[euro]

Tashethëmet se Rivaldo mund t’i bashkangjitet bashkëlojtarit të tij nga kombëtarja, Kleberson-it në Old Trafford janë duke qarkulluar që nga dita kur ai u largua nga AC Milan.



Agjenti i tij ka konfirmuar se Liverpuli nuk është në mesin e tri ekipeve, të cilat kanë ofruar kontrata për brazilianin.

Rivaldo më herët ka treguar interesim për të iu bashkangjitur rradhëve të Chelsea-t – të cilët janë një nga ekipet e Premier ligës që mund t’i afrohen shumës që ai kërkon.



"Kemi tri oferta nga klubet angleze që janë të interesuara për Rivaldon," ka deklaruar më herët Jorge Gama-përfaqësues i tij.



"Nuk e di nëse ai do të pranoj ndonjërën prej tyre, por ato janë të vetmet që kanë treguar interesim për të."



Rivaldo është liruar nga shërbimet e kampionit evropian AC Milan këtë sezonë, pasi që nuk pati asnjë paraqitje për ta në Serie A dhe vetëm një në Ligën e Kampionëve.



Ai ka refuzuar ofertën për transferim në Katar për një shumë marramendëse dhe sigurisht mendon se ende mund të luajë futboll në nivelin më të lartë.