[Linka_pz]

24-vjeçari humb gruan 82-vjeçare pas 24 ditësh martese Një e moshuar argjentinase 82-vjeçare, e cila tërhoqi vëmendjen e medias muajin e kaluar kur martoi një djalë 24-vjeçar, ka ndërruar jetë si rezultat i problemeve me zemrën. Adelfa Volpes u shtrua në spital menjëherë pasi ajo dhe bashkëshorti i saj i ri, Reinaldo Wavaqche, u kthyen nga muaji i mjaltit në Brazil. Ajo vdiq në një sanatorium në Santa Fe, në qytetin ku çifti u martua. Zonja Volpes hodhi poshtë kritikat në të gjitha mediat në lidhje me diferencën e madhe në moshë me dhëndrin, i cili ishte djali i një prej shoqeve të saj të ngushta. Zoti Waveqche shkoi të jetonte me zonjën Volpes në moshën 15-vjeçare. “Nuk dua ta pranoj idenë se e humba”, thotë zoti Waveqche i dëshpëruar për agjencinë “EFE”. Çifti u martua më 28 shtator, pas disa vitesh fejese, në një ceremoni civile dhe më pas hynë në kishën e lagjes të rrethuar nga reporterët. Dashuria e tyre thuhet të ketë lulëzuar kur zoti Waveqche shkoi të jetonte me nusen e ardhshme pas vdekjes së mamasë, kur ishte 15-vjeç. Reinaldo u tha reporterëve ditën e dasmës në Santa Fe, Argjentinën veriore: “Gjithmonë më kanë pëlqyer gratë e pjekura”.