Lajme Aktuale....

[Lona]

Model slloven për bursën energjetike

Këmbimi i përvojave nga mënyra e funksionimit të Operatorit slloven në tregun e energjisë elektrike BORZEN dhe Bursës së Tregtisë me Energji Elektrike South Pool (BSP) është qëllimi kryesor i vizitës së ekipit të ekspertëve të Sistemit elektro-transmetues të Maqedonisë MEPSO në këto institucione sllovene.

Gjatë prezantimit në BORZEN ekspertët e MEPSO-s mund të njoftohen me mënyrën e planifikimit të tregut të energjisë elektrike nga ana e market operatorit slloven, si dhe me mënyrën e dërgesës së energjisë elektrike dhe balancimit.

Siç theksoi Andrazh Shavli, udhëheqës i Sektorit për organizimin e tregtisë në BORZEN, Sllovenia filloi me organizimin e bursës së energjisë elektrike në vitin 2001 në kohën e parë me tregtimin e vazhdueshëm, ndërsa nga viti 2008 edhe me tregtimin me ankand sipas parimit një ditë përpara.
"Prej nesër fillojmë me tregtimin sipas parimit 'gjatë ditës' që do të jetë përvojë e re për ne", tha Shvali.

Theksoi se fillimisht bursa sllovene ka punuar dobët, ndërsa nga viti 2008 kur e ka ndryshuar pronësinë dhe kur 50 për qind e pronësisë i ka takuar Bursës së Italisë për shitjen e energjisë elektrike shënon rritje të vazhduar. Rekomandim edhe i drejtorit të përgjithshëm të Bursës së Sllovenisë BSP, Gorazd Azhman është që të gjendet partner i huaj i cili ka bursë të zhvilluar të energjisë elektrke që të barten përvojat. "Maqedonia është në fillim të zhvillimit të bursës për shitjen e energjisë elektrike dhe do të ishte mirë të gjejë partner i cili mund t'ia bart përvojat. Ana e keqe është se në rrethimin tuaj praktikisht nuk ka bursë të zhvilluar me përjashtim të Greqisë në të cilën ka ndonjë mënyrë të funksionimit të shitjes së energjisë si bursë", tha Azhman.

[Lona]

Lindsay: Beogradi të zgjedhë – Evropa apo Kosova

Beograd, 15 tetor - Serbia në periudhën e ardhshme duhet të zgjedhë midis Bashkimit Evropian dhe Kosovës, thotë për gazetën “Danas” të Beogradit, James Ker Linsday, hulumtues i politikës në Evropën Juglindore të Shkollës Londineze të Ekonomisë.

Lindsay thekson se kryeministri i Serbisë, Ivica Dacic sidomos është i shqetësuar me dispozitën në raportin e Komisionit Evropian për progresin e Serbisë për integritetin territorial të Kosovës, sepse kohë më parë ka deklaruar se ndarja e Kosovës është zgjidhja më e mirë, transmeton Qik.

Sipas fjalëve të tij, qëndrimi për integritetin territorial të Kosovës i bashkon të gjitha shtetet anëtare të BE-së.

Lindsay konsideron se ndarja e Kosovës është rezultat i cili gjithnjë e më vështirë mund të parashihet.

Ai thotë se Kosova është prioritet kyç, i cili do të formësojë raportet e Serbisë me BE-në, duke shtuar se “nuk ekziston shansi që Serbia tani mund të shmangë këtë fakt të pakëndshëm”.


Dialogu Kosovë –Serbi në dhjetor?

Bruksel, 16 tetor - Serbia nuk do të heq dorë nga vazhdimi i dialogut me Prishtinën dhe nga procesi i mëtejmë i integrimeve evropiane, pavarësisht mesazheve të qarta nga Brukseli se formulimi ‘kontestues” për “respektimin integritetit tokësor të Kosovës” mbetet në Strategjinë e shtrirjes, shkruan gazeta “Vecernje Novosti” duke i’u referuar burimeve në Qeveri.

