Fillon dueli me Serbin në Hag, Horrat e argatët e dreqit janë zgjuar

[murrizi]

Derisa neser me 1,12,2009. fillon për Kosovën të luftohet në instancen e fundit Ndërkombëtare për të drejten e sajë për vetëvendosje, horrat janë zgjuar dhe po i sjellin "dëshmit e vrasjeve".
Ku ishit deri tash, apo pse nuk pritet edhe max. tre muaj more pisa ?



Nesër në Hagë mbahet seanca dëgjimore për legjitimitetin e pavarësisë së Kosovës. 28 shtete do të paraqesin argumente rreth ligjshmërisë së pavarësisë së Kosovës. Ministri i Jashtëm Skënder Hyseni tashmë ka arritur në Hagë ku do të zhvillojë takime me ekspertë ligjorë me qëllim të harmonizimit përfundimtar dhe finalizimit të deklaratave, të cilat do të prezantohen para GJND....
......

Kosova nisë nesër përballjen me Serbinë në Gjykatën Ndërkombëtare të Drejtësisë për ligjshmërinë e shpalljes së pavarësisë. Përgjigjet e tyre lidhur me këtë çështje gjykatës më të lartë të Kombeve të Bashkuara, deri më 11 dhjetor do t’ia japin përfaqësuesit e 28 shteteve, përfshirë autoritetet e Prishtinës dhe të Beogradit.
Në një takim të paradokohshëm me gazetarë kryetari i Gjykatës, japonezi, Hisashi Ovada, ka thënë se është “normale që vendimin e Gjykatës ta pranojë Asambleja e Përgjithshme e OKB-së, e cila edhe ka kërkuar mendimin.
Pra, tani mbetet të shihet nëse do të zhvendoset sërish në OKB çështja e shpalljes së pavarësisë së Kosovës?

Ambasadori Lisen Bashkurti, drejtues i Akademisë Diplomatike Shqiptare, mendon se opinioni i Gjykatës do të kalojë në Kombet e Bashkuara, por njohja e pavarësisë së Kosovës është çështje individuale e shteteve anëtare të OKB-së.

“Si procedurë Gjykata përpunon një opinion të saj. Por ky opinion do të kalojë në dy organet kryesore të Kombeve të Bashkuara, në formën e një raporti do t’i paraqitet Asamblesë së Përgjithshme, ndërsa si opinion do t’i kalojë Këshillit të Sigurimit. Këto dy organe të KB janë të vetmet që kanë legjitimitetin juridik në bazë të Kartës së KB për njohjen e pavarësisë dhe sovranitetit të shteteve. Por, të kuptohemi drejtë - njohja e shteteve të pavarura dhe sovrane në bazë të drejtave dhe detyrave të shteteve mund të bëhet në dy rrugë, në mënyrë individuale ose kolektive”, ka sqaruar z. Bashkurti.

Megjithatë ambasadori Bashkurti mendon se Gjykata Ndërkombëtare e Drejtësisë është instanca e fundit, kur do të paraqitet çështja e legjitimitetit të pavarësisë së Kosovës:

“Me këtë në fakt i hapet rrugë procesit shumë më të gjerë, më masiv e pse jo kolektiv të njohjes së pavarësisë së Kosovës. Mendoj se Kosova në këtë proces të GJND-së shkon shumë e përgatitur dhe e fuqishme. Shkon me një mbështetje të jashtëzakonshme ndërkombëtare, ndërkohë kur pala tjetër do të shkojë e turpëruar dhe kokulur pa mbështetjen e demokracive kryesore të rendit të sotëm botëror”, thekson Bashkurti.

Ditën e parë të shqyrtimit argumentet në pallatin e Paqes, në Hagë, do t’i paraqesin përfaqësuesit juridik të Serbisë dhe të Kosovës. Gjykata të dy palëve ua ka caktuar nga 3 orë për arsyetimin e qëndrimeve.

Delegacionin e Prishtinës e kryeson ministri i Jashtëm Skënder Hyseni, kurse argumentet juridike në dobi të pavarësisë së Kosovës do ti paraqesë avokati britanik Majkell Vud.
Ndërkaq nga pala serbe gjykatësve do tu drejtohet shefi i delegacionit Dushan Batakoviq, si dhe eksperti i të drejtës ndërkombëtare Malkom Show nga Britania e Madhe dhe disa të tjerë.

