Muaji I Ramazanit

[BE LK]

Muaji i Ramazanit dëshmi e besimit të sinqertë


Jemi në prag të muajit të Ramazanit, para muajit që gjithmonë ofron ngrohtësi dhe kënaqësi, muajit specifik që ka rregullimin, orarin dhe atmosferën e vet.

Pejgamberi [sal-lall-llahu alejhi ve sel-lem] në fillim të muajit të Ramazanit iu drejtua besimtarëve:

"O njerëz! Ju ka ardhur muaji i All-llahut të Madhërishëm, muaj i begative, mëshirës dhe faljes; muaji më i lartë tek All-llahu. Ditët e këtij muaji janë më të vlefshmet e ditëve; netët e këtij muaji janë më të mirat e netëve; orët e këtij muaji janë më të bekuarat e orëve. Është muaji në të cilin jeni të ftuar tek All-llahu si miqtë më të respektuar të Tij. Është muaji në të cilin shikimi është lartësim i All-llahut dhe gjumi është adhurim, është muaji kur pranohet lutja dhe shumëfishohet shpërblimi për veprat. Kërkoni pra, me zemër të pastër dhe qëllim të sinqertë bekimet e All-llahut për mbajtjen e agjërimit gjatë këtij muaji dhe lexoni Kur'an për hir të Tij. Atij njeriu që i mohohet falja e mëkateve në këtë muaj, është njeriu më i pafat. Uria dhe etja e këtij muaji le t'ju sjellë ndërmend urinë dhe etjen e Ditës së Kijametit. Jepni lëmoshë për të varfrit dhe të vobektët, nderoni të moshuarit dhe silluni me ëmbëlsi ndaj fëmijëve, forconi lidhjet farefisnore, ruajeni gjuhën, uleni shikimin dhe ruajeni dëgjimin nga ajo që është e ndaluar, tregojuni të mëshirshëm me jetimët, që të tjerët të tregohen të mëshirshëm me ju, kthehuni tek All-llahu të penduar sinqerisht dhe ngrijini duart në lutjet tuaja dhe në namaz për të kërkuar begatitë dhe mëshirën e Tij. Ramazani është epiqendër për përforcimin e fuqive shpirtërore, psikike e morale në jetën e popullit apo të individit... Ky na rikujton të vërtetën e qiejve dhe të tokës, na armatosë me fuqi ngadhënjyese dhe na nxitë ta duam lirinë, prej së cilës varet nderi i njerëzimit. Pra, Ramazani na dhuron të vërtetën, fuqinë dhe lirinë gjatë ditëve të urisë dhe etjes. O njerëz! Shpirtrat tuaj janë peng i veprave tuaja. Shpengojini ata duke kërkuar falje. Supet ju rëndojnë nga mëkatet. Çlirojini duke u përgjunjur me ballin në tokë. All-llahu ka premtuar që nuk do të dënojë dhe as frikësojë ata që janë lutur dhe përgjunjur përpara Tij. O njerëz! Nëse nderoni një agjërues duke e ushqyer me një vakt, All-llahu do t'ju japë shpërblim sikur keni çliruar një skllav dhe do t'ju falë mëkatet". Kur e dëgjoi këtë, një prej shokëve të Pejgamberit u ngrit e tha: "O i Dërguar i All-llahut, jo të gjithë prej nesh kanë mundësi të ushqejnë një agjërues siç thua ti". Kësaj Pejgamberi iu përgjigj: "Ruajeni veten nga e keqja e zjarrit qoftë edhe me një copë hurmë apo me një gllënkë ujë."