Sipas gazetës, edhe pse kanë ndodhur zhurmimet në lidhjet midis dy partnerëve të koalicionit në Qeveri – përparimtarëve të Vucicit dhe socialistëve të Dacicit–rreth raportit të mëtejmë të shtetit ndaj BE, po i afrohet fundit hartimi i Platformës për Kosovën dhe po formohet ekipi i ardhshëm negociues të cilin, sipas të gjitha gjasave do ta drejtojë kryeministri Ivica Dacic.

Por, siç merr vesh RTK, në negociata do të marrë pjesë aktive edhe nënkryeministri i parë, Aleksandar Vucic dhe disa ministra tjerë. Mirëpo, nuk përjashtohet mundësia që ekipin serb ta udhëheqë presidenti Nikolic, i cili thotë se nëse këtë do ta kërkojë Qeveria nga ai do ta pranojë pa telashe.

Paralel me këtë, thonë qeveritarët serb, shteti do ta vazhdojë betejën që “integriteti i Kosovës” të hiqet nga Strategjia e BE ose të paktën të mos paraqitet në dokumentet e ardhshme të Brukselit mbi Serbinë.

Prandaj, zyrtarët serb e kanë nisur fushatën e madhe të lobimit që të hiqet ky formulim, dhe kushti për normalizimin e raporteve me Prishtinën të definohet sa më butë. Sikurse merr vesh gazeta “Vecernje Novosti”, Beogradi dhe Prishtina do të mund ta ripërtërinin dialogun brenda një muaji. Respektivisht ideja është që bisedimet të nisin më së voni në fillim të dhjetorit para takimit të shefave të shteteve dhe qeverive të BE në Këshillin e Evropës, më 13 dhjetor.

Javët e ardhshme, si paralajmëron edhe presidenti Nikolic, do të definohet Platforma për Kosovën, e cila, sipas fjalëve të shefit të zyrës së Qeverisë për Integrime Evropiane, Milan Pajevic, do t’i marrë parasysh edhe dokumentet e sapo publikuara të Brukselit dhe kërkesat që shtrohen para Serbisë.

Të hënën janë “zbutur” edhe mosmarrëveshjet që u shkaktuan në relacionin Partia Përparimtare dhe ajo Socialiste pas deklaratës së Ivica Dacicit se “Serbinë nuk po e lëshojnë në BE pikërisht ata që kanë bërë krime mbi serbët”, duke aluduar në Gjermaninë si humbëse e dy luftërave botërore.

Zëvendëskryeministri Vucic (vlerësohet si shumë i afërt me Qeverinë gjermane) ka rekomanduar se ka biseduar me Dacic, se i kanë sqaruar të gjitha mospajtimet dhe se kryeministri i ka thënë se qëllimi i tij “rreth fjalëve që i janë transmetuar apo folur” kanë qenë tjera.

Kurse vet Dacic gjithë transkriptin e fjalimit të tij të së dielës nga komemoracioni ku është shënuar një masakër e kryer nga forcat hitleriane në Luftën e Dytë Botërore, ia ka dorëzuar mbrëmë personalisht ambasadorit gjerman.

[Lona]

Hagë: I akuzuari Karaxhiq e fillon mbrojtjen e tij

Hagë, 16 tetor - Ish lideri politik i serbëve të Bosnjës gjatë luftës, Radovan Karaxhiq, parashihet që sot do ta filloj mbrojtjen e tij ndaj akuzave për gjenocid dhe mizori të tjera në Gjykatën për Krime të Luftës në Hagë.

Radovan Karaxhiq, i akuzuar për gjenocid lidhur me masakrën e afro 8 mijë burrave dhe djemve myslimanë në Srebrenicë, në korrik të vitit 1995, thotë se nuk është fajtor lidhur me akuzat.

Procesi gjyqësor kundër tij në Gjykatën e Hagës ka filluar në vitin 2009.

Tashmë gjykata e ka hedhur poshtë një kërkesë të tij për proces të ri.

Karaxhiqi ishte arrestuar në vitin 2008, 13 vite prej se së pari ishte akuzuar për orkestrimin e mizorive serbe gjatë luftës në periudhën 1992-95 në Bosnjë Hercegovinë.


