Lajme Aktuale....

[Zero Cool]

I thanë “Qenke shqiptar” dhe e prenë në fyt


Një i ri është therrë me thikë në fyt dhe është hospitalizuar kur dy huliganë serbë e prenë në fyt në një autobus të Beogradit. Arsyeja: menduan se është shqiptar. Xhemil Limani e preku me qese njërin prej huliganëve në autobus, dhe ata u bënë nervoz. Ai u kërkoi falje disa herë, por serbët e panë që nuk po e thekson mirë në serbisht shkronjën “q”. “E shoh se qenke ‘Shiptar’ “, i tha njëri huligan duke e nxjerrë thikën dhe duke e prerë në fyt viktimën. Limani u tha se nuk është shqiptar, por goran.

Ndërhynë të tjerë udhëtar që arritën ta mbajnë njërin huligan për ta kapur policia. Limani u dërgua me urgjencë në spital dhe pati ndërhryje kirurgjike. Mjekët thanë se therrja mund të ishte fatale, por ai shpëtoi për pak.

indeksonline

WikiLeaks nis publikimin e 5 milion mesazheve sekrete, Carl Bild: Nuk më pëlqejnë kroatët dhe shqiptarët


E marte 28 Shkurt 2012 12:39 WikiLeaks këtë të hënë ka nisur publikimin e më shumë se 5 milion mesazheve elektronike të shkruara nga apo në drejtimit të një kompania amerikane për sigurinë. Bëhet fjalë për maile të shkruara nga muaji korrik i 2004 deri në dhjetorin e vitit të kaluar për kompanisë “Stratfor”.
Pjesë e mesazheve konfidenciale janë qindra të tillë të shkruar nga diplomatë dhe agjentë amerikanë. Në dhjetor kompania amerikane “Stratfort” u sulmua nga grupi i hakerave të njohur me emrin Anonymous kur dhe besohet se janë “vjedhur” informacionet.
Mes maileve sekrete, është edhe një që tregon për “pikëpamjet” e ministrit të Jashtëm të Suedisë, Carl Bild. Ai besohet të jetë shprehur se Suedia mund të bëhet një super-fuqi botërore dhe ka quajtur Kryeministrin e Rusisë Vladimir Putin “Çetnik” (organizatë paramilitare në Serbi). Gjithashtu, besohet që Bild të ketë thënë se “nuk i pëlqejnë kroatët dhe shqiptarët” thuhet në një mesazh me emër SË501 që i referohet një eurodeputeti suedez.
Zëdhënësja e ministrit suedez Anna Charlottar Johansson ka reaguar menjëherë duke i quajtur këtë informacione si thashetheme. Ndërsa vetë ministri ka reaguar pas publikimit të mailit nga Wikileaks me anë të profilit të tij në “Tuiter”. “WikiLeaks ka publikuar maile të paqarta ku thuhet se jam “shumë i gjatë, memorie fotografike (të mirë) dhe shumë i zgjuar”. A nuk duket kjo paksa qesharake?”, ka shkruar Bild në “Tuiter”.
Tabloidi suedez “Expressen” disa ditë më parë ka raportuar se WikiLeaks po planifikonte një “fushatë njollosëse” kundër Suedisë në përpjekje për të penguar këtë vend që të mos pranojë ekstradimin e themeluesit të saj Julian Assange për në SHBA. /shekulli/

Paralajmërohet publikimi i shqiptarëve me dokumente serbe
Deputetja Vesna Mikiq ka paralajmëruar se në listën e përfituesve ka edhe emra të zyrtarëve të lartë të Kosovës, përfshirë disa deputetë.

