[LUMI_007]

VETËM SERBIA ME KOLONI NË EVROPË

Janë të njohura asipiratat dhe luftërat pushtuese të Serbisë. Për të depërtuar në detin Adriatik dhe në regjionin e Mediteranit, Serbia ka ndërmarrë aksione të shumta luftarake për ta shfarosur e asimiluar popullin shqiptar dhe për t’i okupuar e përvetësuar territoret shqiptare. Në kohën moderne, vetëm Serbia ka koloni në Evropë: Kosovën, Vojvodinën dhe territore të tjera në Ballkan. Për habi, për hegjemonizëm e dominim, Serbia as sot nuk po mund të pajtohet me çlirimin e Kosovës dhe të jetojë pa koloni dhe pa pushtimin e popujve e të territoreve të tjera!

Nuk ka dyshim se tani Serbia po ndërmerr aksione të shumta dhe të të gjitha llojeve kundër Kosovës. Me këto aksione Serbia po vepron për ta destabilizuar sa më tepër gjendjen në Kosovë dhe kështu po e rrezikon popullin shqiptar. Gjithashtu, me këto aksione Serbia po vepron për ta destabilizuar gjendjen në Ballkan dhe në regjionin e Mesdheut. Prandaj, mund të shihet dhe të dokumentohet që çdo propozim për zgjidhjen e statusit të Kosovës, zyrtarët e Serbisë kanë për ta sabotuar dhe kundërshtuar. Nuk ka asnjë dyshim, për aksione kundër Kosovës e popullit shqiptar, përveç drejtuesve të Rusisë, Beogradi po gëzon edhe përkrahjen e liderëve të disa shteteve të tjera. Për qëllime dhe aksione të rrezikshme, Serbia është duke vepruar me të gjitha forcat për ta përfituar përkrahjen e liderëve të sa më shumë shteteve. Në këtë veprimtari, zyrtarët e Serbisë gjenden në aksione për t’i përçarë e konfrontuar aleatët e Aleancës Perëndimore, sidomos ata të Evropës kundër Amerikës.

Me makinacione perfide e të rrezikshme, Serbia ka arritur t’i sulmojë sllovenët e kroatët dhe të ndërmarrë aksione të tmerrshme për të shfarosur popullin boshnjak dhe atë shqiptar. Është fakt që bashkësia ndërkombëtare e ndihmoi dhe e pranoi ndarjen e sllovenëve, të kroatëve e sllavo-maqedonëve dhe i njohu pavarësinë Sllovenisë, Kroacisë e Maqedonisë. Pse atëherë drejtuesit e bashkësisë ndërkombëtare e organizmat ndërkombëtarë nuk e pranuan pavarësinë e Kosovës dhe kështu, me vite po e mbajnë Kosovën të varur?! Po kështu, përfaqësuesit e popujve sllavë të ish Jugosllavisë, popullin e okupuar shqiptar e diskriminonin dhe Kosovën kurrë nuk e barazonin me republikat e tjera të popujve sllavë. Mjerisht, edhe ndërkombëtarët mbajtën qëndrim të njejtë ndaj Kosovës! Dihet që populli shqiptar nuk ka asgjë të përbashkët më popullin serb, siç kanë sllovenët, kroatët dhe sllavo-maqedonët. Nuk mund të mos pyesim pse populli shqiptar nuk mund të çlirohet nga Serbia dhe pse Kosovës ende nuk po i njihet pavarësia?!

Për çdo kritikë, ndërkombëtarët në Kosovë i kanë përkrahur dhe anvansuar personat të cilët me okupatorët e kriminelët serbë me vite kanë ushtruar terror dhe kanë bërë krime mbi popullin shqiptar. Pastaj, disa zyrtarë ndërkombëtarë në Kosovë janë sjellur mjaft keq dhe pa kontroll janë duke vepruar kundër shqiptarëve të cilët nga urrejtja e egër është duke i akuzuar Beogradi!

Dihet që mbas okupimit të territoreve shqiptare të Sanxhakut të Nishit më 1875/1876, e sidomos mbas sulmeve luftarake dhe okupimit të Kosovës më 1912/1913, me mashtrime e tradhti të disa prijësve, agresorët serbë i okupuan popullin slloven e atë kroat. Gjithashtu, duhet të kuptohet që çdo formë e mbetjes së Kosovës me Serbinë, Beogradi ka për ta përdorur për aksione kundër popujve të tjerë, në radhë të parë kundër Maqedonisë, Bosnjës e Hercegovinës dhe pastaj kundër Kroacisë. Kështu, ka për t’u destabilizuar gjendja në Ballkan e më gjerë dhe kanë për t’u rrezikuar popujt e ish Jugosllavisë. Prandaj, është koha të kuptohet ky realitet dhe aksionet e rrezikshme rreth Kosovës e në Evropën Juglindore.

Dr.R.Xhema,
Prishtinë, më 13 dhjetor 2004