Kërcënimi i ekstremizmit islamik evropian ndaj Shteteve te Bashkuara

[Kalt]

Kërcënimi i ekstremizmit islamik evropian ndaj Shteteve te Bashkuara
15-04-2006


Në Evropë jetojnë mbi 120 milionë myslimanë, prej të cilëve 15-20 milionë jetojnë në Evropën Perëndimore. Megjithëse ekstremistët e dhunshëm islamikë përbëjnë vetëm një pakicë, ekspertët theksojnë se një pjesë e mirë e planeve për sulmet terroriste të 11 shtatorit u bënë në Evropë. Tre diplomatë amerikanë dëshmuan kohët e fundit në Senatin amerikan lidhur me kërcënimin që paraqet për Shtetet e Bashkuara radikalizmi islamik evropian. Por në vend të masave të sigurisë, ata sugjerojnë nevojën për nisma pozitive që i shërbejnë ndërtimit të besimit për pakicat islamike të Evropës.

Daniel Fried, Ndihmëssekretar amerikan i Shtetit për Çështjet Evropiane dhe Euroaziatike, thotë se një numër i madh myslimanësh evropianë e ndjejnë veten të izoluar në vendet e tyre. Në të njëjtën kohë, ndjehen të shkëputur nga kultura e tyre, apo nga origjina e prindërve të tyre.
Kjo ndjenjë e dyfishtë e të ndjerit të huaj, së bashku me përballjen e tyre me fenomene si papunësia dhe diskriminimi, bën që të ngrihen dyshime për ndjenja të ekstremizmit tek ta. "Shumë myslimanë të brezit të dytë, apo të tretë në Evropë, duket se duan t’u plotësohen nevojat shpirtërore. Ata shohin se komunitetet e tyre lokale, apo institucionet e këtyre vendeve nuk i plotësojnë këto nevoja. Prandaj, janë pikërisht financuesit e huaj dhe aktivistët fetarë nga jashtë ata që e mbushin këtë boshllëk shpirtëror, duke ndërtuar xhami, të cilat i pajisin me imamë ekstremistë," thotë z. Fried.
Mundja e ekstremizmit dhe e perceptimeve negative të krijuara për Amerikën, thotë zoti Fried, kërkon të komunikosh me këta të rinj dhe t’i ndihmosh ata që të forcojnë si lidhjet me mjedisin e tyre evropian, ashtu sikurse edhe me traditat e tyre të vërteta fetare dhe kulturore.
Në dëshminë e tij para Komisionit të Senatit për Marrëdhënie me Jashtë, Ndihmëssekretari amerikan i Shtetit Daniel Fried theksoi se qeveritë evropiane mund të mësojnë nga eksperienca e Amerikës, shpeshherë e shoqëruar edhe me probleme, në çështjen e diversitetit kulturor dhe asimilimit, veçanërisht nga ajo e lëvizjes së të drejtave civile. "Duhen patur parasysh mësimet nga eksperienca e luftës për të drejtat civile në Shtetet e Bashkuara, që vazhdon të jetë një çështje e aktuale. Europa ka shansin të shkrijë aspektet pozitive të disa zakoneve në një të vetëm, që mund të quhet “intregimi tolerant”. Në këtë mënyrë, myslimanët evropianë mund të shihen si plotësisht evropianë, edhe në rastin kur ruajnë disa nga vlerat e kulturës së tyre të trashëguar."