E premte 2 Mars 2012 23:02

Deputetja serbe në Kuvendin e Kosovës, Vesna Mikiq, ka vendosur ta befasojë opinionin kosovar duke i bërë publikë emrat e të gjithë qytetarëve të Kosovës që janë pajisur me pasaporta dhe me letërnjoftime biometrike nga Republika e Serbisë, shkruan sot ‘Koha Ditore’. Ajo ka paralajmëruar se në listën e përfituesve ka edhe emra të zyrtarëve të lartë të Kosovës, përfshirë disa deputetë.
Për ta ndërmarrë një veprim të tillë, Mikiq është nxitur nga arrestimi i paradoditshëm i gjashtë qytetarëve serbë, nën akuzën se e kanë shkelur rendin kushtetues të Kosovës duke u futur në territorin shtetëror si pjesëtarë të MUP-it të Serbisë. Ajo ka thënë se të arrestuarit për 11 vjet rresht çdo ditë kanë udhëtuar deri në Vranjë për ta siguruar ekzistencën e familjeve të tyre si punëtorë.
“Nëse kjo është e drejtuar kundër rendit kushtetues, atëherë ju pyes se a është shkelje e rendit kushtetues fakti që një milion shqiptarë të Kosovës kanë pasaporta biometrike dhe letërnjoftime të Republikës së Serbisë. Bile edhe në këtë Kuvend, në mesin tonë, ka zyrtarë të lartë që kanë shkelur rendin kushtetues të Kosovës duke marrë pasaporta”, ka thënë ajo të enjten.
“Unë po pres që në çdo moment të më vijnë emrat e tyre me postë elektronike, pra të të gjithë atyre që kanë pasaporta, certifikata dhe letërnjoftime të nxjerra vitin e kaluar....Më pas do të mbaj një konferencë shtypi, në të cilën do t`i bëj publik ata emra dhe do të kërkoj nga pjesëtarët e ROSU-s dhe të MPB-së që ta aplikojnë të njëjtën torturë, siç e kanë bërë me njerëzit e pafajshëm gjatë arrestimit”, ka paralajmëruar deputetja serbe.

Zhduken 200 mijë Euro nga kontoja e Ipeshkvisë

E premte 2 Mars 2012 11:32

Rreth 200 mijë euro, të dhëna donacion vite më parë për ndërtimin e katedrales “Nëna Tereze” në Prishtinë, dyshohet se janë “zhdukur” nga kontoja bankare e Kishës Katolike. Ndonëse nuk dihen ende emrat e personave si të dyshuar të mundshëm, Prokuroria Publike e Qarkut në Prishtinë, ka intensifikuar hetimet në gjetjen e tyre pas një kallëzimi penal të pranuar nga Ipeshkvia e Kosovës.
Prokurori publik i qarkut, Lulëzim Sylejmani, i cili ka në duar dosjen e dorëzuar nga Ipeshkvia, ka konfirmuar nisjen e hetimeve për humbjen e rreth 200 mijë eurove.
“Ipeshkvia e Kosovës ka dorëzuar një kallëzim penal në janar të këtij viti, ku tregon për zhdukjen e rreth 200 mijë eurove, zhdukje kjo e të hollave që ka ngjarë në vitin 2005 deri në vitin 2006”, ka konfi rmuar prokurori Sylejmani.
Sipas tij, paratë e humbura kishin qenë donacion për ndërtimin e katedrales “Nëna Tereze” në Prishtinë dhe, si të tilla, kishin qenë të deponuara në Bankën Kreditore të Prishtinës, filiali në Prizren. /zeri/

[Zero Cool]

Akuzohen gratë e bin Ladenit


Islamabad, 08.03.2012 18:10

Pakistani ka ngritur akuzë kundër tri të vejave të Osama bin Ladenit, se kanë hyrë dhe jetuar ilegalisht në vend, citon agjencia amerikane e lajmeve AP një deklaratë të Ministrisë së Brendshme të këtij vendi, transmeton Koha.

Që të tri gratë kanë qenë në paraburgim në Pakistan, që nga maji i vitit të kaluar, kur komandot amerikanë sulmuan shtëpinë ku ato, bin Laden dhe fëmijët e tyre po qëndronin.

Komandot qëlluan për vdekje Bin Ladenin dhe trupin e tij e varrosën në det.

Autoritetet thanë se fëmijët e grave janë të lirë ta lëshojnë Pakistanin, por mund të rrinë me nënat e tyre gjatë kohës sa zgjat procesi gjyqësor.

Njëra nga gratë e Osama bin Ladenit thuhet se është nga Jemeni, tjetra nga Arabia Saudite, kurse nacionaliteti i së tretës nuk dihet.