"O populli im! Nëse një prej jush ndreq karakterin e tij gjatë këtij muaji, All-llahu do ta ndihmojë që ai të kalojë urën e Siratit (urë mes zjarrit dhe kopshtit) me hapa të sigurt, në një kohë kur të tjerëve do t'u dridhen këmbët. All-llahu do ta zbutë gjykimin ndaj njerëzve që tregojnë butësi gjatë këtij muaji kundrejt atyre që kanë nën vartësi. All-llahu do ta largojë zemërimin kur të takohet me një prej robërve të Tij në Ditën e Gjykimit, i cili është larguar nga mëkatet gjatë këtij muaji. All-llahu do ta ndërpresë mëshirën e Tij për ata njerëz që i prishin lidhjet e gjakut gjatë këtij muaji. All-llahu do t'i mbajë larg zjarrit ata njerëz që me dëshirën e tyre falen më shumë se ç'ju është bërë obligim, kurse shpërblimi për faljet e obliguara këtë muaj është 70 herë më i madh se në muajt e tjerë. Shtimi i faljeve në këtë muaj do të rëndojë shumë në peshoren e Ditës së Gjykimit. Shpërblimi i atij njeriu që lexon vetëm një varg të Kur'anit këtë muaj, është i njëjtë me shpërblimin që ka sikur të ketë lexuar të tërë Kur'anin në ndonjë muaj tjetër.

O njerëz! Gjatë këtij muaji hapen dyert e Xhennetit. Lutuni All-llahut që të mos i mbyllë ato dyer përpara jush. Gjatë këtij muaji mbyllen dyert e zjarrit, ndaj lutuni All-llahut që të mos i hapë ato dyer përpara jush. Shejtanët janë të lidhur, ndaj lutuni All-llahut që të mos kenë ndikim mbi ju." Pasi dëgjoi të gjithë këtë, Ali ibn Ebi Talib u ngrit në këmbë dhe pyeti: "Cila është vepra më e shpërblyer gjatë këtij muaji?" Pejgamberi [sal-lall-lahu alejhi ve sel-lem] u përgjigj: "Vepra më me vlerë dhe me shpërblimin më të madh gjatë këtij muaji është të qenit i kujdesshëm ndaj gjërave që All-llahu i ka ndaluar".

Muaji i Ramazanit është moment i fillimit të shpalljes së Kur'anit, prandaj edhe quhet muaji i Kur'anit, i shpalljes, i pejgamberisë. Prej atij momenti fillon edhe formimi i një grupi islam, e më vonë edhe themelimi i Botës islame. Shikoni muslimanët e hershëm, ata të cilët në betejën e Bedrit, e cila u zhvillua në ditën e shtatëmbëdhjetë të Ramazanit, të cilët edhe pse ishin pakicë, korrën fitore bindëse kundër pabesimtarëve, fitore të cilën e përmendi edhe All-llahu në Kur'anin Famëlartë... A mendoni se do të korrnin sukses sikur të mos i kishte përforcuar agjërimi në shpirtrat e tyre fuqinë, të vërtetën dhe lirinë e plotë shpirtërore? Ata sulmonin me fuqinë e Zotit, qëllonin me fuqinë e Zotit, sulmi i tyre kishte për qëllim të vërtetën. Pastaj shikoni fitoret e muslimanëve në betejat e Jermukut, Kadisijes, Xhelules, Hit-tinit etj...! A do të mund të ndodhnin ato në atë mënyrë mahnitëse, që i habitnin edhe hulumtuesit më të mëdhenj, sikur të mos ishin fituar me karakteristikat e agjëruesve, si ndershmëria, krenaria, sakrifikimi, durimi ndaj vështirësive, nënshtrimi para Zotit dhe zhvlerësimi i fuqive destruktive? E gjithë kjo ndodhi me fuqinë e Zotit të Madhërishëm, sepse Ai është ngadhënjyesi më i madh!

Të tillëve u hapen dyert e Xhennetit në Ramazan, u mbyllen dyert e Xhehennemit, pranojnë prej engjëjve (melaikeve) në Natën e Kadrit uratë dhe paqe, u falen mëkatet e të këqijat, u mbushen zemrat me dritën e Zotit dhe e përtërijnë famën me fuqinë e besimit (imanit)...

Me të tillët fitohen luftërat, gëzohen shoqëritë...

