Dardania.de - Shiko Postimin Tek

Arb · 30-01-07, 21:13

Rekuiem për Presidentin Rugova

,,Bota u përket atyre që digjen, e jo atyre që ngrohen” - Xh. Spahiu

Milaim BERISHA

Dr. Ibrahim RUGOVA është një figurë poliedrike dhe personalitet i shquar. Ai është flijim i shpirtit të vizionarit për hir të idealit liridashës.

Në nismë: ishte redaktor në gazetën e studentëve ,,Bota e Re” dhe në revistën shkencore ,,Dituria”, që botoheshin në Prishtinë, hulumtues i historisë, kryeredaktor i ,,Gjurmimeve albanologjike” në Institutin Albanologjik, pastaj kryetar i palëkundshëm i Shoqatës së Shkrimtarëve të Kosovës, studiues i shkëlqyer e kritik i letërsisë, ligjërues i hershëm dhe mendimtar i veçantë, i qetë dhe i thellë, politikan i moderuar dhe PRESIDENT I PARË I KOSOVËS.

Anëtar korrespodent i ASHAK-së, bartës i shumë çmimeve e dekoratave kombëtare e ndërkombëtare për paqe e në shumë fusha të tjera, Doctor Honoris Causa të Universitetit VIII - Sorbonë, Francë, Çmimi Saharov i Parlamentit Evropian, është shpallur Senator Nderi i Evropës, Doktor Nderi i Universitetit të Tiranës, ndërsa për kontributin e tij në fushën e kulturës dhe letërsisë, Ministria e Kulturës e Kosovës, dr. Ibrahim Rugovën e ka nderuar me ÇMIMIN KOMBËTAR PËR VEPËR JETËSORE “AZEM SHKRELI”-2006.

Ai, përveç të tjerash, është mendje e zgjuar, forcë e vetëdijes së lartë dhe ndërgjegje e kohës sonë dhe kohëve në vijim. Ibrahimi është legjendë e gjallë, kujtesë kombëtare e historike dhe vlerë universale. Ai identifikohet edhe si kultivues i kontinuitetit të traditës.

Po ashtu Rugova si Bogdani: tejkaluan kohët në të cilat jetuan. Madje, mund të konkludojmë se Rugova është studiuesi i cili monumentalizoi veprën e Bogdanit.

Respektin e zotit Rugova e dëshmoi puna e tij dhe pjesëmarrja e 56 delegacioneve botërore në ceremoninë mortore.

Rugova tashmë është shndërruar në një personalitet të spikatur, në prijës që ka unin e vet. Uni i tij është uni i kombit.

Ai është simbol dhe sinonim i rezistencës dhe paqes - për një Kosovë të pavarur dhe shtet sovran, i demokracisë, lirisë, urtësisë dhe dashurisë ndërmjet njerëzve në Ballkan e në botë.

Njëkohësisht, është personifikim i humanizmit dhe mirësisë në kuptimin e plotë së fjalës. Dashuria e tij ishte një dashuri e madhe.

Ëndrra e Rugovës nuk ishte ëndërr e robit, por strategji e atdhetarit të devotshëm, e largpamësit, guximtarit dhe sakrificë e misionarit. Rugova: NA BUZËQESHTE ME SY, NA PËRSHËNDESTE ME ZEMËR.

Në historinë më të re të popullit të Kosovës - Dardanisë, ai do të mbetet një intelektual i dorës së parë me virtyte kombëtare dhe universale.

Kërkesën e tij të vazhdueshme ër pavarësinë e Kosovës, të mbështetur nga Shtetet e Bashkuara të Amerikës dhe Bashkimit Evropian, do ta realizojmë në vepër.

VETËM MË TË MËDHENJTË SAKRIFIKOJNË. VEPRAT - DO TË NA IDENTIFIKOJNË.

Zoti e bekoftë flakadanin, Ibrahim Rugova!

