Dy të vrarë dhe 9 të plagosur nga një shpërthim i fuqishëm në Prishtinë

[GjIlAnAsI_cSi]

REUTERS:


Explosion in Kosovo capital kills two people


Mbreme ne oret e vona tek Bill Clinton Boulevard ne Prishtin.. u shkatrrua edhe Qerdhja e mafias te mbetur nga serbia e vjeter " Sekiraqa "

Per me shum do njoftoheni ne vazhdim..

[lyra2]

Mbesim me shpresa.................................!!

[GjIlAnAsI_cSi]

Shpërthime në Prishtinë, gjejnë vdekjen 2 persona dhe plagosen 11 të tjerë

Një shpërthim i fuqishëm tronditi qendrën e Prishtinës, duke shkaktuar vdekjen e dy personave dhe plagosjen e 11 te tjerëve. Shpërthimi i cili ndodhi rreth orës 02.00 pas mesnate, shkatërroi disa dyqane ne bulevardin Bill Klinton dhe theu xhamat e disa ndërtesave. Ngjarja ndodhi ne një zone tregtare, ku disa bare dhe restorante ishin ende te hapura. Burime nga shërbimi policor i Kosovës bëjnë te ditur se te plagosurit janë dërguar me ambulance ne spitalin e Prishtinës. Për momentin nuk njihen motivet e kësaj ngjarje te rende. Forcat e policisë kane mbyllur bulevardin ndërsa njësitë e posaçme te forcave paqeruajtëse po kontrollojnë për mbetje eksplozivi. Kjo ngjarje e rende ndodh ne një faze tepër te rëndësishme për te ardhmen e Kosovës.



Lajm shtes.. nga un..


Ne keto momente ne vendin e ngjarjes eshte kapur edhe Adelina Ismajli.. eshte derguar ne polici dhe mbas disa oreve eshte liruar perseri duke munguar provat per te..

Kur Adelina Hakmerret..

[Murgesha]

2 të vdekur dhe disa të lënduar nga një shpërthim në Prishtinë


Naim Murati nga Bresalci i Gjilanit dhe Pleurat Sllamniku nga Prishtina, janë viktimat e shpërthimit të mbrëmshëm në Bulevardin Bill Klinton, në lagjen Dardania në Prishtinë. Drejtori i Klinikës Emergjente, Basri Lenjani thotë se njëri nga të lënduarit ende e ka jetën në rrezik, 3 janë ndalur për trajtim të mëtejshëm kurse 6 janë lëshuar në shtëpi. Zëdhënësi i SHPK-së, Veton Elshani ndërkaq nuk e mohon e as nuk e pohon ndërlidhjen e mundshme të këtij rasti me vrasjen e policit Triumf Riza.