Nevoja jonë për njerëz të tillë është shumë e madhe, sepse sot ballafaqohemi me nënshtrim, me gjëra destruktive, korrupsion dhe devijim...

Muhammedi [sal-lall-lahu alejhi ves-sel-lem] ligjëroi në ditën e fundit të Muajit Sha'ban kështu: "O ju njerëz, është afruar muaji famëlartë dhe i begatshëm, në të cilin është nata që vlerësohet më tepër se një mijë muaj, në të cilin obligohen agjërimi dhe lutja (namazi) vullnetare natën (nafile); kush vepron pak, fiton shumë dhe ai që kryen një farz në të, sikur ka kryer shtatëdhjetë farze në një kohë tjetër; ky është muaji i durimit, kurse durimi shpërblehet me Xhennet; ky është muaji i barazisë dhe i shtimit të furnizimit (rizkut) të besimtarit; ai që ushqen ndonjë agjërues, i falen mëkatet, shpëton nga zjarri dhe nuk i pakësohet shpërblimi fare". Njerëzit i thanë: "O i Dërguar i Zotit, nuk mundet çdokush prej nesh të ushqejë ndonjë agjërues", kurse ai u përgjigj: "Zoti e shpërblen kështu atë që ushqen ndonjë agjërues me hurmë, ujë ose qumësht".

Fillimi i këtij muaji është mëshirë, mesi falje (ndjesë) kurse fundi shpëtim nga zjarri. Ata që japin nga pasuria e vet, Zoti i mëshiron dhe i shpëton nga zjarri.

[BE LK]

Ramazani, muaji i lirisë

"Në liri plotësohet adhurimi, kurse me realizimin e adhurimit plotësohet liria".
Ahmed ibn Hadravejhi thotë: "Liria nuk është ashtu siç e kuptojnë shumica e njerëzve, gjegjësisht nuk përkufizohet me përfitimin e popujve të drejtat e tyre në udhëheqje e pavarësi, sepse kjo është liri politike, e pas saj vijon liria e idologjisë, e popullit, kulturës dhe doktrinave humane fisnike".

O besimtarë e besimtare!

Ramazani na mëson lirinë e plotë, me urinë e tij, etjen, kufizimin dhe ndalimin...

A nuk e dëshironi lirinë e tillë, që buron nga uria dhe ndalesa?

Ejani pra të fluturojmë në horizontet e lirisë! Ejani të largohemi nga bota e robërve! Ejani të shohim se si jetojnë robërit në botën e adhurimit!

A mendoni se politikanët e mëdhenj, të cilët i dirigjojnë çështjet e botës, janë të lirë? A nuk e shihni se ata janë bërë robër të ambicieve të tyre politike! E si të bëhet bota e lumtur kur robërit e udhëheqin?

A mendoni se ata të cilët e udhëheqin popullin pa dëshirën e tij janë të lirë? A nuk i shihni se ata janë robër të epsheve dhe lakmisë? Si mund të jetë populli i lumtur kur robërit e udhëheqin?

A mendoni se të gjithë popujt që anojnë nga epshet e lira janë të lirë nga çdo adhurim? A nuk e shihni se ata janë viktimë e pavetëdijes dhe shprehisë vrasëse? Si mund të zgjohet një popull që nuk është çliruar nga prangat e robërisë?



Ramazani si dëshmi e besimit të sinqertë

Duke iu përgjigjur urdhrit të Zotit, besimtari heq dorë nga dëshirat e veta trupore, heq dorë edhe nga gjërat të cilat jashtë muajit të Ramazanit All-llahu ia ka bërë të lejueshme. Thënë edhe më qartë: çështjet e veta ia ka besuar All-llahut, e kjo është një sprovë nëpërmjet së cilës manifestohet sinqeriteti që i fle në thellësinë e shpirtit të tij ndaj besimit, kurse dihet se vetëm nëpërmjet detyrave - obligimeve zbulohen fshehtësitë që flenë në brendinë e njeriut.