Pavarësinë e Kosovës në Gjykatën e Drejtësisë do ta mbrojnë: Shqipëria, Austria, Bahrejni, Bullgaria, Kroacia, Danimarka, Finlanda, Franca, Gjermani, Jordania, Holanda, Norvegjia, Arabia Saudite, Britania e Madhe, SHBA-ja si dhe delegacioni i Kosovës.

Ndërkaq, argumente kundër ligjshmërisë së pavarësisë së shtetit të ri do të paraqesin: Argjentina, Azerbajxhani, Bjellorusia, Bolivia, Brazili, Burundi, Kina, Qiproja, Laosi, Rumania, Rusia, Spanja, Venezuela, Vietnami si dhe delegacioni serb.

Ndërkaq të gjithë pjesëmarrësit në shqyrtim, sipas vendimit të Gjykatës, do të kenë nga 45 minuta për të paraqitur argumentet.

Pas fazës së parë, e cila zgjat deri më 11 dhjetor, nuk ka afate të caktuara për dhënien e mendimit këshillëdhënës nga Gjykata, por në praktikë vendimi i 15 gjyqtarëve zgjatë disa muaj.

Një rezolutë për të vënë çështjen e shpalljes së pavarësisë së Kosovës në Gjykatën Ndërkombëtare të Drejtësisë, me propozim të Serbisë, e miratoi Asambleja e Përgjithshme e Kombeve të Bashkuara më 8 tetor të vitit të kaluar.

[Domira]

Murriz pa keqkuptime por kjo mund te jete nje sprove per drejtesine e Kosoves ne kete kohe. Ndoshta eshte edhe hajr neqoftese dejtesia do te jet efektive dhe do ta ndeshkoje krimin. Ne kete rast Kosova do ta deshmoje se mund te ballafaqohet me veshtiresi si shtet i ri dhe ti zgjidhi ato ne te mire te qytetareve dhe demokracise.

[Kotorristi]

Nuk eshte ky sen coincidence. Serbia po punon. Deshiron ta shkaterroje qeverine shtetin ne momentin me vendimtar te GJND-se
Dulen shpijunat e Serbise ne Televizor, Geci ka thënë se nuk e kanë publikuar materialin më herët, duke mos dashur të pengojnë procese të rëndësishme në Kosovë
Perballja me 1 dhjetor ne Hage cfar procesi eshte per ju o Gani Geci?
Ju dhe Adem Salihaj jeni ata qe jeni munduar mi pengu proceset ne Kosove. Ket po e vertetoni vet.
Re te zeza jane mbi Kosove NE JEMI POPULL I MALLKUAR ,KURRË SKEMI ME E PARË DITËN TONË,...ASNJËHERË... nese disa mendojn ndoshta dikur EDHE ATËHERE KURRË.
Trim nuk osht aj qe e vran armikun po trim dhe hero osht aj qe e vran tradhtarin

[4peace]

Postimi origjinal është bërë nga murrizi

Derisa neser me 1,12,2009. fillon për Kosovën të luftohet në instancen e fundit Ndërkombëtare për të drejten e sajë për vetëvendosje, horrat janë zgjuar dhe po i sjellin "dëshmit e vrasjeve".
Ku ishit deri tash, apo pse nuk pritet edhe max. tre muaj more pisa ?



Nesër në Hagë mbahet seanca dëgjimore për legjitimitetin e pavarësisë së Kosovës. 28 shtete do të paraqesin argumente rreth ligjshmërisë së pavarësisë së Kosovës. Ministri i Jashtëm Skënder Hyseni tashmë ka arritur në Hagë ku do të zhvillojë takime me ekspertë ligjorë me qëllim të harmonizimit përfundimtar dhe finalizimit të deklaratave, të cilat do të prezantohen para GJND....
......

Jo, ore Murriz, hiq mos u bej merak per kete pune.

Biles, me me pas pyete mua, asnjerin nga Kosova nuk e kisha leshuar te shkoje ne den Haag. Le te shkoje Serbija atje, ne datçë edhe me tanke, avionë e raketa... Le te luftoje ne den Haag, vec mos te vije ketu (tu Kosova). Kot e ka.