Deputetit Azem Syla i ndalohet përjetësisht hyrja në Zvicër
Autoritetet e entit për migracion në Sollothurn të Zvicrës, konfirmojnë lajmin për agjencinë e lajmeve “COMEZE”
Me duar të përlyera përmes likuidimeve të ndryshme në Policinë sekrete të Kosovës, Azem Syla vazhdonte të mbaj “Vizën C” lëshuar nga entet Zvicerane. Kësaj i ka ardhur fundi pasi EULEX-i ka kontaktuar Entin për Migracion të Zvicrës.
Pasi EULEX ka zbuluar se Azem Syla është i lajmëruar në Zvicër në mënyrë oficiale, mirëpo ai ka atje vetëm një adresë, kjo gjë ka shtyre entin për migracion të Zvicrës që të kontrolloj dokumentacionin e tij të lëshuar nga zyra e Migracionit në Sollothurn.
Për këtë, Azem Syla është lutur të dorëzoj dokumentacionin e tij para Entit për Migracion deri më datën 20 Maj të këtij viti, përndryshe ai do të kërkohet nga Entet Zvicerane me fletëarrest ndërkombëtar.
Gjykata në Sollothurn ka sjellë vendimin për këtë që nga data 13 Shkurt dhe ka informuar Azem Sylën mbi këtë, mirëpo deri më tani nuk ka ardhur ndonjë dokument nga ai, informon për agjencinë e lajmeve “COMEZE” një punëtor i entit për migracion në Sollothurn.
Sipas informatës së mësuar nga agjencia e lajmeve “COMEZE.NET”, në vendimin e gjykatës nga Azem Syla kërkohen rreth 426.000 (katërqind e njëzetegjashtëmijë) Franga të kthehen prapa ngase ato ai kishte marrë me mashtrime nga shteti Zviceran. Kjo shumë të cilën Azem Syla mori nga shteti zviceran daton vetëm nga viti 2002- 2011, ndërsa për shumën e marrë me të padrejtë vite më parë është duke u analizuar nga Enti për ndihmë sociale.
Azem Syla kishte kërkuar azil nga Entet Zvicerane në vitin 1994 ku edhe iu pranua, por ai nuk punonte , duke marrë kështu ndihmë sociale vite me radhë. Për shkak të një atesto në të cilin vërtetohej se Azem Syla është i sëmurë psiqikisht, Ai është pensionuar para kohe si një invalid 100% dhe pa shanse shërimi.
Kjo nuk ishte e tëra ku Azem Syla mashtroj shtetin Zviceran. Në prokurorinë e Sollothurn-it ka arritur një akuzë ku Azem Syla përmes mashtrimeve ka marrë një shumë të madhe parash dhe tani kjo gjë u zbulua si një mashtrim.
Në anën tjetër, Enti për Migracion në Zvicër është duke bashkëpunuar me EULEX-in për të nxjerrë këtë shumë “Borxhesh” nga ai. Sipas Gjykatës ekziston një mundësi që prona e patundshme e Azem Sylës të cilën ai posedon në Kosovë të shitet dhe me paratë e nxjerra të paguhet ky borxh.
Gjykata nuk fajëson vetëm Azem Sylën në këtë çështje. Ajo ka fajësuar po ashtu Entin për Migracion të Sollothurn-it ngase Vazhdimi i vizës së tij në vitin 1999 nuk duhej të bëhej sepse ai posedonte një vend të punës në Kosovë si parlamentar.
Shoqata e Sigurimeve e cila ka dërguar Azem Sylën para Gjykatës për shkak të mashtrimeve ka lutur Gjykatën që të mos kthej atë për në Kosovë përderisa nuk ka përfunduar gjykimi mbi çështjen e Sigurimeve. Gjykata ka shpjeguar se vendimi i marrë për kthimin e tij për në Kosovë është i paprekshëm, ndërsa për mashtrimin e Sigurimeve do të arrihet një dëmshpërblim pas shitjes së pronës së tij në Kosovë (nëse arrihet deri tek kjo pikë). Gjykata ka shpjeguar Shoqatës së Sigurimeve se nëse nuk mund të nxjerrin paratë nga prona e patundshme e Adem Sylës në Kosovë, atëherë Shoqata e sigurimeve mund të nxjerrë paratë e saja në brendësi të shtetit pranë Entit Kryesor për sigurime në Zvicër.
EULEX-i ka kërkuar nga Enti për Migracion i Zvicrës që të nxjerrë një regjistër nga Gjykata zvicerane, ku përmes këtij regjistri do nxirreshin fakte të reja në krimet e bëra nga Azem Syla gjatë kohës së tij pranë Policisë Sekrete. (Agjencia e lajmeve “COMEZE”)