Amerika mund të japë kontributin e saj në këtë proces, tha zoti Daniel Fried, duke hapur kanalet e komunikimit dhe duke i ndihmuar myslimanët evropianë të mësojnë nga eksperienca shumëkulturore e Amerikës.
Përveç shkëmbimeve kulturore dhe programeve që e ndihmojnë këtë, ligjëratave dhe formave të tjera të diplomacisë publike, administrata ka në plan një sërë takimesh mes udhëheqësve dhe intelektualëve myslimanë të Amerikës dhe Evropës. Takimi i parë i kësaj natyre u organizua vjeshtën e kaluar në Bruksel nga ambasadori amerikan në Belgjikë, Tom Korologos. "Ky ishte shkëmbimi i parë mes myslimanëve evropianë dhe atyre amerikanë, që u përqëndrua tek identiteti, tek veprimtaria civile, mundësitë ekonomike dhe çështje të grave. Ky nuk ishte një nga ato aktivitete tipike akademike të instituteve me ekspertë që japin leksione për myslimanët nga podiumet. Këtë herë myslimanënt u flisnin myslimanëve, pra kishim të bënim me një dialog dhe jo me një monolog," thotë diplomati amerikan.
Një tjetër zyrtar që dëshmoi në Komisionin e Marrëdhëneive me Jashtë të Senatit, Amasadori Henry Krumpton, koordinator i Deparatmentit të Shtetit për Luftën kundër Terrorizmit, tha se në afat të shkurtër, Amerika duhet të neutralizojë kërcënimet direkte dhe të menjëhershme që paraqesin disa organizata islamike në Evropë.
Por në afat të gjatë, rrjetet terroriste duhet të kundërshtohen, duke ndërtuar alternativa për mundësi dhe mirëkuptim. "Lufta kundër ekstremizmit në Evropë nuk ka objektiv vetëm shkatërrimin dhe çrrënjosjen e rrjeteve armike, në të njëjtën kohë, ajo ka karakter konstruktiv; ajo është një përpjekje për ndërtimin e besimit në qeveri dhe synon të nxisë përkushtimin tonë për krijimin e drejtësisë dhe mundësive njëlloj, për të gjithë qytetarët evropianë. Kjo krijon sisteme të ndërlidhura me njëri tjetrit, që mund t’u ofrojnë komuniteteve alternativa të ligjshme përballë perspektivave të shytrembëra dhe zgjidhjeve mashtruese të përqafuara nga ekstremistët."
Zyrtarët që dëshmuan në Senat ishin të të njëjtit mendim se lufta kundër ekstremizmit islamik është një çështje idesh dhe informacioni, si në funksionimin e sistemit gjyqësor ashtu edhe në fushën e zbatimit të ligjit. Në mënyrë që të arrihet sukses, thanë zyrtarët amerikanë në seancën e dëshmive në Senat, qeveritë e vendeve evropiane dhe qeveria amerikane, duhet të bashkëpunojnë dhe të shkëmbejnë përvojën e tyre sociale dhe politike.