Edhe krejt dynjaja (bota) me qene kunder ne den Haag, asnje qenie njerezore s'mund te ta rrembeje te drejten per te jetuar, per te vendosur vet per te jetuar pos Zotit te Madh!

Prandaj, flij dathë e mos u shqeteso se do te prishe pune dikush ne kete drejtim.


***

[GjIlAnAsI_cSi]

Murriz krimin nuk duhet me pyet kur po don met zbulue por ate duhet me bo sa me shpejt sepse cdo dite po mendojn si me e lan femijen pa bab/ grujen pa burr/ nenen dhe baben pa bir.

Kjo ska te boj fare me gjykaten e hages bash asgje hic , biles as nuk ka te boj me pavarsin e kosoves sepse ketu shqiptart jan vra mes vete do te thot Azem Syla e Xhavit Haliti i kan dal ne prit shqiptarve (Perjashtim Selim Broshes qe ka qen bashkpuntor i serbis).

Ti mundesh me vajtu sa te duash por krimi duhet te zbulohet edhe Serbia ska cka me than ne HAG se i zunen 1 grup qe kan vra ,sepse pastaj Kosova merr mirnjohje qe po e zbulon krimin.

Ti vajto e vajto se tybe ma shum te dhimet me lshu karriken e me shku ne Dubrav per vrasjet qe i ke bo me SHIK-un se sa me u kthy shkjau ne Kosove.

[gjini]

Vallah muriz hiq spo jam ngushte se ja kan pas prue ma ngushte keta fare banditesh kosoves se sa ne kohen e serbis dikur.
ata ja moren yndyren dhe deshen ta vrasin kosoven e jo ta mbrojn nga tradhtaret
Vrasjet qe permenden skan te bejn asgje me tradhti por vetem me kundershtar politike.
pra , edhe Daja i madhe jau pat hajrin me te tana si kry yzbashi

[gjini]

Ku me dite se ku e ka ky fare niku me emrin gjarperi vendin ne hierarkin e krimit.???

[murrizi]

Sha zoten more burra... Skenda do me na ftof a ?
boll i vogli e se shum i madhi na doli
Gjymshyti: hajt mos ma baj dertin, se une jam tuj pi hala kafe, e qebesa as shkijet me hy, por edhe argat e tyne le t*ruhen mir.

[murrizi]

Hyseni: Paraqitja e Gjermanisë në Hagë e jashtëzakonshme

Minisri i Jashtëm i Kosovës, Skender Hyseni, e vlerësoi të jashtëzakonshme dhe impresive paraqitjen e djeshme të Gjermanisë para Gjykatës Ndërkombëtare të Drejtësisë....

Postuar: 12:32:05 / 03.12.2009"

Ishte një qëndrim dhe prezantim absolutisht impresiv, plot argumente. Natyrisht paraqitja kishte dhe një dimension të fuqizimit politik të deklaratës së pavarësisë së Kosovës", deklaroi Hyseni për Dojçe velen, duke shtuar se pala kosovare pret edhe mbështetje të tjera të fuqishme të shteteve më të zhvilluara perëndimore. Gjermania mbështeti para Gjykatës Ndërkombëtare të Drejtësisë pavarësinë e Kosovës si zgjidhjen e vetme dhe më të mirë të mbetur pas dështimit të negociatave mes autoriteteve të Beogradit dhe Prishtinës. Përfaqësuesja e Ministrisë së Jashtme në Berlin, Susanne Wasum Rainer, theksoi se pavarësia e Kosovës ishte në përputhje me të drejtën ndërkombëtare. Qeveria në Berlin është e bindur se pavarësia e Kosovës i kontribuon paqes dhe stabilitetit në rajon. Ndërkohë që Deklarata e pavarësisë nuk paraqet vetëm akt juridik, por edhe vullnet politik të popullit kosovar.