Ai thotë se policia ende është në fazën fillestare të hetimeve dhe ende nuk di për motivin. Nga 9 të lënduarit, njëri ende e ka jetën në rrezik. Drejtori i Klinikës Emergjente, Basri Lenjani thotë se njëri nga viktimat ka ardhur i vdekur në spital ndërsa tjetri nuk ka mundur t’i mbijetoj plagët në kokë. 3 të tjerë pas intervenimit janë vendosur në Klinikën e neurologjisë ndërsa 6 të tjerë janë lëshuar në shtëpi. “Është gjendje e rëndë shëndetësore. Ne e bëjmë kategorizimin e lëndimeve të kokës d.m.th shkalla e parë është lëndim i lehtë, shkalla e mesme është lëndim mesatarisht i rëndë, ndërsa i lënduari bënë pjesë në grupin e shkallës së rëndë, me glasgom komë, shkalla 4-6 që d.m.th se për çdo moment mund t’i rrezikohet jeta”,sqaron Lenjani për sa i takon gjendjes së të lënduarit rënd.Zëdhënësi i SHPK-së, Veton Elshani thotë se ende nuk dihet se kush ishte cak i sulmit dhe me çfarë mjeti eksploziv është kryer ai. Shpërthimi ka ndodhur në orën 2 pas mesnate në vendin ku ndodhen disa lokale si ai “Sekiraqa” e “Besa”. Viktimat dhe të lënduarit ndodheshin në lokale thotë Elshani. Se a ka ndërlidhje ky rast me atë të vrasjes së policit Triumf Riza, zëdhënësi Elshani shprehet:“SHPK nuk dëshiron të spekulojë me asnjë rast, mirëpo nuk përjashtohet dhe nuk përjashton asnjë mundësi. Hetuesia e policisë është duke punuar në këtë drejtim, me siguri që pas marrjes së deklaratave të para, pas punës fillestare në terren, ne do të dimë diçka më shumë”.Elshani tha se deri tash janë intervistuar disa persona por ende nuk ka të dhëna që do të orientonin hetimet në ndonjë pistë të caktuar. Shpërthimin e mbrëmshëm e ka dënuar fuqishëm Qeveria e Kosovës, duke e cilësuar atë si akt kriminal që dëmton interesat e Kosovës. Ky sulm ishte vepër kriminale që ndonëse nuk ka lidhje me procesin politik në Kosovë gjithsesi dërgon një mesazh jo të mirë për Kosovën në këtë fazë jashtëzakonisht të rëndësishme për ardhmërinë e saj, thuhet në reagimin e Qeverisë. Me këtë rast, kryeministri Çeku është shprehur se nuk do të lejohet që aktet e tilla të rrezikojnë stabilitetin e Kosovës. Do të luftojmë krimin deri në fund. Ata që përpiqen të fshehën nga ligji, herët a vonë, do të ballafaqohen me drejtësinë, ka thënë kryeministri Çeku.

[legenda]

AAK dhe Ora dënojnë shpërthimin e mbrëmshëm në Prishtinë

Prishtinë, 24 shtator - Aleancës për Ardhmërinë e Kosovës dhe partia reformiste Ora dënojnë ashpër shpërthimin e mbrëmshëm në Lagjen Dardania në Prishtinë, ku humbën jetën dy vetë dhe u plagosën 11 të tjerë. Nëpërmjet një komonikate AAK shpreh tronditjen e vet të thellë dhe e dënon ashpër këtë akt kriminal duke vlerësar

se askush nuk guxon ta cënojë qetesinë, paqen dhe sigurinë e qytetarëve te Kosovës.

Njëherit kërkon nga organet e rendit dhe drejtesisë që sa më shpejte të kapen pergjegjësit dhe t'i sjellin ata para drejtesisë në menyrë që të marrin denimin e merituar.

"Rendi, paqja, qetësia dhe siguria ne Kosovë nuk kanë aleteranitve. Kosova duhet te jetë shembull i sundimit te ligjit dhe sigurisë të qytetarëv të saj",

thuhet në komunikatën e AAK-së.

Partia Reformiste ORA pasi dënon ashpër shpërthimin e mbrëmshëm, u shpreh ngushëllime familjeve të të vrarëve, si dhe i dëshiron shërim të shpejtë të të plagosurve.

ORA ndan shqetësimet me qytetarët e Kosovës dhe konsideron se ky akt e rrezikon sigurinë ne vend dhe dëmtonë rëndë imazhin e Kosovës.

Ora shpreh indinjatë të thellë për faktin se krimi i organizuar në tetë vitet e fundit po arrin të manifestohet në format e tij më të vrazhda dhe po kalon i pandëshkuar si pasojë e amnestimit nga qarqe të caktuara politike. Kjo parti kërkon nga autoritetet përgjegjëse të ndërmarrin të gjitha masat për zbardhjen e këtij rasti dhe të dënojë kriminelët të cilat po dëmtojnë të ardhmen e vendit.
--------------------------------------------------