Në Shkup mbahet "Marsh për paqe"
Manifestimi "Marsh për paqe" do të mbahet sot para Guacës në Parkun e qytetit në Shkup.
Ngjarja është në organizim të Iniciativës qytetare "Së bashku për paqe", e kryesuar nga Sasho Macanovski-Trendo, Aleksandar Rusjakov, Ana Jovkovska dhe Petrit Saraçini. Ata porositin se qëllimi është promovimi i bashkëjetesës ndërsa në marsh është paralajmëruar prania e shumë artistëve, muzikantëve, intelektualëve, përfaqësuesve nga sektori joqeveritar dhe të tjerë.
Marshi është iniciuar si rezultat i incidenteve të fundit të cilët ndodhën në javën e kaluar, ku janë lënduar mbi 20 persona nga bashkësi të ndryshme etnike.
Manifestimi do të fillojë me shfaqjen e muzikantëve shumë të njohur nga Maqedonia, të cilët përmes shfaqjes masive drejtpërdrejtë do të ekzekutojnë himne të njohura paqësore botërore. Manifestimi i paqes, do të lexohet në disa gjuhë, nga ana e Sabina Ajrulla, Visar Vishka, Gorazd Cvetkovski, Esma Rexhepova, Kristina Lelovac dhe Koço Andonovski.
Pas kësaj, qytetarët e pranishëm do ta fillojnë Marshin për paqe, drejtimi i lëvizjes i të cilit do të zhvillohet prej Parkut të qytetit, përmes bulevardit "Ilindenska", ura e Goce Dellçevit, pastaj lëvizje drejt Muzeut të Holokaustit deri te Ura e gurit - simboli i bashkësisë, që pastaj përmes Kejit të qytetit, pas ndërtesës së Qeverisë, të përfundojë para Guacës në Parkun e qytetit.

Thaçi: Maqedonia shtet fashist
17-03-2012 17:11 CET

Maqedonia është një shtet artificial ndërsa maqedonasit janë bërë më fashistë se para 20 viteve. Kështu tha mbrëmë në një intervistë për ‘Ora News’, lideri i opozitës shqiptare PDSH, Menduh Thaçi.

Duke komentuar incidentet e fundit, vrasjen e dy të rinjve shqiptarë në Gostivar, rrahjen e nxënësve shqiptarë, dëmtimin e dyqaneve të shqiptarëve në Shkup, Thaçi tha se incidentet nuk janë sporadike dhe se prapa tyre qëndrojnë institucionet e shtetit.

“Vazhdoj të konstatoj se Maqedonia është një shtet artificial, një shtet eksperimental, kinse ‘multietnik’, kinse etnik e kështu me radhë. Kryeministri i tanishëm Gruevski jo pa dashje, jo mos dashje por ka një urrejtje mbi 90 përqind për shqiptarët. Maqedonasit 20 mijë herë janë më fashist se para 20 vjetëve dhe 20 mijë herë janë bërë më të fuqishëm ndaj shqiptarëve se para 20 vjetëve. Vazhdoj të them se këto nuk janë incidente sporadike dhe pas tyre incidenteve qëndrojnë institucionet e shtetit dhe ne nuk duhet të bëhemi jo serioz dhe ti apelojmë atyre institucioneve që ti zbardhin këto raste, këtu drejtësia aplikohet me selektivitet” , tha Thaçi, kryetar i PDSH-së.

Ai tha se gjithçka filloi me Enciklopedinë e Akademisë, fyerjet në tekstet shkollore, brohoritjet kundër shqiptarëve në terrene sportive.

“Në terrenet sportive kur reprezentacioni i Maqedonisë luante me Gjermaninë, fyheshin shqiptarët aty merrnin pjesë funksionarë të lartë shtetërore dhe ajo nuk ndërpriteshe, si u thash në fillim të emisionit, ashtu siç veproi Hitleri me nazistët dhe fashistët ashtu edhe këtu u vepru. Forca politike që ishte në qeverisje tanë kohën sillej me përgjumje dhe sigurisht se efekti i gjithë këtij nacionalizmi, i gjithë kësaj fryrje dhe gjithë këtij trimërimi të maqedonasve do të jetë dhuna mbi shqiptarët”, tha Thaçi.

Thaçi tha se pafuqia, mposhtja dhe përkulja e plotë e BDI-së para partnerit të koalicionit reflekton me këtë dhunë dhe me këtë trembje të shqiptarëve. Ai tha gjithashtu se shumë shpejt Maqedonia do të ndeshet me probleme tjera dhe do të jetë e detyruar që ti futet çështjes së zgjedhjeve të parakohshme ose Qeverisë së përgjithshme që ta nxjerrë vendin nga kriza.

