Në Evrop e treta Kosova

[murrizi]

Kosova e treta në Evropë për rritjen ekonomike




Prishtinë, 26 nëntor - Kosova është radhitur e treta në Evropë për nga përqindja e rritjes ekonomike, sipas një raporti të publikuar në fund të muajit tetor nga Fondi Monetar Ndërkombëtar. Sipas këtij raporti, përqindja e rritjes ekonomike të Kosovës është 4.6 për qind. Dy vendet që kanë realizuar përqindje të rritjes ekonomike më të lartë se Kosova janë Turqia dhe Bjellorusia. Vlera e prodhimit bruto të Bjellorusisë është rritur brenda vitit 2010 për 7.2 për qind, ndërsa ajo e Turqisë për 7.8 për qind.
“Nëse merren parasysh parashikimet e FMN-së për vitin 2011, Kosova me një rritje ekonomike prej 5,9 për qind radhitet e dyta, pas Bjellorusisë, e cila do të ketë normë të rritjes 6.2 për qind”, thuhet në një komunikatë të Ministrisë së Ekonomisë dhe Financave, e cila u referohet shifrave të raportit të FMN-së.
Ndërkohë, në një raport të publikuar ditë më parë nga Enti i Statistikave i Kosovës, vlera reale e GJDP-së së Kosovës gjatë vitit 2009 është rritur për 2.9 për qind.
“Bruto produkti vendor në Kosovë gjatë periudhës 2004-2009 është rritur nga 2.912 miliardë euro në 3.912 miliardë euro”, thuhet në raportin e fundit të ESK-së.
Sipas raportit të Entit, BPV-ja për kokë banori është rritur nga 1.427 euro sa ishte në vitin 2004, në 1.795 euro në vitin 2009. Rritje më e madhe e BPV-së është shënuar në vitin 2008 për rreth gjysmë miliardi euro, apo sa gjysma e këtyre pesë viteve të kalkuluara.
“Komponenti kryesor i BPV-së është konsumi final i ekonomive shtëpiake, i cili është rritur nga 2.487 miliardë euro sa ishte në 2004, në 3.584 miliardë euro në 2009”, thuhet në raport.
Sipas Entit, shpenzimet e konsumit final të ekonomive shtëpiake nga 85.4 për qind sa janë përfaqësuar te BPV-ja, janë rritur në 91.6 për qind. Shpenzimet e përgjithshme të Qeverisë në periudhën 2004 kanë përfaqësuar 24.1, përderisa përfaqësimi i tyre ka rënë në 17.1 në vitin 2009. Eksporti i mallrave ka ndikuar me minus 39.2 për qind në vitin 2009 apo dy për qind më pak se viti paraprak. Importi në vitin e kaluar ka rënë për 1.2 për qind.
Ministri në largim i Ekonomisë dhe i Financave, Ahmet Shala, ka thënë se rritja e investimeve private mbetet në qendër të vëmendjes së Qeverisë së Kosovës.
“Duhet të vazhdojmë përpjekjet për rritjen e eksportit dhe krijimin e ambientit edhe më tërheqës për investime”, ka thënë Shala.
Në bazë të Kornizës Makroekonomike të Kosovës dhe zhvillimeve ekonomike në përgjithësi, është vlerësuar se për vitet 2010 dhe 2011 kontribut më të madh në rritjen ekonomike do të ketë rritja e konsumit privat që do të kontribuojë me një mesatare 2 për qind. Sipas llogarive, rritja e konsumit privat do të jetë më e lartë sesa ajo e konsumit publik. Gjithashtu, pritet të ketë edhe rritje të investimeve publike dhe private, të cilat do të kontribuojnë me 2 për qind në këtë rritjen ekonomike, si dhe rritja e eksporteve që do të kontribuojë mesatarisht me një për qind.
Koha.net

[premium]

Çfare statistike e paskadh dhanë ... po si është e mundshme pa fabrikat industriale të ngritet në këmb një shtet??

Postimi origjinal është bërë nga premium

Çfare statistike e paskadh dhanë ... po si është e mundshme pa fabrikat industriale të ngritet në këmb një shtet??

Ashte mundur premium nje parti me pas ne kosove vlen sa 7 fabrika dikun jasht, e na ka dasht zoti bajegi nom do parti i kemi.

[Guri i madh]

po po deri sa qojn pare kta qe jetojn jasht kosoves


po tash edhe kto shtetet e zhvillura i ka rrok kriza

e pare ma pak dergohen ne kosov

[Fshatari]

Postimi origjinal është bërë nga Guri i madh

po po deri sa qojn pare kta qe jetojn jasht kosoves


po tash edhe kto shtetet e zhvillura i ka rrok kriza

e pare ma pak dergohen ne kosov

Mire eshte qe dergojne pare keta qe jetojne jasht Kosoves se ato pare i meritojne me punen e tyne e nuk i vjedhin.

Masi i paska kap kriza keta shtetet e evropes, pse nuk shkojne me u mesue pak ne shtetin me plote prosperitet ekonomok te Kosoves po te zhytyn ne krize deri n'fyt vijne e na shesin mend neve.