UFO-te..po- jo?

[Zero Cool]

Avioni i pasagjerëve përplaset me UFO-t?!





Pekin, 11.06.2013 09:56

Imazhet e dëmtimit të pjesës ballore të një avioni pasagjerësh në Kinë po ngrenë gjithnjë e më shumë pikëpyetjet mbi shkakun e tyre.

Gjithcka ka ndodhur kur avioni i “Air China” po fluturonte në 8 mijë metër lartësi. Papritmas piloti ka ndjerë një përplasje të fuqishme e pasuar nga një zhurmë e fortë. Menjëherë më pas ai u ka kërkuar autoriteteve të fluturimit lejen për ulje emergjence.

Këto të fundit e autorizuan atë. Në aeroportin më të afërt, pas uljes, në pjesën e përparme të avionit u vu re një deformim i madh i pjesës metalike. Të gjithë nisën të pyesnin veten se cfarë e kishte shkaktuar një deformim të tillë pa lënë kurrëfarë gjurme.

Dyshimet e para, ato të përplasjes me ndonjë masë të madhe zogjsh u rrëzuan menjëherë, pasi nuk ekziston asnjë lloj zogu që fluturon në lartësinë 8 mijë metra.

Teoria e dytë e shtruar është ajo e përplasjes së avionit të pasagjerëve me një avion spiun pa pilot. Këtu ka ende vend për hetime, por shpresat për vërtetimin e saj mbeten të vakta. Ekspertët thonë se nëse do të ishte një përplasje e tillë, në trupin e avionit të pasagjerëve do të gjendeshin copëza mikroskopike të mjetit tjetër, gjë që ka rezultuar negative.

Teoria e fundit (që do të mbetet teori) është ajo e përplasjes me një objekt fluturues të paidentifikuar, apo sic njihen ndryshe UFO. Një ish-hetues i UFO-ve, Nick Pope thotë se pavarësisht se cfarë besojnë njerëzit për UFO-t, ka disa raste kur avionë pasagjerësh kanë qenë pranë përplasjes me këto objekte.

Ja si mund te kete ndodhur perplasja

Ai thotë se është vetëm cështje kohe deri sa të ndodhë një incident i tillë. “Imazhet të bëjnë të mendosh se përplasja për pak ka qenë tragjedike për pasagjerët dhe ekuipazhin e avionit”, thotë Pope.

Pyetjet e mediave mbi shkakun e incidentit, si autoritetet ashtu edhe vetë kompania kineze e transportit ajror, i kanë lënë pa përgjigje dhe janë mjaftuar vetëm me deklaratën: Po hetohet!

UFO, avionë pa pilotë (drone) apo tufë zogjsh? Me siguri ky incident do të hyjë tek incidentet misterioze që autoritetet kineze vështirë ta ndajnë me publikun.

[Zero Cool]

Anglia publikon dokumentet sekrete për UFO-t






Londër, 23.06.2013

Ministria e Mbrojtjes në Britaninë e madhe ka publikuar dokumentet e fundit sekrete në lidhje me jashtëtokësorët. Bëhet fjalë për materiale që përmbledhin punën e kësaj ministrie gjatë 50 viteve, por në që fakt arrijnë në përfundimin se nuk ka prova për ekzistencën e UFO-ve. Sipas dokumenteve, Ministria ka ndaluar hetimin dhe projektet e mëtejshme për UFO-t dhe ka mbyllur zyrën përkatëse për këtë çështje që në vitin 2009.

Dokumentet që përfshijnë të dhënat për pesë vitet e fundit, 2005-2009, përmbledhin dëshmi që duhet të shërbenin për njohjen e objekteve dhe jetës jashtëtokësore. Por dokumentet konfirmojnë se nuk ka pasur asnjë të dhënë tjetër veç dëshmive të qytetarëve të ndryshëm që janë të paverifikueshme. “Të gjitha të dhënat që janë mbledhur deri më sot nuk flasin se kemi të bëjmë me kërcënim të sigurisë se jetës së qytetarëve, apo të territorit të Mbretërisë së Bashkuar”,- shkruan ministri i atëhershëm i Mbrojtjes në Angli, Bob Ainsuorth, shkruan noa.

Zyra e specializuar për këtë çështje mblidhte mesatarisht 150 dëshmi në vit. Por sipas raportit, në shumicën e rasteve, ato ishin deklarata të paverifikueshme. Mediat i cilësojnë si qesharake disa prej “fakteve” të klasifikuara top-sekret me të cilat janë marrë agjentët e Ministrisë së Mbrojtjes.

Disa prej tyre janë: “Një burrë në qytetin Kardif pretendon se UFO-t i kanë rrëmbyer qenin”.

“Një grua në qytetin Dorset thotë se ka parë një UFO, në formën e një topi të zjarrtë. Sipas saj, UFO-ja ka hyrë në kuzhinë nga dritarja dhe më pas ka dalë nga ballkoni me shpejtësi”.

“Një numër i madh njerëzish pretendojnë se janë bezdisur nga drita shumëngjyrshme gjatë natës. Ka rezultuar se bëhej fjalë për llambadarë në një lagje kineze”.

[Zero Cool]

UFO në Rugovë të Pejës?!






Pejë, 26.09.2013

Një objekt i paidentifikuar është xhiruar në afërsi të fshatit Kuqishtë të Rugovës, në Pejë.

Banori i cili ishte në vendin e ngjarjes, Besnik Lajçi, tha për Telegrafin se ka mbetur i shtangur kur e ka parë një objekt te tillë.

Ai duke treguar kronologjinë e ngjarjes ka sqaruar se fillimisht ka qenë duke punuar në livadhin e tij, ku i ka dëgjuar të lehurat jo të zakonshme të qenit të tij dhe është afruar për ta kuptuar se çka po ndodh.

Rugovasi tha se e ka lajmëruar policinë, sepse është befasuar me diçka të tillë, duke shtuar se ndjenja e çuditshme është duke e përcjellë prej atij momenti deri me tash.

"Kam pritur një orë, pastaj ka lëvizur në drejtim të Shqipërisë dhe më pas nuk dukej më", shtoi ai.

Krejt ky rast i çuditshëm dhe intrigues ka ndodhur afër fshatit Kuqishtë të Rugovës, ose siç njihet ndryshe te "Guri i kuq".

[natyra]

dhe dita dites,po i afrohet "Tokes" diqka e pazakont!
Si dhe rasti konkret ky i fundit ne-Fshatin Kuqishte"Rugove te Pejes! perndryshe ne Kosove.

[Zero Cool]

Gjendet i vdekur një jashtëtokësor në Beograd!



Beograd, 08.02.2014

A do jetë Beogradi vendi i parë që do të konfirmohet egzistenca e një formë të panjohur më parë? Do tregojnë faktet reth kësaj video.

Dy persona nga Beogradi afër vendbanimit të tyre kanë gjetur një trup të pazakontë në dëborë dhe kanë inçizuar atë që më pastaj e kanë postuar në ‘Youtube’, raportojn mediat në Beograd.

Po ju sugjerojmë të shikoni videon dhe të vertetoni vetë se çka fshihet pas kësaj video.

[Artisti]

Falcon 9