Kreu i PDSH-së doli në mbështetje edhe të deklaratës së kryeministrit të Kosovës Hashim Thaçit, i cili ditë më parë tha se nëse preken kufijtë në Ballkan atëherë shqiptarët do të jetojnë në një shtet.

“Është shumë e drejtë deklarata e Hashimit për shkak se ju e dini se dolën disa fjalë të kota muhabete të kota, identiteti kosovar paska një gjuhë tjetër gegërishtja, idiotizma të pa tolerueshme, tash janë dy shtete por ne jemi të gjithë shqiptarë dhe ardhmëria sido që të jetë do të jetë e përbashkët. Është ëndërr historike dhe dëshirë që vjen nga zemra”, tha Thaçi.

Thaçi tha se deklarata e kryeministrit të Kosovës, Hashim Thaçi, flet për një mundësi të zhgënjimit të shqiptarëve prej rrugës së integrimeve duke shtuar se deklarata e tij ka të bëjë më tepër në një porosi shumë serioze ndaj bashkësisë ndërkombëtare. /Alsat-M/

http://www.mesazhi.com/modules/news/...oll%202012.jpg

Stamboll-Presidenti i Shqipërisë nderohet me titullin e lartë “Dr. Honoris Causa”
Presidenti i Republikës së Shqipërisë, Bamir Topi u vlerësua nga Universiteti Ajdën i Stambollit (İAÜ) me titullin "Doktor Nderi" në fushën e shkencave politike dhe marrëdhënieve ndërkombëtare.

E shtune 17 Mars 2012 22:08
Prof. Dr. Bamir Topi mori pjesë në Konferencën e Liderëve, organizuar në Stamboll nga Unioni i Universiteteve Evroaziatike (EURAS) dhe Universiteti Ajdën i Stambollit, ku mbajti një ligjëratë me temë "Transformimi i Shqipërisë dhe vendeve të Ballkanit Perëndimor në 20 vitet e fundit në drejtim të zhvillimeve ndërkombëtare dhe bashkëpunimit në fushat arsimore dhe kulturore me Shqipërinë".

Krahas Kreut të Shtetit të Shqipërisë, të pranishëm në këtë konferencë ishin Ministri i Integrimit Evropian dhe Kryenegociatori i Turqisë, Egemen Baësh, Presidenti i Bordit Administrues të Universitetit Ajdën të Stambollit, Mustafa Ajdën, Rektori i İAÜ-së, Prof. Dr. Jadigar Izmirli, akademikë dhe studentë.

Ministri i Integrimit Evropian dhe Kryenegociatori i Turqisë, Egemen Baësh, gjatë fjalimit të tij vuri theksin në miqësinë dhe vëllazërinë historike mes popullit turk dhe atij shqiptar.

"Turqit dhe shqiptarët janë vëllezër prej shekujsh, janë dy popuj në solidaritet prej qindra vjetësh dhe jemi të bindur që kjo miqësi, vëllazëri dhe mbështetje reciproke do të vazhdojë edhe përgjatë shekujve të ardhshëm. Unë, me porosinë e veçantë të Kryeministrit Rexhep Tajip Erdoan, duke zhvilluar negociatat për anëtarësimin e Turqisë me të drejta të plota në Bashkimin Evropian, përpiqem me të gjitha mundësitë që të mbështes edhe procesin e integrimit dhe anëtarësimit të Shqipërisë, Malit të Zi, Bosnjë-Hercegovinës, Serbisë dhe Kroacisë, pasi Turqia i kushton rëndësi aspiratës së drejtë të këtyre vendeve po aq sa edhe anëtarësimit tonë në BE. Sepse ne Bashkimin Evropian e vlerësojmë si një projekt paqeje. Nëse sot, brenda hapësirës gjeografike të BE-së, mund të jetojnë në paqe dhe qetësi vende që kanë luftuar për shekuj me njëri-tjetrin - si Anglia me Francën dhe Gjermania me Italinë - atëherë ky projekt paqeje, më tërësori i historisë së njerëzimit, është vërtetë me rëndësi të madhe që të përqafojë edhe të gjitha vendet e Ballkanit; ne i kushtojmë shumë rëndësi anëtarësimit të Ballkanit në Bashkimin Evropian. Por jo vetëm kaq, sepse krahas vendeve ballkanike, me anëtarësim edhe të Turqisë në Union, ky projekt kontinental paqeje do të kthehet në një projekt global paqeje", tha z. Baësh.

