Islami jashtë ligjit

[Zero Cool]

Angola ndalon Islamin, rrënon xhamitë






Në Angola, feja islame është shpallur e jashtëligjshme dhe tashmë të gjitha xhamitë duhet të mbyllen. Vendimi është marrë nga qeveria e shtetit afrikan, duke e bërë këtë vend, të parin në botë që shpall të jashtëligjshëm një besim fetar që ndiqet nga rreth 1 miliard njerëz në mbarë botën.

Ministrja e kulturës Roza Kruz e Silva tha se objektet e kultit islam, në shtetin ku shumica e popullsisë është e krishterë, do të mbyllen deri në një urdhër të dytë. Sipas saj, Ministria e Drejtësisë dhe e të Drejtave të Njeriut, ende nuk e ka aprovuar ligjërimin e islamit dhe deri në një vendim të këtij dikasteri, xhamitë do të qëndrojnë të mbyllura.

Por burime të pakonfirmuara të së përditshmes britanike “International Bussines Times” bëjnë me dije se tashmë autoritetet kanë nisur edhe shkatërrimin e xhamive në mbarë vendin.

Sipas presidentit Hose Edoardo dos Santos, ky vendim i jep fund një herë e mirë influencës së islamit në Angola. Krahas fesë islame janë nxjerrë jashtë ligjit mbi 194 sekte të tjera fetare.

Angola ka një popullsi prej 19 milion banorësh dhe rreth ¾ e popullsisë i përkasin besimit te krishtere, kryesisht katolik dhe protestant. Statistikat tregojnë se vetëm 1% e popullsisë i përketn besimit islam dhe ata janë kryesisht emigrantë të ardhur nga vendet e tjera afrikane. Mediat vendase flasin për një shtim të përplasjeve të dhunshme kohët e fundit mes të krishterëve dhe myslimanëve.


Angola mbyll xhamitë, feja islame nxirret jashtë ligjit



Autoritetet në Angolë kanë marrë masa të rrepta për ndalimin e Islamit, duke e konsideruar atë si një kult e jo si fe.

Ministri i Kulturës së Angolës Rosa Cruz de Silva tha se sa i përket islamit, procesi i “legalizimit” nuk është miratuar nga Ministria e Drejtësisë dhe të Drejtave të Njeriut. Prandaj të gjitha xhamitë do të jenë të mbyllura deri sat ë merret një tjetër vendim, ka raportuar africanglobe.net.

“Duhet të theksohet se qeveria Angolan ka bërë mbylljen e të gjitha xhamive parimisht dhe pa paralajmërim. Vetëm dy xhami të vendosura në Luanda kanë marrë tashmë një dokument paralajmërimi.
Në fillim të tetorit 2013, muslimanët u tronditën kur panë minaren e xhamisë së tyre të shkatërruar. Autoritetet vendase njoftuan se muslimanët nuk janë të mirëpritur në Angola, dhe qeveria e Angolas nuk është gati për legalizimin e xhamive në vend.

Sipas raportit për liritë fetare të vitit 2008, Islami në Angola është fe për minoritetet dhe ka 80.000 – 90.000 besimtarë, të përbërë kryesisht nga emigrantët që vijnë nga Afrika Perëndimore dhe familjet me origjinë libaneze.

Muslimanët përbëjnë mes 2.5 deri 3 për qind të popullsisë së përgjithshme, ndërsa vendi ka 17 milionë banorë, shumica krishterë.

Në dekadën e fundit komuniteti mysliman në Angola është rritur ndjeshëm, dhe aktivitete islame janë bërë më të zakonshme në qytetet e mëdha.




Ky mund të bëhet vendi i parë në botë që ndalon Islamin



Një gazetë e përjavshme në Marok “La Nouvelle Tribune” raporton se vendi i Afrikës së Jugut, Angola ka ndaluar Islamin dhe ka nisur mbylljen dhe shembjen e xhamive.

Lajmi shqetësues erdhi nga një fjalim i ministres së Kulturës, Rosa Gruz e Silva, një grua që normalisht duhet të kishte si detyrë festimin e pjesëmarrjes në Miss Universe dhe iniciativave mbrojtëse, se sat ë kërcënojë një minoritet fetar (Angola ka shumicë krishterë ndërsa numër i vogël i myslimanëve përbëhet kryesisht nga emigrantët).

Ministrja tha se islami nuk ka qenë kurrë legal. Ndërsa Presidenti, Jose Eduardo dos Santos, që drejton vendin që prej vitit 1979, gjithashtu ka bërë aludimeve për dhënien fund “të influencës islamike”.

Një xhami afër kryeqytetit është shkatërruar ndërsa në qytete të tjera janë hequr disa minaret.

Është ende e paqartë nëse mbyllja e xhamive ka lidhje me fjalimin e ministres Cruz e Silva ku tha: “Procesi i liberalizimit të islamit nuk është miratuar nga Ministria e Drejtësisë dhe të Drejtave të Njeriut, xhamitë e tyre do të mbyllen deri në një njoftim të dytë.”

Angola ka një nga ekonomitë më në rritje në botë. Qytetet e këtij vendi kanë jetën më të shtrenjtë, ku jetesa në disa prej tyre është më e kushtueshme se në Manhatan. Ky vend është prodhuesi i dytë në Afrikë i diamanteve dhe naftës. Por rritja ka shkaktuar edhe pabarazi, ka ushqyer korrupsionin dhe patronazhin.