[Lona]

Sanksionet e Izraelit të papranueshme
e martë , 30 tetor 2007
Sekretari i përgjithshëm i Kombeve të Bashkuara, Ban Ki Mun, i vlerësoi si të papranueshme sanksionet e Izraelit kundër Rripit të Gazës dhe i bëri thirrje shtetit hebrej që t`i rishqyrtojë të njëjtat.
"Sekretari i përgjithshëm beson se sanksionet e Izraelit, të cilat fuqimisht reflektohen mbi tërë popullatën e Rripit të Gazës, janë të papranueshme dhe bëri thirrje që të rishqyrtohen", deklaroi mbrëmë zëdhënësi, Mishel Monta. "Sekretari i përgjithshëm përsëriti thirrjen e tij për ndërprerje të raketimit të territorit të Izraelit dhe dënoi ashpër aktet e tilla", deklaroi Monta.

Irani duket se do të dominojë bisedimet
e martë , 30 tetor 2007
Ministri i jashtëm saudit ka thënë se veprimi ushtarak kundër Iranit do të japë rezultate të kundërta dhe mund të provokojë reagime nga Teherani.
Duke folur për BBC-në, ndërsa Mbreti Abdullah filloi një vizitë shtetërore në Londër, Princi Saud al-Faisal tha se çdo sulm mund të destabilizojë rajonin dhe mund të shkaktojë dëme të mëdha ekonomike.Mbi Irakun, Princi i bëri thirrje komunitetit ndërkombëtar dhe fqinjëve të Irakut të ndihmonin në stabilizimin e vendit që ai tha është shumë kritik për stabilitetin në rajon.Vërejtjet e mbretit Abdullah mbi terrorizmin dhe shqetësimet rreth të drejtave të njeriut në Arabinë Saudite janë parakushte për të treguar se kjo vizitë do të jetë mjaft e debatueshme.Autoritetet britanike po i vënë theksin bashkëpunimit midis dy qeverive. Dhe siç tha edhe një zyrtar britanik, marrëdhënia e Britanisë me Arabinë Saudite në shumë mënyra është më qëndrorja që Britania ka, me çdo vend tjetër të Lindjes së Mesme.

SHBA tregojnë mirëkuptim për sulmet turke në veri të Irakut
e martë , 30 tetor 2007
Qeveria amerikane për herë të parë ka treguar mirëkuptim ndaj sulmeve të mundëshme të kufizuara të ushtrisë turke kundër kurdëve në veri të Irakut.
Zëdhënësja e Shtëpisë së Bardhë, Dana Perino, deklaroi se pas rrëmbimit të tetë ushtarëve turkë prej forcave rebele kurde të partisë puntore, PKK, forcat turke e kanë të drejtën që ushtarët t'i kërkojnë edhe në veri të Irakut. Mirëpo Turqisë i bëri thirrje për maturi. Deri tani SHBA kanë kundërshtuar hyrjen e ushtrisë turke në territorin irakian. Ndërsa Qeveria në Ankara ka kritikuar SHBA për mosverpimin e duhur, kundër forcave kurde, të cilat veriun e Irakut e kanë shfrytëzuar për sulme ndaj Turqisë. Mediat turke njoftojnë se forcat e këtij vendi kanë rrethuar afro 100 luftëtarë kurdë në zonën kufitare me Irakun. Ka pasur edhe të shtëna prej helikopterri.


Baradei kërkon masa më të rrepta kundër programeve bërthamore
e martë , 30 tetor 2007
Shefi i Organizatës për energji bërthamore, Mohamed el Baradei kërkon krijimin e një sistemi ndërkombëtar, për parandalimin e furnizimeve me lëndë nukleare.
Para asamblesë së përgjithëshme të OKB në Nju Jork,Baradei shpejgoi se kjo masë është e domosdoshme me qëllim zvoglimin e rrezikut për prodhimin e armëve bërthamore. Autoritetet e Organizatës për energji bërthamore kanë kumtuar të dielën se sipas njohurive të tyre, Irani ka vazhduar me pasurimin e uraniumit. Mirëpo nuk ka dëshmi konkrete se Irani po punon për prodhimin e armëve bërthamore. SHBA kanë ritheksuar vendosmërinë për shtimin e presionit ndaj Iranit.