Iliria Post

30-01-07, 21:13	#15
Arb Anëtarësuar: 09-10-04 Vendndodhja: Little Dardania, NEW YORK Postime: 11,439	Rekuiem për Presidentin Rugova ,,Bota u përket atyre që digjen, e jo atyre që ngrohen” - Xh. Spahiu Milaim BERISHA Dr. Ibrahim RUGOVA është një figurë poliedrike dhe personalitet i shquar. Ai është flijim i shpirtit të vizionarit për hir të idealit liridashës. Në nismë: ishte redaktor në gazetën e studentëve ,,Bota e Re” dhe në revistën shkencore ,,Dituria”, që botoheshin në Prishtinë, hulumtues i historisë, kryeredaktor i ,,Gjurmimeve albanologjike” në Institutin Albanologjik, pastaj kryetar i palëkundshëm i Shoqatës së Shkrimtarëve të Kosovës, studiues i shkëlqyer e kritik i letërsisë, ligjërues i hershëm dhe mendimtar i veçantë, i qetë dhe i thellë, politikan i moderuar dhe PRESIDENT I PARË I KOSOVËS. Anëtar korrespodent i ASHAK-së, bartës i shumë çmimeve e dekoratave kombëtare e ndërkombëtare për paqe e në shumë fusha të tjera, Doctor Honoris Causa të Universitetit VIII - Sorbonë, Francë, Çmimi Saharov i Parlamentit Evropian, është shpallur Senator Nderi i Evropës, Doktor Nderi i Universitetit të Tiranës, ndërsa për kontributin e tij në fushën e kulturës dhe letërsisë, Ministria e Kulturës e Kosovës, dr. Ibrahim Rugovën e ka nderuar me ÇMIMIN KOMBËTAR PËR VEPËR JETËSORE “AZEM SHKRELI”-2006. Ai, përveç të tjerash, është mendje e zgjuar, forcë e vetëdijes së lartë dhe ndërgjegje e kohës sonë dhe kohëve në vijim. Ibrahimi është legjendë e gjallë, kujtesë kombëtare e historike dhe vlerë universale. Ai identifikohet edhe si kultivues i kontinuitetit të traditës. Po ashtu Rugova si Bogdani: tejkaluan kohët në të cilat jetuan. Madje, mund të konkludojmë se Rugova është studiuesi i cili monumentalizoi veprën e Bogdanit. Respektin e zotit Rugova e dëshmoi puna e tij dhe pjesëmarrja e 56 delegacioneve botërore në ceremoninë mortore. Rugova tashmë është shndërruar në një personalitet të spikatur, në prijës që ka unin e vet. Uni i tij është uni i kombit. Ai është simbol dhe sinonim i rezistencës dhe paqes - për një Kosovë të pavarur dhe shtet sovran, i demokracisë, lirisë, urtësisë dhe dashurisë ndërmjet njerëzve në Ballkan e në botë. Njëkohësisht, është personifikim i humanizmit dhe mirësisë në kuptimin e plotë së fjalës. Dashuria e tij ishte një dashuri e madhe. Ëndrra e Rugovës nuk ishte ëndërr e robit, por strategji e atdhetarit të devotshëm, e largpamësit, guximtarit dhe sakrificë e misionarit. Rugova: NA BUZËQESHTE ME SY, NA PËRSHËNDESTE ME ZEMËR. Në historinë më të re të popullit të Kosovës - Dardanisë, ai do të mbetet një intelektual i dorës së parë me virtyte kombëtare dhe universale. Kërkesën e tij të vazhdueshme ër pavarësinë e Kosovës, të mbështetur nga Shtetet e Bashkuara të Amerikës dhe Bashkimit Evropian, do ta realizojmë në vepër. VETËM MË TË MËDHENJTË SAKRIFIKOJNË. VEPRAT - DO TË NA IDENTIFIKOJNË. Zoti e bekoftë flakadanin, Ibrahim Rugova! Iliria Post