Zeri i Amerikes

[Espresso]

Në Evropë jetojnë mbi 120 milionë myslimanë, prej të cilëve 15-20 milionë jetojnë në Evropën Perëndimore.


Tung Kalt

E lexova edhe diku tjeter kete artikull, ama nuk arrita te kuptoj se ku jetojne aq shume musliman ne Evrop, pra 120 milion? Keto shifra si kam degjuar asnjehere me pare!?

[Luani_fr]

Postimi origjinal është bërë nga Espresso

Në Evropë jetojnë mbi 120 milionë myslimanë, prej të cilëve 15-20 milionë jetojnë në Evropën Perëndimore.


Tung Kalt

E lexova edhe diku tjeter kete artikull, ama nuk arrita te kuptoj se ku jetojne aq shume musliman ne Evrop, pra 120 milion? Keto shifra si kam degjuar asnjehere me pare!?

Po pse Afganistani, irani, iraki e disa shtete per rreth anuk jan ne evrop a???!!!

[panta_rhei]

Postimi origjinal është bërë nga Luani_fr

Po pse Afganistani, irani, iraki e disa shtete per rreth anuk jan ne evrop a???!!!

oou ku jeni vllazni bre... pash familen mos e lshoni se ja kini ngjit politikes per bishti!

[Kalt]

Postimi origjinal është bërë nga Espresso

Në Evropë jetojnë mbi 120 milionë myslimanë, prej të cilëve 15-20 milionë jetojnë në Evropën Perëndimore.


Tung Kalt

E lexova edhe diku tjeter kete artikull, ama nuk arrita te kuptoj se ku jetojne aq shume musliman ne Evrop, pra 120 milion? Keto shifra si kam degjuar asnjehere me pare!?

Me siguri eshte perfshire dhe Turqia ne perberjen e popullsise se Evropes!

[Espresso]

Postimi origjinal është bërë nga Kalt

Me siguri eshte perfshire dhe Turqia ne perberjen e popullsise se Evropes!

Aha

Flm, tani e kuptova se vertet me habiti se tepermi numri i lart.

Flm Kalt

[Kercovari]

S`di kujt i duhen keto te dhena demografike te popujve te Evropes kure ecurit demografike te popujve ne asnje shtet nuk bazohen ne baza fetare.
S`di pse ju Evropjan keni haru se dy besimtare te forte me te kujt docofshin religjioni mund te pajtojne dy jo besmitare...
Po pse keni haru se dy besimtare te denjte qofshin te krishtere apo musliman mund te udheheqin nje shtet ne menyre me te shkelqyer se dy besimtare te nje religjioni..

[Kalt]

Postimi origjinal është bërë nga Kercovari

S`di kujt i duhen keto te dhena demografike te popujve te Evropes kure ecurit demografike te popujve ne asnje shtet nuk bazohen ne baza fetare.
S`di pse ju Evropjan keni haru se dy besimtare te forte me te kujt docofshin religjioni mund te pajtojne dy jo besmitare...
Po pse keni haru se dy besimtare te denjte qofshin te krishtere apo musliman mund te udheheqin nje shtet ne menyre me te shkelqyer se dy besimtare te nje religjioni..

Kercovari,

Tema nuk ka te beje me demografine e Evropes.
Tema ka te beje me bashkejetesen nderfetare ne Evrope dhe per kete SHBA-ja ofron pervojen e vet me te mire.
SHBA-ja eshte vendi i vetem ne bote, ku besime, raca dhe ide, jetojne ne harmoni me njeri-tjetrin.
Kjo ndodh sepse SHBA-te kane zbatuar qe ne fillese parimet e demokracise, ndonese ende cdo gje nuk eshte e persosur, por krahasuar me Evropen, atje gjerat shkojne me mire.
SHBA-ja ndjek nje politike largpamese te integrimit dhe te bashkejeteses.
Ne ate shtet te gjithe kane mundesi te barabarta, ne ekonomi dhe politike.
Evropa nga ana e saj eshte ende e mbyllur dhe i friket hapjes.
Nese Evropa ndjek nje politike te integrimit, atehere te huajt qe jetojne aty nuk do te ndjehen me si te tille, por do te ndjehen vendas dhe te gjitha energjite e tyre do t'ja perkushtojne perparimit dhe zhvillimit.
Nese ben dallime ne race, besim dhe ide, atehere nuk ke bere gje tjeter, vecse ke paralajmeruar konflikte te forta sociale.
Cdo here parandalimi eshte me me vlere se sa mjekimi i nje semundje!

[Kercovari]

Kalt i nderuar
Pikerisht edhe une flas per Evropen!
Eshte fakt i pamohueshem se islami sot eshte peng i diktatoreve dhe militanteve,po sikur te hyme pak me thelle ne rrenje te ketij problemi dhe te analizojme pakes me mire se nga ku mbeshteten keto militant!?Athere do te shohim se Zoti eshte zevendesuar me nje Zot te dhunshem politik,e per te kriju nje Zot te dhunshem politik,dihet fare mire se nga ku vine keto ujra te felliqur.....
Dhe une pyes;Pse Evropa sot ndeshet me jotoleranc fetare dhe kah synojne qellimet e Evropes?!