Cufaj shpërblehet nga Stuttgarti për "projekt@party"

[Naki]

Cufaj shpërblehet nga Stuttgarti për projekt@party





Publikuar: 10.10.2012 - 09:53

Prishtinë, 10 tetor - Shkrimtari nga Kosova me banim në Stuttgart të Gjermanisë, Beqë Cufaj, ka marrë çmimin vjetor për romanin e botuar para një muaji e gjysmë në gjuhën gjermane "projekt@party". Çmimi i vitit 2012, i cili ndahet nga Klubi Ekonomik në Shtëpinë e Letërsisë së Stuttgartit, është themeluar në vitin 2009 dhe deri tash u është ndarë shkrimtarëve gjermanë Annette Pehnt, Felicia Zeller dhe Soeren Voima.

Në arsyetimin e jurisë së përbërë nga Julia Schroeder (Stuttgarter Zeitung), dr. Juergen

Buchow (Teatri Shtetëror i Stuttgartit), si dhe dr. Florian Hoellerer (Literaturhaus Stuttgart), mes të tjerash theksohet që Cufajt i është ndarë çmimi i vitit për romanin në fjalë pasi që autori "me një shikim analitik dhe forcë imazhesh, Beqë Cufaj arrin të na i sjellë thellësitë e strukturave të organizatave ndërkombëtare të ndihmës dhe përshkruan

sesa pak përputhen këto struktura me nevojat e vendeve në krizë”.