Kriza Greke

[Zero Cool]

Në Manolada të Greqisë perëndimore të mërkurën në mbrëmje (17.04. 2013) kryepunëtorë shtinë me pushkë mbi mbledhësit e luleshtrydheve, kur ata kërkuan pagat e tyre të papaguara prej gjashtë muajsh.
Sindikata lokale dhe të gjitha mediat greke flasin për një "pazar skllevërish" në fushat e luleshtrydheve në Manolada. Një zëdhënës i sindikatës tha se autoritetet kanë kohë që janë në dijeni për kushtet çnjerëzore të punës së punëtorëve sezonalë, por kanë ndërmarrë shumë pak, sepse nga "mungesa e personelit" ata nuk mund të ndjekin çdo informacion të popullatës.

"Mafia e luleshtrydheve"

Gazeta Eleftherotypia flet për një "mafia të luleshtrydheve". Edhe pse mund të tingellojë e ekzagjeruar, ka shumë shenja që flasin se në rajon është krijuar një sistem i errët dhune dhe kontrolli. Që në vitin 2008 punëtorët e huaj sezonalë kanë protestuar për kushte çnjerëzore pune dhe janë rrahur nga gjoja të panjohur. Në vitin 2011 policia mundi të çlirojë 35 punëtorë rumunë nga duart e kriminelëve, të cilët i kërcënonin me armë. Verën e kaluar dy burra tërhoqën në rrugët e Manoladës një egjiptian 22 vjeçar, pasi ia kishin kapur kokën me derën anësore të një makine. Sipas të dhënave të kryetarit të bashkisë njëri nga keqbërësit e atëhershëm ka qenë i përfshirë në sulmin e fundit me armë kundër ndihmësve të të vjelave.
"Në rajon janë krijuar struktura mafioze",deklaron deputetja dhe zëdhënësja e partisë konservatore në qeveri Nea Dimokratia, Sofia Voultepsi, në radion e Athinës Real News. „Ajo që ndodh atje, nuk është në fakt asgjë e re, por deri tani mbetemi vetëm tek konstatimet.





Punëtori nga Bangladeshi Mohamed (C), 25vjeç ndihmohet nga shokët pasi është qëlluar në Manolada me 18 prill 2013



do herë, kur bëhen përpjekje për të arrestuar dikë në vend, i dyshuari mbrohet nga dikush në kohën e duhur dhe nuk i ndodh asgjë“, ankohet politikanja. Ajo premton edhe përmirësime: Të prekurve u duhet ndihmuar me anë të një ligji të ri për mbrojtjen e punës, mendon Voultepsi. Por deri tani ajo nuk ka dhënë detaje.

Gazetarët kureshtarë kërcënohen dhe rrihen

Kush dëshiron të mësojë për kushtet e këqia në Manolada, përballet me rrezikun. Në prill 2011 dy gazetarë të gazetës së përditshme të Athinës To Vima, të cilët donin të vizitonin një strehimore të punëtorëve sezonalë bullgarë në rajon, janë rrahur nga kryepunëtorët. Makina u tyre u godit, kamera iu vodh. Jannis Arvanitakis, cili u prezantua si pronar i plantacionit të luleshtrydheve, i tha policisë se sjellja e njerëzve të tij kishte qenë thjesht për arsye vetëmbrojtjeje, sepse gazetarët kishin hyrë "si vjedhës", duke shkelur të drejtën e tij të pronësisë.

Sipas hulumtimeve të gazetës To Vima disa gazetarë janë kërcënuar vitet e fundit nga të "panjohur", ndër ta edhe kryeredaktori i një gazete të madhe lokale, ish-korrespondenti televiziv i kanalit Antena të Athinës dhe madje edhe kryetari i Shoqatës së fotoreporterëve grekë.

