Cila Eshte E Ardhmja e Maqedonis...!?

[fadil]

Greqia: Maqedonia e Re apo e Epërme


ministrja e Jashtme greke Dora BakojanisPër herë të parë ministrja e Jashtme greke Dora Bakojanis e ka bërë të qartë se çfarë emrash do të pranonte Athina për të zgjidhur debatin gati 15 vjeçar me ish-Republikën Jugosllave të Maqedonisë.
Greqia thotë se do të vendosë veton ndaj anëtarësimit të Maqedonisë nëse nuk zgjidhet mosmarrëveshja për emrin.
Greqia do të pranonte Maqedonia e Re ose Maqedonia e Epërme.
Zonja Bakojanis biseoi me korrespodentin e BBC-së Malcolm Brabant.
Bakojanis: Grekët ndjehen mjaft miqësorë ndaj këtij kombi, por ne duam t'i takojmë ata në mesin e rrugës dhe ne e bëmë gjysmën tonë të rrugës. Dhe nuk ishte e lehtë për ne në realitetin politik të vendit. Ne bëmë ndryshim në politikën tonë. Ne thamë diçka fare të thjeshtë dhe mendoj se është shumë e drejtë ajo që propozuam ne. Ne thamë, shikoni, Maqedonia e madhe, Maqedonia gjeografike, është një rajon nga e cila 51 për qind i përket Greqisë, nëntë përqind i përket Bullgarisë dhe 30 përqind ju përket juve. Le ta bëjmë të qartë, se ju përfaqësoni pjesën tuaj të Maqedonisë dhe kjo duhet të kuptohet nga të gjithë në botë, që të gjithë ta dijnë se me kë po flasin dhe me kë duhet të merren. Dhe mendoj se ky është një propozim shumë i drejtë.
BBC: Pra ajo që thoni ju është se diçka që do të kishte një referencë gjeografike, si Maqeonia e re apo e epërme do të ishte e pranueshme për ju.
Bakojanis: Po.
BBC: Dhe çfarë ka të keqe me republika e Maqedonisë (Shkup)?
Bakojanis: Sepse ju e dini, dhe unë e dij, dhe të gjithë njerëzit që po dëgjojnë ndoshta e dijnë se ky nuk është një emër dhe kjo praktikisht do të harrohet. E vërteta është se, nëse duam ta zgjidhim problemin, atëhere ne duhet të kemi një emër që përdoret, që është një emër i vërtetë, që të jetë një emër që i jep përgjigje të gjitha këtyre logjikave irredentiste e nacionaliste të së shkuarës. Dhe kjo është përgjigja që ne duam në të gjithë rajonin e Ballkanit.
Ne nuk mund të vazhdojmë të mendojmë siç kemi bërë gjatë luftës së ftohtë, madje edhe para Luftës së Ftohtë. Ne duhet të ndryshojmë mënyrën tonë të të menduarit. Mendoj se e bëmë këtë dhe ne treguam gjithashtu vullnetin tonë shumë, shumë herë dhe në shumë raste, por ne duhet të përballemi me problemet para se të marrim ftesën për në aleancë. Një alencë nuk mund të jetë një aleancë midis vendeve ku marrëdhëniet e fqinjësisë së mirë nuk ekzistojnë. Thjesht imagjinoni si e ndjenë veten grekët kur panë flamurin e tyre me një kryq të thyer.
BBC: Por ajo ishte diçka private, nuk ishte diçka e qeverisë.
Bakojanis: Sigurisht që ishte një diçka private, dhe ne do të donim ta shihnim atë si diçka private, por ishte diçka private që ishte rreth të gjithë qytetit të Shkupit dhe në Greqi - dhe ne jemi një demokraci më besoni - nëse diçka do të ishte kaq turpëruese për një vend tjetër ne nuk do ta pranonim.