[Neferta]

Lajme nga Oborri princërorë.
Zëvendëskryeministrja Edita Tahiri është kujdesur që të mos e lërë pa punë vajzën e motrës së saj, Elona Cecelia. Kjo e fundit është këshilltare politike e zv.kryeministres Tahiri që nga koha kur Tahiri qe emëruar ministre e Administratës Publike, shkruan sot Koha Ditore. Qysh në atë kohë Cecelia kishte mbajtur të njëjtin post gjatë kohës, kur tezja e saj udhëhiqte këtë dikaster për të pauzuar një kohë, derisa kryeministri Hashim Thaçi ia besoi postin e zv.kryeministres. Kështu, kjo e fundit tashmë e kishte të gatshëm vendin e punës për mbesën e saj. Ajo e ka angazhuar Cecelinë sërish në postin e këshilltares politike dhe kjo pothuajse çdo herë është pjesë e delegacionit kosovar që udhëton për në Bruksel ku mbahen bisedimet ndërmjet Prishtinës e Beogradit.
Postin e besuar nga tezja e ka konfirmuar edhe vetë Cecelia.
“Jam këshilltare e zv. kryeministres Edita Tahiri që nga koha kur ajo ka qenë ministre e Administratës Publike”, ka thënë Cecelia.
Por angazhimi i mbesës si këshilltare politike me pagë prej më shumë se 500 euro nuk i ka mjaftuar zv. kryeministres Tahiri. Kjo e fundit ka menduar që ta ndihmojë familjen e mbesës së saj edhe në një mënyrë tjetër. Tahiri ka zgjedhur që të jetojë me qira te Cecelia, për të cilën, sipas burimeve, ajo paguan qira 500 euro në muaj. Prej kësaj shume, 250 euro i paguan Qeveria e Kosovës, pasi që është e obliguar në bazë të një vendimi të marrë shtatë vjet më parë nga ish-kryeministri Ramush Haradinaj.
Vetem mos te vjedh jasht oborri! Se brenda ves se arte ka vler edhe nje kalbesire miniaturiale.