Citate nga dijetaret islam

[Kosova19]

Shpërblimi i agjërimit të Ditës së Ashures
Shkruar nga el-Mundhiri

Imam Abdul-Adhim bin Abdil-Kaui el-Mundhiri:

1 - Ebu Katade (radija Allahu anhu) ka treguar se i Dërguari i Allahut (sal Allahu alejhi ue selem) është pyetur rreth agjërimit të Ditës së Ashures dhe ai tha:
"Ajo fshin mëkatet e të vitit të kaluar." Muslimi.

2 - Ibn Abbasi (radija Allahu anhu) transmeton se i Dërguari i Allahut (sal Allahu alejhi ue selem) agjëronte Ditën e Ashures dhe urdhëroi sahabet që ta agjërojnë atë. Buhari dhe Muslimi.

3 – Ibn Abasi (radija Allahu anhu ) gjithashtu ka thënë: "Unë nuk di që i Dërguari i Allahut (sal Allahu alejhi ue selem) të ketë agjëruar ndonjë një ditë për të kërkuar mirësinë e saj përveç kësaj dite." Transmeton nga Muslimi.

4 – Ibn Abasi (radija Allahu anhu) gjithashtu ka thënë: "Profeti (sal Allahu alejhi ue selem) nuk është dhënë pas mirësive të ndonjë dite të veçantë pas agjërimit të Ramazanit, përveç Ditës së Ashures." Transmetuar nga et-Taberani në "el-Avsat" me zinxhir të mirë.

5 - Ai (radija Allahu anhu) gjithashtu ka thënë se i Dërguari i Allahut (sal Allahu alejhi ue selem) ka thënë: "Nuk ka asnjë ditë që është më e mirë se një ditë tjetër për ta agjëruar, përveç muajit të Ramazanit dhe Ditës së Ashures." Transmetuar nga et-Taberaniu në "el-Kebir" dhe el-Bejhaki.

6 - Ebu Seid El Hudri (radija Allahu anhu) na ka treguar se i Dërguari i Allahut (sal Allahu alejhi ue selem) ka thënë: "Kushdo që agjëron Ditën e Arafatit, do t’i falen mëkatet e tij të vitit të kaluar po ashtu të vitit të ardhshëm. Kushdo që agjëron Ditën e Ashures, do t’i falen mëkatet për një vit." Transmeton et-Taberani me zinxhir të mirë.

7 - Ebu Hurejra (radija Allahu anhu) ka treguar se i Dërguari i Allahut (sal Allahu alejhi ue selem) ka thënë: "Ai i cili furnizon shtëpinë dhe familjen e tij në Ditën e Ashures, Allahu do ta furnizojë për pjesën tjetër të vitit. " Transmeto Bejhekiu nga shumë transmetues prej sahabeve dhe shumë të tjerë prej tyre.

Ndërsa Bejhekiu ka thënë: "Edhe nëse këto zinxhirë janë të dobët, ato forcohen kur bashkohen njëri me tjetrin; Allahu e di më mirë."

Kontrolli: Usame Morina
Burimi: et-Targhib uet-Tarhib (2/115-116)
Dar Ihja et-Turath el-Arabi, 1388/1968