Ndërsa Presidenti i Shqipërisë, Bamir Topi vuri në dukje se marrëdhëniet ndërmjet Turqisë dhe Shqipërisë shkojnë përtej "miqësisë". Ai përmendi kontributin e madh të Ankarasë në procesin e anëtarësimit të Shqipërisë në NATO dhe nënvizoi se kjo mbështetje nuk do të harrohet kurrë.

Duke dhënë informacione rreth ish-regjimit 45-vjeçar komunist në Shqipëri, z. Topi sqaroi se deri 20 vite më parë Shqipëria ishte një vend politikisht dhe ekonomikisht i izoluar nga e gjithë pjesa tjetër e botës. Madje - theksoi ai - "në ato vite ishte e ndaluar të dilje jashtë kufijve të Shqipërisë dhe të praktikoje besimet fetare."

Presidenti Topi, i cili tërhoqi vëmendjes se një nga çështjet më kryesore të viteve të fundit për Shqipërinë dhe Turqinë është integrimi evropian, vijoi me këto fjalë: "Vendet, që duan ta arrijnë me sukses këtë objektivë, përpiqen me të gjitha forcat dhe përparojnë me hapa të sigurt drejt zhvillimit ekonomik të qëndrueshëm. Nëse duhet të flas për vendin tim, gjatë 20 viteve të fundit janë shënuar zhvillime të mëdha. Sot Shqipëria, ku në vitin 1990 mbisundonte regjimi totalitar, është një ndër 28 vendet anëtare të NATO-s."

Në fund të ligjëratës, Presidenti Topi, duke shprehur “interesin dhe gatishmërinë e Shqipërisë për të qenë aktive në nisma e projekte konkrete bashkëpunimi në të gjitha aspektet e bashkëpunimit kulturor e arsimor”, vlerësoi “frymën e veçantë të miqësisë historike dhe partneritetin strategjik me Turqinë, si një vend mik, me lidhje të forta historike dhe aktuale, një vend dhe një popull tek i cili kemi gjetur e gjejmë përherë një mik të madh e të sinqertë të popullit dhe të kombit shqiptar”.

Ndërkaq, gjatë ligjëratës së tij z. Topi u ballafaqua me një surprizë të studentëve shqiptarë dhe atyre turq, të cilët hapën flamujt kombëtar të Turqisë dhe Shqipërisë, duke bërë kështu që salla të shpërthente në duartrokitje.

Në përfundim të “Konferencës së Liderëve’’ Presidenti Topi iu përgjigj disa pyetjeve të studentëve të pranishëm lidhur me zhvillimet në Shqipëri, qëndrueshmërinë në rajonin ballkanik dhe efektet e krizës ekonomike në rajon.

Pas fjalimit të Presidentit të Republikës së Shqipërisë studentët e Modës pranë Universitetit Ajdën të Stambollit organizuan një sfilatë me temë "Dielli Lind nga Mali Nemrud". Në fund Prof. Dr. Bamir Topi u vlerësua me titullin "Doktor Nderi" në fushën e shkencave politike dhe marrëdhënieve ndërkombëtare./trt/

Erdogan viziton Iranin

E mërkure 28 Mars 2012 11:17

Kryeministri truk, Rexhep Tajip Erdogan ka arritur në Teheran në një vizitë dy-ditëshe gjatë së cilës, lideri turk pritet të diskutojë programin e zhvillimit bërthamor dhe situatën në Siri.
Erdogan pritet të takojë presidentin iranian, Mahmud Ahmedinexhad dhe kryetarin e parlamentit Ali Larixhani.
Erdogan iu tha mediave turke se në fokus të bisedimeve të tij me zyrtarët iranianë do të jetë situata në Siri, fqinji jugor i Turqisë.
Erdogan tha para këtij udhëtimi se rreth 17 mijë refugjatë sirianë kanë kaluar në Turqi, prandaj ai ka thënë se “ne nuk mund të jemi spektatorë”.