KE dënon shpërthimin e mbrëmshëm në Prishtinë
----------------------------------------------------------
Sekretari i Përgjithshëm Këshillit të Evropës, Teri Dajvis ka reaguar sot, nëpërmjet një komunikate për shtyp, lidhur me eksplodimin që ndodhi sot në orët e hershme në Prishtine. \"Shpërthimi vdekjeprurës që ndodhi sot në Prishtinë është shqetësues edhe tani kur motive i vërtet i këtij eksplodimi nuk dihet. Të gjithë shpresojmë se ky incident nuk do të del të jetë një akt terrorist. Jam i bindur që autoritete e Kosovës janë duke i hulumtuar pasojat e këtij eksplodimi si çështje urgjente.

Ne ndërkohë në nuk duhet të ngutemi për të nxjerr konkluza në lidhje me këtë ngjarje,

thuhet ne komunikatë.

[Dilaver]

Akt i shëmtuar kriminal.

[Dardani_K1]

po mire ja paskan ba Restoranit Sekiraqa qe ja paskan hallakaten ponlat po qyshe sashte qellu edhe Enver Sekiraqa qe edhe atij me i fluturu koka si qenit se sa njerin e ka ai ne qafe sishe kanen keq te ishe deken po thojne se fara e keqe nuk zhduket kollaj,dikushe e kishe permenden se edhe Adelina Ismajlin e kishin burgosen ne vendin e ngjarjes ne qofte se ajo e ka ba kete pune i lumte se ka marren hak per burrin e vet dhe babain e femijes se saj .
Qifti i Sekiraqes duhet me u zhduken me far e me krejt.

[LABI]

Akt i shemtuare ishte dhe ndezja e shtepise per te treten radhe te gazetarit Milaim Zeka.

Pse nuk dulen institucionet me denu cenimin qe ju bohet punetoreve (gazetareve) pushtetit te 4 te demokracise... ?!!

Ngjarjet e fundit te krimeve qe po ndodhin ne Kosoves , jane nje varg i pashkeputur i krimit te organizuare qe ka filluare te qelbet dhe po del ne siperfaqe ...

[Dardani_K1]

he per Gazetar sjau nien qeveris se gazetar kane boll e qiftat e Sekiraqes i kane pak se me ju shku Sekiraqa qeveritaret skane kane me e dergu qe me ba pune te felliqta per ta e pastaj Enver Sekiraqa i ka ne dore keta qeveritaret tane kini me pa se kane me u que edhe lokalin kane me ja ndreqen te ri e besa kane me e shpallen Hero Sekiraqen hahahaha e puna e Triupf Rizes u shue spo nihet ma nja 3 dit mas vdeljes e permenen e ma as qe po ndegjohet as nuk e permend Kryetari Fatmir Sejdiu As Kryeministri.Agim Qeku e as Ministri i Policis turp,turp qeveris se jane edhe ma te kqije se Sekiraqa se Enver Sekiraqa per qeveritaret punon si per qeverin e Serbis qe ka Punue.

[GjIlAnAsI_cSi]

Ska pas nevoj per ndrrimin e titullit te temes.. pasi ky resotrant dhe keta dy te vrar kan qen pjes e bandes Sekiraqa dhe per mua ajo eshte "Qerdhja" e tyre ku kan bashkpunu per gjithcka.. prandaj mos e mbroni at si staff se eshte turp.. por duhet lan ashtu titullin se ai eshte mafia dhe bandit.. dhe i lumt atij qe e ka bere.. !!!!!

[yllbardh]

Interesant me këtë popullin tonë në njërën anë thuan se jan kundër krimit e në anën tjetër e ladërojn sa që thua ti se do të arrijë përmasa legjende. Pse asjnëri nga ne nuk e vëjm kokën në gishtë që të mendojm se si mundë t'ia presim kësaj kulqedre kokën por e miratojm vetëm e vetëm se ndoshta një kriminel është hequr qafe me anë të një krimi më të madhë!!! A luftohet krimi me anë të krimit apo me ndihmën e ligjit? E di se do të thuani se nuk ka ligj dhe se cdo kund mbisundon korrupcioni e nepotismi etj. etj. por kur do t'ju vij fundi këtyre deformiteteve të shoqëris sonë, nëse ne qysh në jetën e përditëshme nuk sillemi mbrenda kornizave të ligjit. Ne jemi ata që duhet t'a bëjnë hapin e parë në drejtim të luftimit të krimit, sepse vetë shteti(që ende s'e kemi) nuk mundë t'a bëjë këtë pa ndihmën e cdo qytetari.