[murrizi]

Edhe AUSTRIA, (si mike e mire ne dite te veshtire) Mbrojti Pavarsin e Kosoves



Në ditën e tretë të paraqitjes së argumenteve në Gjykatën Ndërkombëtare të Drejtësisë në Hagë, përfaqësuesi i Austrisë Helmut Tiki ka thënë se shpallja e pavarësisë së Kosovës është konform me të drejtën ndërkombëtare dhe Rezolutën 1244 të Këshillit të Sigurimit.

[panta_rhei]

"New York Book review" para dy vjetëve ksihte organizuar një sondazh për të shpallur romanin më të mirë të të gjitha kohërave!
Fitoi romani "Don Kishoti"!!!
"NY Book review" pas fitores ia bëri një analizë letrare romanit. Midis tjerash aty thuhej "Kush mundohet ta kthejë mbrapsht ose ta ndalojë rrotën e historisë pa dyshim që do të shtypet nga kjo rrotë".
Serbët po mundohen ta kthejnë rrotën mbrapsht dhe padyshim që kanë me u shtypë prej saj.
Pak rëndësi ka se çka thojnë e se si mbrohen Serbët. Don Kishotet serbë mendojnë se është hala koha kur perhapnin "zbulime" biologjike e propaganda se në Ballkan jeton një popull që jeton në pemë dhe kanë ende bishta. Ju ka kalu moti koha këtyre prrallave Serbe...
Sipas kërkesës së serbisë, në GJND do të gjykohet, sipas formulimit zyrtar të gjykatës: Shpallja e njëanshme e pavarësisë së Kosovës.
A ka qenë e drejtë, apo jo!?

Së pari, nuk ka shtet në botë që ka shpallur pavarësi të dyanshme, ose të shumëanshme!!!??? Edhe Sllovenia edhe Kroacia e kanë shpallë identik sikur Kosova.

Kur jemi te Sllovenia, Kroacia edhe ish-republikat e tjera të ish-jugosllavisë... pas luftës së dytë botërore, ne vitin 1945, bota ia caktoi kufijt edhe Kosovën ia dha Jugosllavisë, ia dha titos, e jo serbisë, dmth me nënshkrim të LKJ-së... pra, sa ka qenë jugosllavia e titos që e ka njoftë bota, Kosova ka qenë e jugosllavisë... në një rast të tillë serbisë nuk i takon asnjë e drejtë ligjore të kundërshtojë shkëputjen e Kosovës.

Sipas rrjedhës së deritanishme, duket qartë se serbët dhe miqt e tyre në Hagë, kanë treguar vetëm përralla politike e historike, por asgjë juridike.

Përkundrazi pala kosovare, dhe kryesuesi ligjor i saj Michael Wood, ka treguar një performancë të shkëlqyeshme...

Të paktën qeshtu flitet... thjeshtë, gjykatë humbje kohe... ose serbët po kanë qef dikush me ua mbushë mendjen që e kanë hupë moti Kosovën, sepse vetit s'po munden me ia mbushë kurrqyshë.

[Makresh]

Postimi origjinal është bërë nga murrizi

Derisa neser me 1,12,2009. fillon për Kosovën të luftohet në instancen e fundit Ndërkombëtare për të drejten e sajë për vetëvendosje, horrat janë zgjuar dhe po i sjellin "dëshmit e vrasjeve".
Ku ishit deri tash, apo pse nuk pritet edhe max. tre muaj more pisa ?



Nesër në Hagë mbahet seanca dëgjimore për legjitimitetin e pavarësisë së Kosovës. 28 shtete do të paraqesin argumente rreth ligjshmërisë së pavarësisë së Kosovës. Ministri i Jashtëm Skënder Hyseni tashmë ka arritur në Hagë ku do të zhvillojë takime me ekspertë ligjorë me qëllim të harmonizimit përfundimtar dhe finalizimit të deklaratave, të cilat do të prezantohen para GJND....
......

Kjo per mendimin tim eshte nje eksperienc e mir dhe shume e dobishme per ministrin e jashtem, Skender Hysenin, nga ku do te perfiton dije qe me siguri do te trashegohet nga ministrat e ardhshem te qeveris kosovare. Kjo eshte e vetmja gje pozitive dhe e rendesishme per Kosoven, te tjerat se kush jan pro e kush jan kunder eshte thjesht nje "spektakël" cirkuz, knie, qe na dhuron serbia para se ta gjuje pishkirin ne ring.

