[pasioni_]

Dashuria....?
Ide. Mendim. Fantazi rinore. Ëndërr. Ndjenjë. Kënaqësi. Lumturi. Përjetim. Zgjim. Epsh. Gjallëri. Vullnet. Dëshirë për jetë. Të gjitha këto janë të sublimuara në fjalën DASHURI. Njeriu që dashuron, njeriu i cili e ka përjetuar dashurinë i kupton dhe thellësisht i ndjen të gjitha këto. Pa menduar dhe pa planifikuar asgjë, sepse të gjitha këto vijnë nga ndjenja e dashurisë. Zgjohesh me emrin e saj. Hap sytë dhe e sheh fytyrën e saj. Kafen e mëngjesit e pin së bashku. Kryen të gjitha ceremonitë e ditës së bashku me te. Del në rrugë. Shkon në punë. Ajo është me ty. Pranë teje. Nuk kalon një sekondë të mos mendojsh në te. Han dhe pin në mendime me te dhe për te. E kalon mbrëmjen së bashku. Shikon çfarëdo në TV dhe aspak nuk ndahesh nga ajo! Orët kalojnë, lodhja të kaplon, por mendimet për te nuk pushojnë. Shtrihesh dhe provon të pushojsh, por mendimet e sjellin ate afër teje. Kurrë nuk lejojnë të largohet nga ti. Gjumi të zë duke menduar. Ëndërron se je bashkë me te. Rreth magjik. Rreth pa fillim dhe pa fund. Rreth që e ka një qendër. Qendra është AJO. Ajo është e dashura jote. Hyjnesha dhe engjellusha jote. Ajo është vetëm AJO. Ajo është dashuria jote. Ajo është ujë dhe ajër. Ajo është frymëmarrja jote. Ajo është frymëzimi për jetë. Ajo është JETA jote. Ajo është fillimi dhe fundi im. Kurrë nuk do të jetë e IMJA!