Erdoan: Turqia do të bëjë atë që i takon lidhur me Sirinë

E premte 30 Mars 2012 15:27
Në kthim nga vizita në Iran, Kryeministri Rexhep Tajip Erdoan, iu përgjigj pyetjeve të gazetarëve.
Lidhur me vlerësimet që janë bërë “për shtyrjen e takimit të Kryeministrit Rexhep Tajip me Presidentin e Iranit Mahmud Ahmedinexhad si një lëvizje politike të Iranit” Erdoan tha: “Një vlerësim të tillë unë e shikoj si qasje të gabuar. Pasi një njeri mund të mos jetë i disponueshëm, mund të jetë edhe i sëmurë”.
Pyetjes “A biseduat gjatë vizitës në Teheran për çështjen e Sirisë, të dërgimit të ndihmave humanitare për sirianët? Nëse ka qenë kjo pikë e agjendës së takimeve, si është qasja e Teheranit zyrtar, a është ajo pozitive? Kryeministri Erdoan iu përgjigj: “Për sa i përket çështjes së logjistikës, shikojmë që pala siriane për momentin nuk është e përshtatshme për këtë. Sepse Gjysmëhëna e Kuqe nuk ka marrë ende përgjigjet që pret nga autoritetet siriane, nuk mund të hedhë dot hapat që pret. Pasi kjo është një çështje ku haset edhe në vështirësi. Veçse lidhur me mbështetjen logjistike askush nuk e ka luksin që të thotë “Jo”. Edhe Irani nuk ka pasur, dhe nuk mund të ketë një qasje të gabuar, në veçanti në çështje të kësaj natyre”.
Kurse pyetjes “Asadi deklaroi se e ka pranuar Planin Anan. A mendoni se është i zbatueshëm ky plan?” Kryeministri Erdoan iu përgjigj me këto fjalë:
''Shikoni, për sa i përket Planit Anan me 6 pika, në fillim u tha “plani u pranua”, por që nga momenti që u deklarua kjo e deri tani vdekjet në Siri nuk kanë ndaluar. Humbjet në jetë njerëzish vazhdojnë ende. Këtu nuk është e nevojshme që të ngrihesh e të thuash që unë kam shpresa, unë pres të ndodhë diçka, kam pritshmëri në këtë apo atë drejtim. Sepse në Siri vazhdon vrasja e njerëzve. Duke qenë se për momentin gjendemi përballë një tabloje të tillë, unë personalisht nuk ushqej ende ndonjë shpresë”.
Z.Kofi Anan thirri në telefon për të biseduar. Në fakt do ta kishim realizuar dje këtë bisedë telefonike, por u vendos për nesër. Nesër do të bisedoj me Ananin. Të shikojmë se si është situata pas vizitës në Kinë dhe cilat janë vlerësimet, komentet e tij për momentin? Ne e ftuam të marrë pjesë në mbledhjen Miqtë e Sirisë që do të zhvillohet në 1 prill në Stamboll dhe i komunikuam që dëshirën tonë për të parë në këtë takim si Sekretarin e Përgjithshëm të OKB-së, ashtu edhe Kofi Anan. Numri i vendeve që kanë konfirmuar pjesëmarrjen është 71. Ky numër vazhdon të rritet. Takimin do ta realizojmë ditën e diel”.
I pyetur për takimin që pati me liderin fetar të Iranit, Ajetullah Ali Hamanej, Kryeministri Erdoan, tha se në këtë takim ai kishte vënë në dukje pritshmëritë e tij lidhur me hapat që duhen hedhur ndërmjet Turqisë dhe Iranit, ku kishte nënvizuar se këta hapa duhet të jetë të fuqishëm dhe të pasur.
Hamanej kërkoi që ndaj Sirisë të ndërmerret një hap në solidaritet. Një kërkesë e ngjashme na ka ardhur edhe nga Presidenti i Rusisë, Dimitrij Medvedev, tha Erdoan.
Kryeministri Erdoan tha ndër të tjera se Medvedevi kërkon që Rusia-Turqia dhe Irani të bëjnë diçka së bashku në lidhje me Sirinë.
"Ka hapa që duhen hedhur nga ne si Turqi. Nuk ka dyshim që ne do të bëjmë atë që na takon lidhur me këtë çështje. Pasi edhe takimi që do të mbahet ditën e diel përbën njërën prej dimensioneve të këtyre hapave”, sqaroi Erdoan./trt/

[Neferta]