SHBA: Clinton thotë se ajo ishte përgjegjëse për Bengazi

Sekretarja amerikane e shtetit, Hillary Clinton, e ka pranuar fajësinë për dështimin e sigurisë, që ka çuar në sulmin kundër misionit diplomatik të Shteteve të Bashkuara në Bengazi të Libisë dhe vrasjen e katër amerikanëve, përfshirë edhe ambasadorin amerikan në Libi.

Në një intervistë për rrjetin televiziv CNN, ajo tha se siguria për diplomatët amerikanë tejoqeanit është përgjegjësi e saj.

Zonja Clinton theksoi se presidenti Barack Obama dhe zëvendëspresidenti Joe Biden, nuk kanë qenë të involvuar në vendimet për çështje të sigurisë të ndërlidhura me konsullatën në Bengazi.


Angli, shpresë për 14-vjeçaren pakistaneze

Birmingham, 16 tetor - Mjekët në spitalin britanik ku po kurohet 14-vjeçarja Malala Yousafzai, e cila u qëllua me armë nga talebanët, thonë se kanë shpresë se ajo mund të përmirësohet.

Vajzës pakistaneze, që mbërriti në Birmingam ditën e hënë, iu hoq një plumb nga kafka javën e kaluar.

Drejtori i spitalit, doktor David Rosser deklaroi se disa kolegë britanikë që kanë qenë në Pakistan besojnë se ajo ka shanse serioze për një rekuperim të mirë.

Malala Yousafzai u dërgua nga Pakistani përmes Emirateve të Bashkuara Arabe me një aeroambulancë rreth një javë pasi ajo dhe dy moshatare u sulmuan teksa ktheheshin në shtëpi nga shkolla në provincën e Mingorës, në Luginën e Suotit.

Talebanët deklaruan se e kishin qëlluar atë sepse “kishte promovuar kundërlaicizmin”.


Teherani nuk do negociata, pavarësisht sanksioneve të reja

Teheran, 16 tetor - Ministria e Jashtme e Iranit bëri të ditur sot se sanksionet e reja të Bashkimit Evropian ndaj Iranit nuk do ta detyrojnë Teheranin që tu rikthehet negociatave me fuqitë botërore, rreth programit të tij bërthamor.

Zëdhënësi i Ministrisë së Jashtme, Ramin Mehmanparast tha sot se masat e reja nuk do ta ndalojnë Iranin nga krijimi i karburantit bërthamor.

Ai i quajti sanksionet “të jashtëligjshme, të pamatura dhe jo njerëzore”.

Të hënën Bashkimi Evropian ndaloi importin e gazit natyror nga Irani dhe vendosi sanskione të reja në marrëveshjet financiare dhe tregtare.



Lukashenka i ofron Rusisë rafineritë e naftës, në këmbim të gazit

Moskë, 16 tetor - Presidenti i Bjellorusisë, Alyaksandr Lukashenka tha sot se vendi i tij është i gatshëm që t’ia shesë rafineritë e naftës Rusisë, me kusht që ta fitojë të drejtën që tu bashkohet projekteve të nxjerrjes së gazit natyror në Rusi.

Bjellorusia i ka dy rafineri të naftës dhe kompanitë ruse kanë treguar interes në blerjen e tyre, veçanërisht rafinerinë e Mozyrit, e cila ka kapacitet që të përpunojë rreth 95 mijë fuçi në ditë.

Lukashenka tha se marrëveshja mund të arrihet, por Bjellorusia dëshiron të drejta, që të ndihmojë në zhvillimin e fushave të gazit në Rusi.

[Lona]

Turqia ndalon dhe liron avionin armen

Ankara, 15 tetor - Autoritetet turke i kanë lejuar një avioni armen të vazhdojë udhëtimin për në Siri, pasi e kanë urdhëruar të aterojë në lindje të Turqisë.

Aeroplani udhëtonte drejt qytetit Alepo, ku ndodhet komuniteti më i madh armen në Siri.