[Dilaver]

Secili akt kriminal është i ndëshkueshëm, pra edhe ndezja e shtepisë së të apostrofuarit. Vendi i kriminelëve është në burg, ndërsa qytetarët duhet të gëzojnë lirinë njerzore si parime të shoqerisë demokratike.
Adhurimi absurd e i verbër i ngjarjeve kriminale, mburrja dhe admirimi për cdo gjë të keqe e pa vlerë, robërimi në pasionet e dobëta e negative, nënshtrimi ndaj instinktit, deshirave e skeleteve të rebeluara prodhon kaos, pasiguri, vuajtje, mjerim, anarki......

Ndërsa sa i përket zvarranikut Milaim zeza (në asnjë mënyrë nuk e arsyetoj ndezjen e shtepisë së tij), as ai nuk është surrat më i mirë se sekiraqa e as këta rivalet e tij që u vranë e që po vrasin. Ai bashk me një lukuni lehësish zagar ishte përpilues i listave të vdekjes (shqiptare).
Prej nga i erdhi gjith ajo pasuri?
Ai ka qenë rezilant (azilant) dhe kurr punë me dorë nuk ka prekë, në fakt për mashtrime e dredhi ka qenë mjeshtër bashk me shqiptar os(j)ekun.
Mashtrimet dhe dredhitë qe iu ka bërë bashkkombasve përfshi këtu edhe dredhitë me kasetat të cilat kishin tematikë nga Lufta e Kosharës dhe Prekazit.....nuk harrohen dhe një ditë duhet të jep përgjegjësi...

[legenda]

............

Kjo ka ndodh ne 2 te nates mrame ne qender te Prishtines ku munesh me mrri ne kam per 20 minuta ma se shumti prej seciles zyre te agjencive te lajmeve edhe mediave! 8 ore mas ngjarjes nuk e ki pas as ne RTK as ne KTV. Asni gazete nuk e ki qe mbyllet pak ma vone. Gjithkun ne bote ki gazeta qe dalin edhe ne mesdite ose masdite, ose kan egzistuset kan edicoione mes/masditore. Lajmi ne vebsajt te QIK-ut o dal mas ores 10 edhe nuk e din prej kahit osht i ndjeri Pleurat Sllamniku?!?!? Djali ka qene prej Prishtines - Dragodanit, perndryshe familje e lidhun fort me QIK/LDK. Tash bone hesap.

Nejse, deri tash po di boll. Shumica ose krejt viktimat nuk kan pas lidhje me Enver Sekiraqen po kan qene ne ni lokal aty afer, prone e djemve te Mexhid Syles - edhe vet te lendum. Shoqni e djemve te mire kan qene, shumica garda ne UNMIK kan punu. Tragjedi - qa me thone tjeter sen per kit pune.
----------------------------------------------------------------------

http://www.activeboard.com/forum.spark?forumID=36283&p=3&topicID=13599393

Postimi origjinal është bërë nga GjIlAnAsI_cSi

Ska pas nevoj per ndrrimin e titullit te temes.. pasi ky resotrant dhe keta dy te vrar kan qen pjes e bandes Sekiraqa dhe per mua ajo eshte "Qerdhja" e tyre ku kan bashkpunu per gjithcka.. prandaj mos e mbroni at si staff se eshte turp.. por duhet lan ashtu titullin se ai eshte mafia dhe bandit.. dhe i lumt atij qe e ka bere.. !!!!!

