjoni. Dallimi i vetëm është se Lesi nuk shihet nudo.

Jeton Musliu
[email protected]

Prishtinë 27 qershor – Kësaj here nuk bëhet fjalë për sharje dhe fyerje në Kuvend. As për akuza që lidhen me korrupsion. Këtë here nuk është ai Nikollë Lesi i zhurmshëm që jemi mësuar ta shohim në Parlamentin shqiptar.
Një video ku shihet Nikollë Lesi, kryetar i Partisë Demokristiane të Shqipërisë dhe botues i gazetes Koha Jonë, është shpërndarë një ditë më parë në një faqe interneti.
Edhe pse nuk është në ndonjë dhomë moderne gjumi, por në banje të një hoteli. Lesi, në këtë video është i përfshirë në skena të nxehta ledhatimesh. Ndryshe nga këngëtarja Inis Gjoni e cila në videon e saj të publikuar javë më parë shihet e tëra e zhveshur, deputeti i Parlamentit të Shqipërisë nuk shihet i tëri nudo.
Një larje duarsh, rregullimi i flokëve dhe kontrollimi i celularit, janë veprimet e fundit para se në krahët e Lesit të gjendet biondina e gjatë me bluzë të bardhë.
Për rreth tre minuta, deputeti Lesi shihet në përqafim të kësaj femre e cila nuk i kundërshton puthjet që i dhuron politikani I njohur shqiptar.
Më shumë se për atë që bëjnë, vajza në video duket se më shumë brengoset për vendin se ku ata kryejnë veprime të tilla. Derisa Lesi ndodhet i pari në këtë banje, pas disa sekondash hyn një bionde me flokë të shkurtra e cila duket se nuk është edhe aq e njohur për publikun. Menjëherë, sapo takohen, ata fillojnë të bisedojnë.
Edhe pse xhirimi është pa zë, nga gjestet e tyre shihet se ata njihen më herët me njëri - tjetrin dhe se takimi në banje ka qenë i parapërgatitur.
Çifti ndërpret puthjet dhe ledhatimet dhe, në fillim, nga banja del vajza, e më pas deputeti.
Puthjet dhe ledhatimet vazhdojnë deri në momentin kur dikush hapë derën e banjës dhe me shpejtësi sërish e mbyll atë.
Kamera e cila ka xhiruar këtë skenë duket se është e vendosur prapa xhamit, sepse edhe pse çifti i ledhatuar mbështetët mbi të, kamera nuk lëviz nga vendi.
Personat që e kanë plasuar këtë video në internet janë kujdesur edhe për një detaj. Si për ta mbushur boshllëkun që lë mungesa e zërit, personat që e kanë plasuar videon në internet ( www.vlora.it ) i kanë futur një këngë labe e cila I këndon Partisë së Punës dhe Enver Hoxhës.
Nikollë Lesi është njëri nga politikanët më të njohur në Shqipëri. Para se të djathtët të vinin në pushtet në korrik të vitit të kaluar, Lesi për pak sa nuk kishte humbur postin e tij të deputetit. Në atë kohë, ai kishte nxjerrë në publik një transkript nga incizimi i fshehtë i cili e inkriminonte ish-kryeministrin e Shqipërisë, Fatos Nano, në trafiqe të paligjshme me armë.
Derisa herën e parë falë incizimeve të fshehta ai arriti të shpëtojë nga heqja e imunitetit si deputet, kësaj here duket se pikërisht këto xhirime atë e kanë bërë personin e dytë VIP që shihet në skena të nxehta.