[murrizi]

Miku i mirë, n'ditë t'vështir

Që Amerika është shpëtimtarja e Shqiptarëve ktu besoj që ska birë nëne ta mohon (edhe që ja kalon mashallahin kaniher ska dert) .

Sot derisa thuheshin arrat me dhëmbë në mes të mdhenjëve, Amerika pa hezituar, e duke mos u drojtur nga askushi, e ripohoj atë që e pati bërë edhe në atë kohë kur kërcënohej Kosova nga shfarosja masive e bandave çetnike, dhe soldateskes serbe.

Rtk-ja e kishin përgaditur më së miri rrjedhen e ngjarjes sot në GJND të Hages.

SHBA mbrojnë fuqishëm pavarësinë e Kosovës

Shtetet e Bashkuara të Amerikës kanë mbrojtur fuqishëm shpalljen e pavarësisë së Kosovës para Gjykatës Ndërkombëtare të Drejtësisë në Hagë. Përfaqësuesi i Departamentit të Shtetit, Harold Koh, përmendi argumente juridike dhe historike të cilat çuan deri në shpalljen e pavarësisë. Në përkrahje të Kosovës sot ishin edhe përfaqësuesit e Finlandës, ndërsa Rusia dhe Spanja thanë se shpallja e pavarësisë ishte në kundërshtim me të drejtën ndërkombëtare. ...
Postuar: 13:27:33 / 08.12.2009
për më shumë : http://www.rtklive.com/new/?cid=1&ne...3PE0T5e*&d3r*o

[murrizi]

Franca, Jordania dhe Norvegjia mbështesin pavarësinë e Kosovës

Franca, Jordania dhe Norvegjia kanë mbështetur pavarësinë e Kosovës në Gjykatën Ndërkombëtare të Drejtësisë në Hagë. Përfaqësuesit e këtyre vendeve janë deklaruar pro të drejtës për vetëvendosje nga ana e kosovarëve. .
..Postuar: 18:00:45 / 09.12.2009

Franca i kërkoi Gjykatës Ndërkombëtare të Drejtësisë të mos japë fare mendim rreth shpalljes së pavarësisë së Kosovës, sepse nuk do të ketë asnjë rëndësi praktike pasi Kosovën e kanë njohur 63 vende. Përfaqësuesja e Francës Hedvig Belliar i’u tha gjyqtarëve se shpallja e pavarësisë së Kosovës nuk është në kundërshtim me të drejtën ndërkombëtare, sepse ajo nuk e rregullon çështjen e secesionit.

Belliar ka pohuar se pavarësia e Kosovës nuk ka cenuar as parimin e integritetit territorial, sepse ai ka të bëjë me raportet ndërshtetërore, por jo me vende të caktuara, për të shtuar se rasti i Kosovës është ‘sui generis’, siç është çdo shpallje e pavarësisë.

[quote]
Pavarësinë e Kosovës e ka mbështetur edhe përfaqësuesi i Jordanisë, Princi Zeid Al Husein, ambasador i këtij vendi në SHBA. Ai ka thënë se çështja e njohjes së pavarësisë së Kosovës është e drejtë sovrane e vendeve të caktuara.

Princi Zeid Al Husein ka thënë se Kosova kurrë nuk ka qenë pjesë Serbisë, ndërsa është aneksuar dhe është mbajtur me dhunë, për të shtuar se shqiptarët e Kosovës janë popull dhe u takon e drejta e vetëvendosjes, sepse, pos tjerash, përbëjnë grup kompakt në planin politik, gjuhësor dhe çdo kuptim tjetër, që jetojnë me shekuj në territorin e Kosovës.

[/QUOTE

Edhe përfaqësuesi i Norvegjisë, Rolf Fife, ka mbrojtur pavarësinë e Kosovës. Ai fillimisht ka përsëritur tezën që në Hagë është dëgjuar shumë shpesh, se shpallja e pavarësisë së Kosovës nuk është çështje që sanksionohet me të drejtën ndërkombëtare dhe, rrjedhimisht, nuk mund të jetë në kundërshtim me të.