Agjërimi është një adhurim i jashtëzakonshëm, ngase është veprim i fshehtë, është një çështje që i është besuar njeriut, askush tjetër nuk di nëse është duke agjëruar apo jo. Në anën tjetër, agjërimi është një adhurim që nuk ka kurrfarë përkrahjeje nga jashtë: agjëruesit nuk i brohorit askush. Përderisa për haxhiun njerëzit thonë "ky është haxhi", atij që jep sadaka i thonë bujar, atij që falet i thonë namazxhi etj., edhe pse këto thënie nuk duhet të peshojnë tek vepruesit, prapëseprapë ata kanë njëfarë përkrahjeje, kanë njëfarë shtytje ndaj atij personi, ndërsa tek agjëruesi mbretëron vetëm bindja e tij se Zoti është duke e përcjellë dhe vetëm ajo bindje e mban të fortë e të qëndrueshëm në vendosjen e tij për të agjëruar. Ndoshta për këtë arsye agjërimi është vlerësuar aq lart, siç thuhet në një hadith kudsij: "Çdo vepër e njeriut ka shpërblim, vepra e mirë shpërblehet me dhjetëfish e deri në shtatëqind fish, me përjashtim të agjërimit, sepse ai bëhet vetëm për hirin Tim, pra Unë vetë do ta shpërblej". E dihet se shpërblimi nga vetë Zoti është më i madh se shumëfishet e përmendura.

Kurrë nuk është vonë për t'u kthyer në rrugën e drejtë, për të përqafuar mësimet islame, për t'iu përulur madhërisë së Mëshiruesit, në duart e të Cilit është çdo gjë, e në duart e të Cilit do ta dorëzojmë edhe shpirtin.

All-llahu na dhuroftë vërtetësi të agjërimit, na bëftë nga të dhënurit pas namazit, posedues të veçorive të të devotshmëve; na ringjalltë me të shpëtuarit dhe na mundësoftë të arrijmë gradat e njerëzve të afërt me Zotin.

[premium]

Gjatë muajit të shenjtë të Ramazanit, myslimanët në moshë të rritur, fillojnë agjërimin. Ata e shikojnë agjërimin si një mënyrë për të pastruar shpirtin nga mëkatet, egoizmi, pakënaqësia, padurimi dhe hipokrizia. Ata besojnë se agjërimi bën që njerëzit të jenë mirënjohës për ato që kanë dhe të ndjejnë vuajtjet e të tjerëve.

Origjina e myslimanizmit njihet që në vitin 640 të kohës sonë. Sipas traditës, Muhamet bin-Abdallah, një anëtar i elitës së fisit Kurash nga Meka, mori një urdhër hyjnor në “Natën e Fuqisë” në muajin e Ramazanit.

Agjërimi i përditshëm, dhënia e lëmoshës, haxhillëku në Mekë, njohja e një zoti të vetëm dhe misioni i Muhametit, si i dërguari i zgjedhur nga Zoti, përbëjnë 5 pikat kyçe të Islamit.

Myslimanët besojnë në Kurani thekson arësyen, kërkimin e pafund të së vërtetës, vëzhgimin e kujdesshëm, e meditimin. Në procesin e kërkimit të besimit, myslimanët gjetën shenjat dhe qartësinë që të drejton tek Zoti, si një e vërtetë e përjetshme dhe burim i ekzistencës.

[hasanmehmeti]

Xhihadi i Madhe

Sot jemi mësuar qe te ndegjojme nëpër Mediat mbi qasjen e tyre ndaj Islamit pikërisht ne Piken e Xhihadit, por çka do të thotë njemend fjala "Xhihad".
Fjala Xhihad po të perkthehej nga Gjuha Arabe do të thotë: „Perpjekje“,“Sakrifice“,“dhenje mundi për te ndryshuar dhe mbajtur ne kontrolle diçka“.

