SKANDALOZE; Shqipëria heq simbolet kombëtare nga Abetarja

[Llapjani_HH]

Shqipëria heq simbolet kombëtare nga Abetarja

Abetares në gjuhën shqipe, që iu dhurua nxënësve të Luginës së Preshevës nga qeveria shqiptare, me rastin e vitit të ri shkollor, i janë hequr simbolet kombëtare dhe ato shtetërore.

Në një faks, ambasadori i Republikës së Shqipërisë i akredituar në Beograd Shpëtim Çaushi, rezulton të ketë dhënë pëlqimin e tij për këtë akt.

Në një letër zyrtare të shkruar në serbisht dhe që i drejtohet Ministrit të Arsimit e Shkencës së Serbisë, Zarko Obradovic, Çaushi shkruan mes të tjerash se "në lidhje me letrën tuaj kemi nderin t'ju njoftojmë që organet përgjegjëse shqiptare janë dakord me sugjerimet e shprehura në letrën tuaj dhe që Abetarja dhe Fletorja e Punës të riprodhuara, të mënjanojnë simbolet kombëtare dhe shtetërore".

Ky faks iu është dërguar për dijeni edhe Ministrit për të Drejtat e Njeriut dhe Vetë-administrimin Lokal, Milan Markovicit, Ambasadorit të OSBE-së në Beograd, Dimitrios Kypreos, si edhe kryetarit të Këshillit Nacional të Shqiptarëve në Serbi, Galip Beqiri.

Qeveria e Shqipërisë në datën 14 shtator ka dërguar si "dhuratë" në Luginën e Preshevës një mijë copë Abetare, të punuara me "standardet" e kërkuara nga qeveria e Serbisë, pra duke hequr flamurin dhe simbolet tjera kombëtare nga brendia e saj.

Paraprakisht, kësaj i ka prirë një pajtim nga vetë Ambasada e Shqipërisë në Beograd.

Konkretisht nxënësit shqiptarë të Preshevës, kur të mësojnë shkronjën SH, do të mësojnë se "qyteti i Nishit është qytet i bukur", ku në origjinal është "Shkodra është qytet i bukur".

Për të gjitha këto, ka qenë pajtimi dhe pëlqimi paraprak skandaloz i shtetit dhe i diplomacisë së Shqipërisë.
Gazeta expres

Edhe naj dit qeveria e Shqipris dhe Kosovës ka me ju kërkue falje shkieve për luftrat që i ka ba serbia kundër Shqiptarve.