[euro]

Kampioni botëror në kategorinë e rëndë në boksin profesionist, 38 vjeçari Lennox Lewis do të mbajë në Londër një konferencë për shtyp, ku do të bëjë të ditur fundin e karrierës

Lewis nuk ka dalë në ring që nga qershori i vitit të kaluar, kur me sukses e kishte mbrojtur titullin e kampionit të botës në verzionin WBC, kundër ukrainasit Vitali Kliçko.
Në ndërkohë, WBC i ka dhënë afat britanikut Lewis që deri më 1 mars të paralajmërojë se kur do të boksojë sërish kundër Kliçkos.
Deri më tani Lewis nuk e ka bërë këtë dhe ka spekulime se në këtë konferencë për shtyp do t’i japë fund karrierës 14 vjeçare.
Si profesionist, Lewis ka debutuar në vitin 1988, pas Lojërave Olimpike, kur kishte fituar medalën e artë në kategorinë super të rëndë në Kanadë.
Në ring ai ka dalë 44 herë dhe ka humbur vetëm 2 herë.

Ai ka fituar kundër boksierëve më të mëdhenj në 15 vitet e fundit, përfshirë edhe Mike Tyson dhe Evander Holyfield.