Po e filloje këtë shkrime mbi Muajin e Ramazanit me thenjen e ministrit britanik të shtetit për Zyrën e Jashtme dhe të Komonuelthit në vitin 1999, z. Derek Fatchett : "Ajo çka ata (shumë njerëz në Përëndim shën. im) kanë nevojë të njohin është se ekziston një xhihad I madh- jo një luftë e shenjtë kundër të pabesëve, por një përpjekje përbrenda njeriut për të qenë I ndershëm dhe I drejtë. Dhe Ramazani është koha kur Kurani I Shenjtë I thërret besimtarët të meditojnë mbi këtë përpjekje." ( dërguar për "Jordan Times", 18 Janar 1999).

Pikërisht tani te nderuar vëllezër dhe motra në Islam është koha kur Besimtari bën Xhihad për te permiresuar veten si pika kryesore e referimit,mandej familjen ,rrethin dhe shoqerin ne te cilën jeton.

Nëse një Shpirte nuk aktivizohet dhe nenshtrohet deshirave dhe vullnetit te psiqikes se njeriut por qëndron i paaktivizuar ne te mirë , atëherë ai vetvetiu vendos te veproj diçka qe shpeshehere është fatale për rrugën e tij drejtë devotshmeris.

Xhihadi qe njeriu bën me Shpirtin e tij duke e vënë atë nën kontrollin e duhur ndaj kerkesave te drejta te All-llahut subhanhu we teAla dhe keshillave te arta te Pejgamberit alejhiselam është perpjekja me e lartë dhe subtile e njeriut, është pika me e lartë e Imanit(Besimit) ne Zemren e c’do Besimtari te sinqertë.

Pikërisht është ky Muaj i Begate për Besimtarin/en kur deshi Krijuesi i Gjithesis te leshoje nga Meshira e tij Udhezimet e Tij te begata , qe do ndihmonin njeriun ne rrugën e tij te permiresimit dhe udhezimit te Shpirtit ne kriteret e moralit te lartë.
All-llahu subhanhu we teAla thotë ne Kur’anin Famelarte në lidhje me këtë Muaj te Begate: "Muaji i Ramazanit në të cilin u zbrit Kurani: udhëzim për njerëzimin, provë e qartë për udhëheqje dhe kriteri (dallues i të vërtetës nga e kota). Kështu që, kushdo prej jush që dallon (hënën e re të natës së parë) të muajit (Ramazan), t’a agjërojë këtë muaj..." [El Bekare: 185]


Pikërisht te dashure Musliman është ky Muaj ne te cilin njeriu ka mundësi qe përpjekjet e tij për një dirigjime shpirtërore te marrin kahjen e duhur , është momenti kur Besimtari ka përballë vetëm egon e tij dhe jo me cytjet e Shejtanit, moment kur ai duhet te tregoj forcen dhe intelektin e tij mbi egon apo nefsin vetijak.Ky është muaji kur thotë Pejgamberi alejhiselam(Paqja dhe bekimi i Allahut qofshin mbi të!):
"Kur hyn nata e parë e muajit Ramazan, lidhen shejtanët dhe xhinët rebelë, mbyllen dyert e Zjarrit dhe nuk qëndron hapur asnjë prej tyre, dhe hapen dyert e Xhennetit e nuk qëndron mbyllur asnjë prej tyre. Një thirrës thërret: "O kërkues i të mirës, afrohu (kryerjes së të mirave)! O kërkues i së keqes, ndalu (nga kryerja të këqijave)! Allahu (në këtë muaj) liron nga Zjarri prej robërve të Tij, dhe kjo për çdo natë.” Transmeton Tirmidhiu (682), Ibën Maxhe (1642), Ibën Huzejme (3/188)(hadithi është I mirë ,hasen).

Bëhu atëherë prej atyre qe I përgjigjen thirrjes se veprimit te veprave te mira, pasi je vet prej atyre kerkuesve te se mirës, dhe ndalu dhe medito se veprimi I veprave te ulta ule dinjitetin dhe personalitetin tënd duke filluar ne raporte me Krijuesin ,vetveten ,familjen dhe rrethin shoqërore.