[illyria]

Krimineli Sekiraça (shihe njiher çfarë mbiemri se) e ka vendosë bombën vetë në lokalin e tij për arsye që të paraqitet si viktimë dhe për arsye të relativizimit të krimeve të veta që i ka bërë ndaj popullit dhe shtetit të Kosovës.
Se mafia ,krimi i organizuar është shumë mirë i organizuar në Kosovë tregon fakti se vetëm brenda disa ditëve pas vrasjes së policit Triumf Riza,mjetet e informimit masiv në Kosovë u ndalën së shkruari për këtë problem më të madh që ka sot shoqëria jonë.Kjo sigurisht nuk ka ndodhë në mënyrë spontane por me kërcënimet që menjlher mafia i bëri me anë të njerëzve të vet në strukturat institucionale kosovare e që janë të shumtë.Të mos flasim më për dhjetëra e dhjetëra raste të rënda likuidimesh politike dhe mafioze pas lufte të cilat nuk përmenden më edhe pse vrasësit nuk janë ndjekur fare,e lere më të burgosen.
Njerëzit të cilët më së shumti vjedhën,uzurpuan,falsifikuan,keqpërdorën por edhe vranë në Kosovën e pasluftës janë pikërisht njerëzit e afërm të personaliteteve të lartë politik dhe ushtarak,qofshin ata farefis,bashkëluftëtarë apo kolegë partiak.
Pra,dihet mirë se kush në Kosovë po e mbronë krimin e organizuar,kjo aspak nuk ka lidhje me UNMIK-un apo armiqtë tjerë të jashtëm qysh dim ne me u arsyetue shpesh herë.Kjo ka lidhje me vetë banorët e Kosovës që i tolerojnë hajnat dhe shefat e tyre politikanë e komandantë të ndryshëm.

[legenda]

Albion Topia
Përleshja te O.K. korali !

Në qytetin Tombstone të Arizonës, në prerjen e rrugës së tretë dhe asaj Fremont këtu e 126 vjet më parë u përleshën Doc Holliday dhe vëllezërit Erp në njërën anë, me bandën e Clantonëve dhe McLaurëve në anën tjetër. Këtu nisi rrëfimi, përralla, legjenda, miti… Nisi dhe përshkoi kontinentin, mandej botën, mbushi shtypin e kohës, u përjetësua në shirita celuloidi…!Përleshja te O.K.korali!

