[LUMI_007]

LIDERËT E SHTETEVE NUK DUHET T’I PËRKRAHIN AGRESORËT DHE OKUPIMET E TYRE

Gjatë vizitës zyrtare që i bëri Shkupit më 7 dhjetor 2004, z.Sergej Llavrov, ministër i Punëve të Jashtme të Rusisë, e përkrahu okupimin e një pjese të territorit të Kosovës nga Maqedonia! Dihet mirë që okupimi i kësaj pjese të territorit të Kosovës është bërë me Marrëveshjen e Shkupit në shkurt të vitit 2001 ndërmjet agresorëve serbë dhe okupatorëve sllavo-maqedonë.Gjithashtu dihet që asokohe agresorët e Beogradit nuk posedonin as më të voglën të drejtë mbi këtë territor, mbasi Kosova ishte dhe gjendet nën mbrojtjen ndërkombëtare. Prandaj, askush e sidomos drejtuesit e shteteve të mëdha, nuk duhet t’i përkrahin agresorët dhe okupimet e tyre, qofshin ata vëllezër ose kushërinj nga lashtësia, ndoshta të imagjinuar. Pastaj, si mund të ekzistojnë ose të gëzojnë lirinë popujt e vegjël dhe ata që nuk kanë kushërinj ndonjë nga shtetet e mëdha? Si të drejtohet bashkësia ndërkombëtare dhe kah do të shkojë njerëzimi kur përkrahen aspiratat e agresorëve dhe mbrohen okupimet e tyre ?! Duhet pyetur dhe do të dihet a gjeti ose a përfitoi z.Llavrov gjatë vizitës së tij në Shqipëri ndonjë prift, politkan ose lider kundër pavarësisë së Kosovës?!

Në librin “Nuk mposhtet shqiptari”, faqe 220 është shpjeguar se mbas okupimeve më 1912/ 1913, agresorët serbë për herë të parë kanë vënë vijën kufitare në territoret ndërmjet Kosovës e Maqedonisë së Vardarit. Pastaj, okupatorët serbo-jugosllavë kanë vënë tjetër vijë kufitare në këto territore mbas okupimit të përsëritur më 1918/1919 dhe vijë tjetër kufitare mbas okupimit serbo-sllavo komunist më 1944 /1945. Kurse, gjatë Luftës së Dytë Botërore forcat fashiste të Bullgarisë kishin okupuar pjesë të mëdha të territorit të Kosovës nga komunat Kaçanik, Viti, Preshevë e Bujanoc dhe së bashku me shumicën e territorit të Maqedonisë ia kanë bashkangjitur Bullgarisë së madhe. Por, është tejet befasuese dhe për çdo dënim, se si mund t’i shkëputet Kosovës ky territor me Marrëveshjen e Shkupit më 2001 kur Serbia ishte larguar nga Maqedonia më 1991 dhe ishte dëbuar nga Kosova mbas sulmeve të forcave të NATO-s dhe të luftës heroike të UÇK-së më 1999 ?! Pastaj, si mund të diskutojë e lëre më të pranojë ndonjë lider i shteteve të mëdha ose drejtues i bashkësisë ndërkombëtare këtë okupim të territorit autokton të Kosovës? Ka rëndësi të madhe të kuptohet që Marrëveshja e Shkupit mes agresorëve serbë e okupatorëve sllavo-maqedonë dhe okupimi i kësaj pjese të territorit të Kosovës, paralajmrojnë për aspirata të rrezikshëme dhe për askionet e sotme kundër Kosovës e kundër popullit shqiptar.
Gjithashtu duhet të dihet që pranimi, por edhe diskutimet rreth këtij okupimi janë kundër stabilitetit në Kosovë, në Maqedoni, kundër paqes botërore e sidomos kundër interesave madhore të popullit shqiptar.

Vetëm për t’i ndihmuar aspiratat e rrezikshme dhe aksionet e agresorëve serbë, z.Llavrov nga Shkupi kërkoi që diskutimet për pavarësinë e Kosovës të zhvillohen në Organizatën e Kombeve të Bashkuara. Gjithashtu, për të vepruar kundër Kosovës e kundër popullit shqiptar dhe për t’i ndihmuar aspiratat e rrezikshme të shovinistëve serbë, gjatë diskutimeve për statusin përfundimtar të Kosovës kërkoi të pyeten Serbia, sllavo-maqedonët, Greqia dhe shtetet e grupet e tjera antishqiptare e pro-Moskës e Beogradit. Dihet qartë që Beogradi ende ushqen aspirata pushtuese dhe është duke ndrmarrë aksione të rrezikshme kundër Kosovës e interesave jetike të mbarë popullit shhqiptar. Por, dihet dhe duhet të kuptohet që askionet e Serbisë dhe të bashkëpunëtorëve të tyre kundër Kosovës parqesin rrezik për pavarësinë e Maqedonisë, për marrëdhëniet e Serbisë me Bullgarinë dhe për stabilitet në regjion e për paqe botërore. Prandaj, a mund të mashtrohen sot drejtuesit e bashkësisë ndërkombëtare dhe të konfrontohen liderët e shteteve te Aleancës Perëndimore!?
( Për një shtesë të vogël shkrimi pësëritet në internet)
Dr.R.Xhema
Prishtinë, më 09 dhjetor 2004