Për te folur për Miresite e keti Muaji është e paket ne raport me dijen tonë por koncentrimi jonë do jetë ne pikën sociale dhe te mirat qe ofrohen këtu.

Është koha i nderuar vëlla qe nga miresit qe Zoti ti ka dhënë ty ne sofren tënde te paqet ti ndashe me te vaferin, jetimin , invalidin e luftës, te pastrehin, farefisin, te vejat,nxensit dhe studentet qe iu duhet ndihma jote ne rrugën e tyre.

Jemi deshmitare te dukurive me negative qe kanë ndodhë ndojhere ne popullin tonë, duke filluar nga narkomania, prostitucioni, varferia,vetvrasja etj.
Të gjitha këto kanë një pikë qe po të ishte e shëndoshë do ishim mburrur siç mburreshim dikur me rinin tonë, ajo është mungesa financiare e pjeses dërrmuese te popullsis,papunesia.
Kësaj i shtohet edhe me shumë mangesia e dijës Islame, ngase po qe se do ishte ky popull i ditur mbi dispozitat e Fese nuk do e kishte shtyre atë te degjenerohet tejmase edhe mungesa e kushteve ekonomike.
Shumë familjare sot vrasin veten nga mundesa e shpenzimeve te mjaftushme për një kafshate buke për fëmijët e tyre, dhe mendojnë se me vetvrasje gjejne prehje dhe qetësi duke u larguar nga brengat e dunjas qe i janë kanosur, por kjo nuk është zgjidhje aq me tepër kur këtë dukuri te ulet nuk e lejon as Krijuesi dhe as i Derguari (Paqja dhe bekimi i Allahut qofshin mbi të!) i Tij,mandej kemi shumë vajza qe pa menduar fare dalin dhe shesin trupin e tyre duke felliqur ne njërën anë shoqerin dhe ne anën tjetër duke ulur vleften e tyre morale, e gjithë këtë e bëjmë duke menduar për një jetë me te mirë, por pa sukses edhe ato, mandej fati i shumë familjeve te invalideve dhe dëshmorëve te luftës sone Clirimtare,jetimeve dhe te moshuarve qe janë lënë ne meshiren e kohës dhe për ta nuk kujdeset askush nga Institucionet e vendeve ne te cilën jetojne.

Kjo vëlla dhe motër e dashur është një fushbeteje qe kërkohet të tregohesh një muxhahid( luftetare, perpjekes) me nefsin tënde së pari qe te mirat nga pasuria jote ti ndashe me ata qe mendon se e meritojnë ndihmën tënde per te permiresuar gjendjen e shoqeris ne te cilen jetojme.

Është moment meditimi edhe mbi kohën e kaluar, mendo pak kohën e Omer AbdulAzizit radiAllahu anhu qe kishte nën pushtetin e tij shumë vise te botës dhe popullesia e tij perbehej jo vetëm nga myslimanet por edhe nga te krishteret dhe jehudet, dhe kur morri rrugën te ike ne Afrike ti ndihmoje njerëzitë, aq shumë ishte larguar varferia ne shtetin e tij sa qe kur ai i thonte popullit :Urdheroni merreni nga te mirat e shetit qe i ka për ju.
Populli përgjigjej duke i thënë : O Prijesi ynë neve kemi mjafte dhe nuk na duhet me asgjë.

Dhe shiqo sot gjendjen e rend te këtyre popujve ne Afrike qe qindra e mijra vdesin nga uria dhe sëmundjet e ndryshme , kjo vëlla i nderuar tregon se largimi nga dispozitat e Krijuesit bën qe varferia shpirtërore dhe materiale te kaploje popullin , diç e tillë e ka kapluar edhe vendin tonë.

Ilaci i kësaj vëllezër është kthimi te All-llahu subhanhu we teAla dhe keshillat e Pejgamberit alejhiselam.

