[murrizi]

Britania “ po shqyrton tërheqjen” nga Eurovision

Londër, 28 maj - Engelbert Humperdink, kengetari 76-vjecar i Britanise, duke kenduar ne "Eurovision"

Britania mund të mos konkurrojë më në edicionet e ardhshme të “Eurovision”, pasi rezultati veçanërisht i dobët i javës së shkuar ka ngjallur një irritim kombëtar ndaj festivalit që bashkon këngët fituese të festivaleve shteterore.

Të përfaqësuar nga veterani 76-vjeçar, Engelbert Humperdink, britanikët u renditën të dytët nga fundi në natën finale, ku u kualifikuan automatikisht në cilësinë e një prej sponsorve kryesore të aktivitetit.

Midis 42 vendeve pjesëmarrëse, vetëm Irlanda, Letonia, Belgjika dhe Estonia akorduan pikë për baladën “Love will set you free”.

Si rrjedhojë, me mijëra anglezë i janë drejtuar “BBC”-së duke i kërkuar që të bojkotojë edicionet e ardhshme, për shkak të votimit tejet të politizuar, që e pengon vendin që të ketë ndonjë shans real për sukses, transmeton TCH.

Nga “Twitter”, një prej prezantuesve më të njohur në Britani, Philip Schofield, udhëhoqi “kryqëzatën”, duke thënë: “Është koha që të tërhiqemi një herë e përgjithmonë. Edhe sikur të dërgojmë Robbie Williams nuk kemi asnjë shans për fitore me këtë votim politik”.

Sipas shtypit britanik, burime pranë “BBC” kanë konfirmuar se kjo çështje po studiohet.