Ankaraja, me pajtimin e autoriteteve armene, ka kontrolluar ndihmat humanitare që bartte aeroplani.

Turqia ka shtuar përpjekjet për të ndaluar shfrytëzimin e hapësirës së saj ajrore për të furnizuar regjimin sirian me armë.

Javën e kaluar, ajo ka ndaluar një avion nga Moska, për të cilin ka thënë se ka bartur municion për ushtrinë e presidentit sirian, Bashar al-Assad.


Zjarr në aeroplan në aeroportin e Antalyas

Antalya, Në kokën e aeroplanit të kompanisë Corendon Airlines, në aeroportin e Antalyas, derisa priste për tu ngjitur në ajër, shpërtheu një zjarr dhe me këtë rast u plagosën 28 persona, por nuk pati viktima me fatalitet. Gjatë evakuimit u plagosën më rëndë tre persona kurse edhe 25 të tjerë përfunduan në spital për shkak të helmimit me tym, por shumica e tyre u lëshuan për trajtim shtëpiak, njoftoi agjencia turke e lajmeve Anadollya.

Ky aeroplan i udhëtarëve është dashur të fluturojë për në Norvegji, dhe si u paralajmërua, udhëtarë të cilët nuk do të mbahen për trajtim në spital nesër do të fluturojnë për në Norvegji.


Ndërron jetë ish-mbreti i Kamboxhias

Ish-mbreti i Kamboxhias, Norodom Sihanouk ka ndërruar sot jetë në moshën 89 vjeçare.

Sihanouk u lind gjatë kohës së sundimit të kolonializmit francez dhe kishte bërë fushatë në vitin 1953 për pavarësimin e Kamboxhias.

Princi Sisowath Thomico, një anëtar i familjes mbretërore, i cili ishte njëkohësisht asistent i Sihanoukut, tha se mbreti kishte pësuar një sulm në zemër në një spital të Pekinit, ku kishte shkuar për trajtim mjekësor.

Sihanouk ishte një figurë e rëndësishme e politikës së vendit të tij për më shumë se 60 vjet.

Ai ishte mbret i Kamboxhias nga viti 1941 deri në vitin 1955 dhe pastaj më vonë edhe nga viti 1993 deri në vitin 2004, kur edhe hoqi dorë për shkak të shëndetit të dobët.

Ai ishte figurë e rëndësishme gjatë rezistencës së viteve 1975-79, kundër Khmer Rouge, kur u vranë më shumë se 2 milion njerëz.


Shtyhet sërish gjykimi kundër Timoshenkos

Kiev, 15 tetor - Një gjykatë në Kharkiv, në perëndim të Ukrainës, njoftoi sot se është shtyrë sërish gjykimi për shmangie nga tatimi i Julia Timoshenkos, ish-kryeministres së burgosur të Ukrainës.

Timoshenko tashmë është duke e vuajtur një dënim shtatë vjeçar për abuzim të detyrës, për të cilin fuqitë perëndimore thonë se është i motivuar politikisht nga kundërshtarët e saj.

Avokati i saj, Serhiy Vlasenko tha sot se Timoshenko nuk mund të paraqitet në seancën dëgjimore për shkak të gjendjes shëndetësore dhe se ajo nuk mund të ecë vetëm.

Gjykatësi Konstyantyn Sadovskyy e shtyu seancën për 13 nëntor.

[Lona]

hqiptari e ndihmon Maqedoninë në fitoren kundër Serbisë

Reprezentacioni i Maqedonisë fitoi ndaj Sërbisë me rezultat 1 – 0, golashënues kush tjetër përpos Agim Ibrahimit, i cili për momentin është në formën më të mirë të tijë. Edhe njëherë ai ishte lojtari më i mirë në fushë ashtu siç ishte edhe kundër Kroacisë.
Mirëpo kësaj rradhe atë e ndihmoi edhe një futbollistë tjetër Shqiptarë, Ferhan Hasani i cili tregoi lojë të shkëlqyeshme në këtë ndeshje ku bashkë me Ibrahimin ishin më meritorët për fitoren e Maqedonisë.
Në një aksion të bukur Agim Ibrahimi asiston Bubën i cili pengohet nga një lojtar sërb dhe gjyqtari akordon penalti. Nga pika e bardhë i sakt ishte Agim Ibrahimi. Një lojë e mirë në këtë ndeshje ka treguar edhe Muhamed Demiri.