Thotë Profeti alejhiselam: "Kush ka kafshe tepert le të ja jep vellaut te vete , kush ka tepër ushqim le të ja jep vellait te vete."
Dërguari i Allahut kur flet për sadakanë thotë: “Sadakaja është argument i besimit të fshehur në zemër” .

[hasanmehmeti]

Allahu i Madhërishëm dëshiron që robi i Tij të jetë dhurues dhe dorëlirë. Prandaj, Ai shpërblimin të cilin e ndanë Allahu do t’ia shumëfishojë. Allahu thotë në Kuran: “Shembulli i pasurisë së atyre që e japin në rrugën e Allahut është si një kokrre që i mbinë shtatë kallinj, në secilin kalli njëqind kokrra. Allahu ia shumëfishon (shpërblimin) atij që dëshiron, Allahu është Bujar i Madh, i di qëllimet”. (El-Bekare:261).
Pastaj mos ke frikë se me miresin e dhenjes ne përmirësimin e gjendjes se një te vaferi nuk te pakesohet aspak pasuria këtë na thotë edhe i Dërguari i Allahut sal-lall-llahu alejhi ve sel-lem ka thënë: “Sadakaja nuk pakëson pasurinë” (Transmeton Muslimi, Tirmidhiu, Ahmedi).
Andaj jep nga pasuria jote ne c’do kohe e sidomos ne këtë muaj për përmirësimin e gjendjes se rëndë qe e ka goditur këtë Ummet , qe për te folur për gjendjen e rënd te tij duhet kohe e kohe por më pak fjale e përshkruan një Poet arab Hadhihil Xhirrahi;

Këto janë varret e mija

A s'po iu levizin ndjenjat e juve?
A nuk kanë njerëzitë e kot pak mend me mendue
Unë jame një popull qe fmija e tyre ushqehen me te keqija.
Edhe i nxirren prej shpijave te veta ndërsa grave i mbet me vajtue
Jam popull i cili po prehen ne mesin e ditës , kur dielli është ne Kupen e Qiellit.
Ndërsa halli jem vetëm se bëhet muhabet edhe zgjatet , bëhet se si tregim.
Ah sikur ta kishit pa nënën e cila prehet , s'ka për atë Qefin e as Uje për me pastrue.
Ah sikur ta kishit pare femijen qe e ka zënë mbrëmja , ndërsa eshtrat e tij janë te djegur.
Ku janë vllaznit e mi o ju Rrasat e Gurit, Folni.
A ka ndoj vëlla qe na ngrit neve këtë te keqe dhe na anulon.?
Ku janë vllaznit tonë , ku janë te dashurit tonë?
Thirrjes tonë iu përgjigje një Pergjegjes , ne doren e tij mbanten Inxhilin(biblen).
A këtë tradite na mesoj Pejgamberi alejhiselam , Ku’ranin te cilit ia mesoj Xhibrili.
O vllazni na falni, se na jemi hala Ummet qe Instrumentat Muzikore koken tonë janë duke na rrotullue.
O vëllezër te Islamit , kjo është rroba jonë e lagur me gjakin dhe lotin tonë.
Ndërsa qerpiket e umetit tonë lyhen me te ziftin e luftës ,me pluhrin e luftës.



Duke ju lene ne meditimin e kesaj poezie shpresoj te permiresoni veten tuaj , te jeni prej atyre qe iu pergjigjen keti obligimi Islam te Agjerimit dhe te jeni ju ata permes te cileve te varferit do i gezohen ndihmes tuaj.


selamualejkum
HasanMehmeti

[premium]

Emer te Allahut, Meshiruesit, Meshireberesit



Agjërimi: Kuptimi dhe Vlera e tij




Fjala "agjërim" do te thote "te abstenosh / të shmangesh / apo te heqësh dorë nga diçka". Kështu kur muslimanet perdorin fjalen 'agjerim' ne kontekstin e muajit te Ramazanit nenkuptohet abstenimi nga te ngrënët, te pirët, si dhe nga maredheniet intime bashkeshortore nga agimi deri ne perendim te Diellit me te vetmin qellim (nijet) - per hir te Allahut.