“GJND-ja nuk ka përse të merret me integritetin territorial dhe as çështjen e vetëvendosjes, sepse shpallja e pavarësisë së Kosovës nuk është në kontradiktë me asnjë dispozitë të së drejtës ndërkombëtare”, ka konkluduar përfaqësuesi i Norvegjisë, Rolf Fi.

[murrizi]

Holanda dhe Britania për pavarësinë e Kosovës, Rumania e kundër

Në seancën e sotme të Gjykatës Ndërkombëtare të Drejtësisë, Holanda dhe Britania e Madhe e mbrojtën pavarësinë e Kosovës pasi theksuan se ajo është shpallur në harmoni me të drejtën ndërkombëtare. Ndërkaq Rumania mbështeti pozicionin serb duke thënë se pavarësia e Kosovës shkel rezolutën 1244. ...
10.12.2009 rtk.
Një ditë para përfundimit të seancave dëgjimore në Gjykatën Ndërkombëtare të Drejtësisë, Britania e Madhe dhe Holanda mbështetën pavarësinë e Kosovës. Përfaqësuesi i Britanisë Deniel Betlhem tha se rezoluta 1244 nuk e ndalon shpalljen e pavarësisë pasi ajo nuk e prejudikon statusin. Ai ka apostrofuar Rusinë, Spanjën, Rumaninë, Argjentinën, Brazilin dhe vendet tjera që janë thirrur në Rezolutën 1244 dhe ka thënë se të gjithë ata i kanë bërë asaj interpretim të gabuar.

“Serbia dëshiron që në GJND të kthejë orën prapa, por ajo nuk mund të kthehet”, ka thënë përfaqësuesi i Britanisë së Madhe, për të shtuar se zgjidhja është në përfshirjen e Kosovës dhe Serbisë në Bashkimin Evropian.

“Ne nuk i shohim këto seanca si armiqësore ndaj Serbisë. Dy dekadat e fundit kanë qenë traumatike për Ballkanin dhe demokracia në Serbi nuk është më e vjetër se ajo në Kosovë. Rajonin duhet çuar përpara”, ka thënë Deniel Betlhem, për të konkluduar se pavarësia e Kosovës është në harmoni me të drejtën ndërkombëtare.

Ndërkaq edhe përfaqësuesja e Holandës, Lizbet Lajzand, ka thënë se vendi i saj konsideron se shpallja e pavarësisë së Kosovës është në harmoni me të drejtën ndërkombëtare. Lizbet Lajzand, në vazhdim, ka thënë se në ish-Jugosllavi, Kosova ishte autonome, por kjo pozitë kushtetuese u asgjësua dhe shqiptarët mbetën të papërfaqësuar në nivelin federativ, dhe, rrjedhimisht krijuan institucionet paralele si themel i vetë-administrimit.
“Nuk ka vend për drojë nëse pavarësia e Kosovës paraqet precedent, sepse shpallja e saj ka qenë mjeti i fundit dhe paraqet faktor stabiliteti në Ballkan”, ka konkluduar përfaqësuesja e Holandës, Lizbet Lajzand.

Nen seancën e sotme të GJND-së pozicionin serb e mbrojti përfaqësuesi i Rumanisë, Bogdan Areshku. Ai tha Rumania nuk pajtohet as me qëndrimin se shpallja e pavarësisë së Kosovës nuk ka ndikim në të drejtën ndërkombëtare.

“Krijimi i një shteti është çështje e GJND-së. Nuk kemi të bëjmë vetëm me një akt, por edhe me krijimin e një subjekti të ri të së drejtës ndërkombëtare”, ka thënë Areshku, për të shtuar se nuk është i saktë as pohimi se e drejta ndërkombëtare nuk e rregullon (sanksionon) çështjen e secesionit.

Procesi në Gjykatën Ndërkombëtare të Drejtësisë përfundon nesër, me paraqitjen e dëshmive nga Venezuela dhe Vietnami. Të dyja këto vende nuk e kanë njohur Kosovën dhe fuqishëm e kanë mbështetur pozicionin serb.

Përgjigjja e GJND-së ndaj këtij procesi, ndërkaq, pritet nga pranvera e vitit të ardhshëm.


| s.b & RTK staff |


Thank you very much.