Statistikat e pabesise - TRADHTISË BASHKËSHORTORE

[andaluzi91]

STATISTIKAT E PABESISË - TRADHTISË BASHKËSHORTORE

Përgatitur nga Fehmi Maloku e hënë , 05 shkurt 2007 Për shkak të ruajtjes dhe fshehtësisë, është e vështirë të jepen të dhëna shumë të sakta për aferat jashtëmartesore.

Sipas Associated Press:
-22 për qind e burrave të martuar kanë tradhtuar të paktën një herë gjatë jetës së tyre martesore.
-14 për qind e grave të martuara kanë pasur të paktën një lidhje jashtëmartesore gjatë jetës së tyre martesore.
-Më të rinjtë janë kandidatë më të mundshëm; në fakt, gratë më të reja janë po aq të prirura për të tradhtuar sa djemtë e rinj.
-70 për qind e grave të martuara dhe 54 për qind të burrave të martuar nuk kanë pasur dijeni për lidhjet jashtëmartesore të bashkëshortëve apo bashkëshorteve të tyre. -90 për qind e amerikanëve besojnë se tradhtia bashkëshortore është moralisht e gabuar.
-17 për qind e divorceve në Kombet e Bashkuara shkaktohen nga tradhtia bashkëshortore.

Sipas Peggy Vaughan, autore e “Mitit të Monogamisë”, të botuar në vitin 1989 (edicioni i tretë në vitin 2003), thotë se statistikat e tradhtisë bashkëshortore vlerësojnë se “60 për qind e burrave dhe 40 për qind e grave do të kenë një lidhje jashtëmartesore. Këto shifra janë edhe më domethënëse kur konsiderojmë numrin total të martesave të përfshira, duke qenë se nuk është e mundshme që të gjithë këta burra dhe gra do të jenë të martuar me njëri-tjetrin. Me këtë numër të lartë martesash të prekura nga tradhtia bashkëshortore, është e paarsyeshme të mendohet se këto lidhje janë pasojë e dështimeve dhe të të metave të bashkëshortëve”.

Këto të dhëna janë të rreth 15 vjetëve më parë; pra, bazuar në ndryshimet në shoqëri gjatë viteve të fundit, përqindja aktuale e popullsisë që ka pasur lidhje jashtëmartesore është më e lartë. Për shembull, pjesëmarrja në rritje e grave në vendet e punës dhe rritja e pjesëmarrjes së tyre në internet do të thotë se numri i grave që kanë lidhje të tilla është e afërt me atë të burrave-rreth 60%.

Përqindje divorci për disa vende krahasuar me SHBA-të

Vendi Shkalla e divorcit Përqindja në SHBA
(Për 1000 njerëz në vit)
Italia 0.27 5.45%
Turqia 0.37 7.47%
Greqia 0.76 15.35%
Kina 0.79 15.96%
Shqipëria 0.83 16.77%
Mbretëria e Bashkuar 3.08 62.22%
Rusia 3.36 67.88%
Shtetet e Bashkuara 4.95 100.00%

Pse dështojnë martesat?
Jo të gjitha martesat dështojnë nga i njëjti shkak. Disa nga shkaqet kryesore janë: komunikimi i varfër, problemet financiare, mopërkushtimi ndaj martesës, tradhtia bashkëshortore. Shkaqe të tjera mund të jenë: nevojat e paplotësuara, varësia nga substancat narkotike dhe abuzimi me to, abuzimi fizik, seksual dhe emocional, paaftësia për gjetjen e zgjidhjeve të konflikteve martesore.

BURIMI: http://fjalaebukur.com/sq/content/view/554/31/