Energjia, serbët e EFT-së
fituan linjën me Malin e Zi
PDF- Ja dokumenti
Linjat e energjisë së lirë nga Italia
Grupi energjitiko-financiar serb EFT, i përfolur javët e fundit për linjën e energjisë me Kosovën, më pak se një vit më parë ndërtoi linjën e interkonjeksionit mes Shqipërisë dhe Malit të Zi, me vlerë prej 43 milionë eurosh, po financim i bankës gjermane KfW, sipas vetë dokumenteve të grupit të prezantuara në Beograd. ( ne foto faksimile e shpalljes se rezultatit fitues, dhe Vuk Hamoviç, drejtues i EFT)

http://www.botasot.info/reklama/2012..._Erdogan_1.jpg

Krasniqi-Erdogan: Angazhim më të madh për të investuar në Kosovë
Kryetari i Kuvendit të Kosovës, Jakup Krasniqi, i cili në krye të një delegacioni parlamentar po qëndron për vizitë zyrtare në Republikën e Turqisë, u takua sot me kryeministrin e Turqisë, z. Recep Tayyip ERDOĞAN, i shoqëruar nga nënkryetari i Kuvendit: Enis Kervan dhe nga deputetët Nait Hasani dhe Alma Lama.
Kryetari Krasniqi në fillim të takimit i bëri një vështrim të gjerë zhvillimeve aktuale në Kosovë, sidomos të arriturave që ka bërë Kosova pas shpalljes së pavarësisë. Në vijim kryekuvendari Krasniqi foli për punën që bëhet në fushën e legjislacionit sipas standardeve evropiane, si dhe për ndërtimin e institucioneve demokratike në Kosovë. Ai foli edhe për hapat që po bën Kosova në aktivitetet ndërkombëtare, si fryt i të cilave është njohja e Kosovës nga ana e 90 shteteve nga bota.

Kreu i Kuvendit i bëri një vështrim edhe çështjes së veriut, ku grupe kriminale serbe me veprimet e tyre, reflektojnë negativisht në situatën në këtë pjesë të vendit.
Kryeministri i Turqisë, z. Recep Tayyip ERDOĞAN, në fjalën e tij theksoi se Turqia do të vazhdojë të përkrahë Kosovën në të gjithë lëmenjtë. Në këtë takim një rëndësi e veçantë iu kushtua edhe bashkëpunimit ekonomik ndërmjet Kosovës dhe Turqisë. Z. ERDOĞAN, në këtë aspekt theksoi se është i nevojshëm një angazhim edhe më i madh i afaristëve nga Turqia për të investuar në Kosovë, si një parakusht thelbësor për zhvillimin e mëtejmë të Kosovës. Po kështu, kryeministri turk foli edhe për interesimin e Turqisë për të investuar edhe në lëmin e sistemit arsimor në Kosovë.
Të dy bashkëbiseduesit ishin unik në konstatimin se Kosova stabile është në interes të rajonit. Turqia, theksoi kryeministri Recep Tayyip ERDOĞAN, do të jetë lobuese e denjë në aspektin e ndikimit te shtetet e ndryshme të botës që ta njohin pavarësinë e Kosovës. Basshkëbiseduesit shprehën gatishmërinë për thellimin e mëtejmë të marrëdhënieve ndërmjet dy vendeve mike.
Me këtë takim delegacioni parlamentar i Kosovës, i kryesuar nga kryetari i Kuvendit të Kosovës, Jakup Krasniqi, përfundoi takimet zyrtare me krerët më të lartë të Turqisë.U bë e njohur nga faqja zytare e Kuvendit.BS

[Arb]

Interesant keta kriminelet politikane, shpesh po ia msyjne te magjupet Turqe..

Athu s'po don kush me i pa ne Europe a?

[Neferta]

Të premten në ora 13:30 organizohet protestë, kundër keqtrajtimeve që iu bëhen shqiptarëve në Maqedoni. Protestat thuhet në paralajmërim, do të mbahen në çdo shesh të qyteteve shqiptare duke filluar nga Kumanova, Shkupi, Tetova, Gostivari, Kërçova, Dibra dhe Struga. Organizatorë, thuhet në moton e protestës, është vetë populli, pa prapavijë politike. Në apel thuhet se janë të lodhur nga gënjeshtrat dhe manipulimet e partive politike, ndaj edhe kanë vendosur që protestat t’i zhvillojnë pa përkrahjen e asnjërës prej tyre.
http://www.youtube.com/watch?v=SmqmO...layer_embedded