Problemet janë ndoshta edhe më të thella, thotë eksperti financiar dhe tatimor Vangelis Ambeliotis në radiostacionin Skai: "Në qoftë se punëdhënësi nuk ka para për të paguar pagat, atëherë kompania e tij duhet të të mbyllet. Në vend të kësaj shpesh ndodh kjo: punëdhënësi pushon punonjësit, për të mos paguar pagat e papaguara, dhe në vend të tyre merr punëtorë të lirë. Apo edhe më keq: Punëdhënësi kallëzon punëtorët e tij të huaj sezonalë, të cilët shpesh qëndrojnë në Greqi ilegalisht, për të mos paguar pagat e prapambetura", thotë Ambeliotis i zemëruar.

[Zero Cool]

Skandal me kreditë greke



Greqia perfshihet nga nje tjetër skandal i përmasave të mëdha. Bëhet fjalë për përvetësime dhe kreditime pa kriter në bankën e postës greke, 'Helenic Post Bank'.

Sipas llogaritjeve te bera prej prokurorit te antikorrupsionit ne Athine, demi i shkaktuar bankes mberrin ne mbi 500 milione euro, ndersa dhjetera eksperte te krimit ekonomik jane perfshire ne hetimin e transaksioneve te bankes gjate 10 viteve te fundit. Kete radhe ka qene Prokuroria e Athines qe ka urdheruar dhjetera arrestime, ku bie ne sy mandat-arresti per Angjelo Filipidhi, ish-shefi i 'Helenic Post Bank', politikan i se djathtes, njekohesisht ish-president i klupit sportiv Papathinaikos.

Urdher arresti u leshua edhe per ish-presidentin tjeter te ketij organizmi, Kleon Papadhopulos,si dhe per te pakten 15 biznesmene dhe krere te ketij insitucioni. Vlen te permendet ne nder biznenesmenet e tashme te ndaluar,eshte edhe presidenti i televizionit 'Alfa',nje nder mediat me te medha ne vend, si dhe nje numer biznesmenesh te tjere te njohur ne vend. Prokuroria e Athines njoftoi se vendimi per arrestimin e ish-krereve te insitucionit dhe te biznesmeneve, u mor pasi prej hetimeve rrezultoi se ata ishin perfshire ne nje skeme kreditimi me dhjetera milione euro, te kompanive te biznesmeneve, pa permbushur kushtet per kreditim.

Nderkohe rezulton se parate e kredituara nuk jane kthyer kurre ne arken e bankes. Hetimet e metejshme,rezultuan se dhjetera milionë euro jane derguar jashte shtetit ne menyre te dyshimte, ndersa miliona euro u gjeten te fshehura ne banka ose llogari kompanishe ne Zvicer,Luksemburg dhe ishujt Marshall.

Athina tashme eshte ne gare me kohen per te shpetuar nga kolapsi ekonomik. Qeveria Samaras ka filluar nje program te ashper reformash,ku uljet e rrogave dhe pensioneve kryesojne listen e masave te shtrenguese te qeverise. Nderkohe se opinioni publik vendas, por dhe ai europian, kerkon hetime lidhur me gjetjen e shkaktareve qe sollen rrenimin ekonomik te vendit, listen e te cileve e kryeson korrupsioni galopant ne te gjitha hallket e jetes ne Greqi qe ka sjelle uljen me te medhe te te ardhurave te shenuar ndonjehere ne kohe paqeje.

[Izraeliti]

Në vazdhën e ngjarjeve që rrodhën brenda këtyre 5 viteve përgjatë krizës greke, mund të konkludohet se ka filluar zvogëlimi i borxheve shtetërore greke dhe rritja e aftësisë për likuidim pagesash në sajë të privatizimit të aseteve shtetërore, masave të kursimit të ndërmarra nga Qeveria Greke si dhe „ndihmat“ nga jashtë.

Ndihmat nga jashtë janë marrë dhe po mirren në formë të kredive (Rata e pranuar së fundmi 8,5 miliard euro, Qershor 2017) të cilat bashkë me kryegjënë (borxhin) Greqia paguan edhe norma interesi.
Normat e interesit (kamata) që ka paguar Greqia deri sot janë:

• Gjermanisë: 1.34 miliard euro
• Austrisë: 111,44 milion euro