Një major i KFOR-it amerikan një ditë krejt troç më tha;
-Ju jeni si kaubojët!
Nuk e kisha të qartë se më bënte lajka apo më qortonte, prandaj nuk u durova pa e pyetur; Si sheriffët apo banditët?
U habit!
-Po ata ishin të njejtë ore mik.
-Vallë, kështu na sheh, e pyeta sërish?
-Nuk ju shoh kështu, kështu jeni!!! Keni aq shumë gjëra identike me perëndimin tonë të egër. Megjithëse 125 vjet zhvendosje kohore fryma e përleshjeve rëndon në ajër. Ne, atë frymë tashmë e kemi konservuar nëpër arkiva, shirita filmi, stripa, shfaqje teatrale, vepra artistike, e këtu e gjejmë
LIVE. Ka vetëm një dallim, vazhdoi. Motivet janë të kaubojve ndërsa dekori I gangsterëve.
-Jemi më të përsosur do të thotë, e pyeta prap?
- Pa asnjë dyshim… u përgjigj.
Ja që në një segment ia paskemi shkuar edhe amerikës ishte mendimi i vetëm që më shkrepi në atë moment!
Si duket kjo bisedë më shtyri të interesohem më shumë për “Përleshja te O.K.korali”. Pasi shfletova dhe lexova me kujdes të gjitha detajet dhe e kthjellova mirë imazhin e krijuar nga filmat në këtë temë, nuk mund të them që u kaplova nga ndonjë impresion i jashtëzakonshëm. Kishte diçka shqiptare në gjithë këtë legjendë! Kur them shqiptare, mendoj diçka të njohur, të natyrshme, të zakonshme edhe për mua!!! Fyerja, kodoshllëku, inati, grushti… alltia, kallashnjikovi, eksplozivi! Domosdo dhe femrat, si shkas, motiv, nxitje!
Hulumtimi për të zbuluar më shumë rreth origjinës së akterëve më dëshproi fare. Edhepse u përpoqa të gjej ndonjë lidhje eventuale të ndonjërit nga protagonistët e kësaj legjende me shqiptarët, doli se lidhje e tillë nuk ekziston. E si ka mundësi që kaubojët e dikurshëm të ishin aq të ngjashëm me ne, sot? Si arriti kanuni ynë atje (nëqoftëse determinoi jeten dhe vdekjen, ndëshkimin dhe dënimin, nderin e guximin…), në perëndimin e egër, këtu e 200 vjet më parë? Si e përvetësuan “të drejtën për drejtësi”, hakmarrje, turpin e larë me plumb, gjakun për gjak, të gjitha këto veçori tonat që na shquajnë edhe sot?
E çuditshme. Kaubojë dhe shqiptarë, e njekohësisht asnjë lidhje e drejtpërdrejtë gjaku me ne!
S’do mend që ka ndonjë lidhje tjetër, nëse jo lidhje gjaku! Mund të jetë krejt mistike, spirituale, telepatike! Diçka që nuk zbërthehet dhe shpjegohet logjikshëm. Diçka instiktive, shtazarake, morbide, bizarre, por që nga mendja e mbyllur (e perëndimit të egër dikur, e jona-sot) konsiderohet heroike, epike, burrërore, merreni me mend edhe humane!!!
Vallë, sa shumë janë rrënuar vlerat tona morale, mund të pohoj dikush! Apo ndoshta asnjëherë ato nuk i kishim krijuar as sipas kanunit dhe as sipas ligjeve!?
Në atë shoqëri ku një fishek kushton 10 cent, sa kushton jeta? Në një vend ku të pafajshmit mbyllen në burgje e kriminelët (kauboj) vendosin rregull, si quhet sistemi gjyqësor? Në një hapësirë të ngushtë me kaq shumë armë të paligjshme kush kend e mbronë? Kush kend e vret? Kush kend e hedh në ajër? Kush kujt i jep llogari? Në një qytet ku rrënohen shkollat për t’u zëvendësuar me faltore dhe të premteve xhamitë gumëzhinjë nga “selamun-alejkum”, ku sheh mjekrra e tlina të shkurtëra si në Guxharat, a vlenë t’i lutesh zotit? S’e vlenë, sepse jam i sigurtë që edhe zoti i shmanget vendeve të rrezikshme! Ai nuk ishte në Tombstone atëbotë kur ndodhi përleshja. Ai, gjithashtu nuk banon sot as këtu, në Kosovë. Edhe nëse na viziton shkurtazi, këtë e bën në konfidencë totale dhe i veshur me antiplumb. Po jeta i dhimbset edhe zotit dhe kjo është fare normale. E jeta këtu kushton… sa një lollypop!
Sa keq! Në vend që të shtrenjtohet jeta këtu shtrenjtohen artikujt tjerë!
Sot, duke kaluar rrugës nëpër sheshin Bill Clinton dëgjova një grindje fëmijësh:
-Mos ma merr lollipopin, imi është…
M’u bë sikur çunaku të këlthiste; -Mos ma merr jetën!
Vërtetë u trishtova! Por, edhe trishtimi këtu kushton lirë. Aq lirë sa që mund ta marrësh falas dhe në sasi ta pakufizuara.
Një ditë, kur edhe ne ta konzervojmë “perëndimin tonë të egër”, mund të mbetet legjenda. Po gjithsesi, sepse ato krijohen vazhdimisht dhe kudo! E më së shumti aty ku nuk banon shteti.