Abu Hurairah transmeton se i Derguari i Allahut, paqja qofte mbi te, ka thene:

"Allahu thotë: "Çdo pune qe ben biri i Ademit (dmth njeriu) eshte per veten e tij, perveç agjerimit, i cili eshte vetem per Mua. Une jap shperblimin per te." Agjerimi eshte si nje mburoje. Nese dikush agjeron, te mos perdore fjale te kota, te mos e ngreje zerin dhe te mos sillet pa mend. Nese dikush e shan ose e sulmon agjeruesin, ai le t'i pergjigjet "Une agjeroj" (2 here). Per Ate ne duart e te cilit eshte shpirti i Muhamedit, fryma/era (e keqe) e gojës e atij qe agjeron eshte me mire para Allahut ne Diten e Ringjalljes sesa era e muskut. Ai qe agjeron eshte i lumtur dy here: njehere kur e çel agjerimin, dhe te dyten here kur Zoti i tij do te jete i kenaqur me agjerimin e tij." (Transmetoi Ahmedi, Muslimi dhe An-Nasai.)



Transmetohet nga Sahl bin Sa'ad se Profeti (paqja dhe miresia e Zotit qofshin mbi te) tha:

"Parajsa ka nje hyrje te quajtur AR-RAJAN, e cila eshte rezervuar vecanerisht per agjeruesit. Ne Diten e Gjykimit ata do thirren te kalojne ne kete hyrje e do mbyllet pas tyre e askush tjeter nuk do lejohet te hyje".

[Marco]

Urime Gjith besimtarve Musliman Muajin e Shenjët te Ramazanit

Njëashtu Lusim Allahun qe tjav pranoj gjdo muslimani axhirimin e Ramazanit si dhe

Besimtarve Mysliman ju Deshiroj Axherim sa me te lehetë..

[romansa]

Shfrytezoj rastin edhe une te uroj muajin e shenjte te Ramazanit
Agjerim te lehte dhe Zoti ua pranoft gjith sakrificat e lutjet qe i beni gjate ketij muaji

[hasanmehmeti]

Faliminderit per Urimet tuaja!

Urime dhe Agjerime te lehte gjithe Agjeruesve, qofte i lehte dhe plote shperblime per ju!Amin.

[Marco]

Urime Festa Muaji i Shenjtë i Ramazanit dhe Lusim Allahun se gjithe atyre qe Axhirojne Ramazanin tjav pranojn axherimin si dhe axherim te lehet..!

[Idealist]

Agjerim te lehte e te pranueshem- inshallah

[GURI SYLAJ]

Te gjithe atyre qe agjeruan Zoti u dhashte shendet ,gezim e miresi.
Kurse ,neser ,paqin nje Feste te mire ,te mbare e te begate ne Familjet e tyre!!

[Qika^Me^Kule]

E kush asht ne rruge me te mire se ai Qe therret ne rrugen e All-llahut , qe ben vepra te mira dhe qe thot .

>>>> Une jam prej Muslimanve <<<<<
Luse All-llahun na i paste pranu agjerimet. Pas veshtiresish vjen lehtesimi, dhe shperblimi i Allahut inshallah .

[premium]

Ne besimtarët Musliman ,, të lidhemi shpirtërisht besimit për '' Allah '' -Allahu na jep plot fuqi për axherim .
Allahu na shtoftë begatinë e axheruesve .. Amin !

[Alima]

...

Te gjithe besimtareve musliman per hajr u qofte Muaji i Bekuar i Ramazanit!


Allahu me meshiren e Tij,na forcofte ne rrugen e Tij te drejt,na i zbute zemrat,na e befte te mundshme qe te dalim nga ky muaj te paster nga mekatet, Amin !

Te praktikojme kete lutje ne çdo çast gjate ketij muaji:
-Allahu me ineke afu'un te hubi afu fa afu ana !!!
(-Allah ,Ti je fales e don faljen ,me fal mua! )



.