[Lona]

Fajon: Rikthimi i vizave, goditje vizionit evropian të Ballkanit

Bruksel, 17 tetor - Eurodeputetja sllovene, Tanja Fajon, ka kërkuar përmes një letre që të mos kthehet regjimi i vizave për shtetet e Ballkanit Perëndimor.
Ajo konsideron se veprimi i tillë do të përbënte hap të madh në prapakthim në reintegrimin e shteteve-aspirantë, si dhe sulm të madh ndaj vizionit evropian të qytetarëve në këtë rajon.
“Numri i azilkërkuesve është i lartë, por situata nuk është dhe aq brengosëse sa e paraqesin disa dhe nuk është e pamundur të mos kontrollohet. Duhet të bëjmë gjithçka është në fuqinë tonë që liberalizimi i vizave të mos ndërpritet”, ka shkruar Fajon.



"Branitellat" në seancë plenare më 29 tetor

Shkup, 17 tetor - Projektligji i “branitellave”, i propozuar tani në procedurë të shkurtuar, do të shqyrtohet në seancë plenare më 29 tetor, e hënë, ku në rend dite është edhe Progres-Raporti i KE-së dhe interpelanca për kryetarin e Komisionit Rregullator të Energjetikës.
Deputetët duhet të japin dritën e gjelbër për këtë projektligj dhe të kalojë menjëherë në fazën e dytë, në atë të shqyrtimit të amendamenteve në Komisionin e Punës dhe Politikës Sociale.
Grupi Parlamentar i Bashkimit Demokratik për Integrim (BDI) ka paralajmëruar se do të propozojë një mal amendamentesh, për të bllokuar sërish këtë nismë ligjore të papranueshme për politikën shqiptare.
VMRO-DPMNE ka apeluar ndërkaq që partitë shqiptare të lënë mënjanë emocionet dhe të votojnë ligjin, sepse sipas saj, ai nuk është i drejtuar kundër askujt.
Funksionarë të lartë të VMRO-DPMNE-së kanë deklaruar ditë më parë për Agjencinë e Lajmeve “Zhurnal” se rekomandimet e Komisionit Evropian të mbërthyera në Progres-Raportin, për zgjidhje të përbashkët të çështjes së viktimave të vitit 2001, nuk kanë të bëjnë me palën në konflikt por me kategori tjetër qytetarësh, duke aluduar në viktimat civilë.

[Lona]

Liderë të opozitës ruse ndiqen penalisht

Moskë, 17 tetor - Komiteti Hetues i Rusisë ka hapur një rast penal kundër liderit të Frontit Majtist, Sergei Udaltsov, dhe disa liderëve të tjerë të opozitës.

Zëdhënësi i Komitetit Hetues, Vladimir Markin, ka thënë se rasti ka të bëjë me filmin e quajtur “Anatomia e një proteste – 2” dhe akuzat për përgatitjen e trazirave masive.

Disa nga opozitarët tjerë të akuzuar janë Leonid Razvozzhaev dhe Konstantin Lebedev.

Javën e kaluar, televizioni rus NTV ka transmetuar filmin, duke pretenduar se Udaltsov është takuar me zyrtarë nga Gjeorgjia për të planifikuar trazira në Moskë.

Udaltsov i hedh poshtë këto akuza.


Qeveria apelon vendimin gjyqësor ndaj Olmertit

Ministria e Drejtësisë e Izraelit ka njoftuar se prokurori shtetëror do ta apelojë vendimin gjyqësor ndaj ish-kryeministrit Ehud Olmert, i cili akuzohej për korrupsion.

Ky veprim mund të rrënojë planet e Olmertit për rikthimin në politikë. Akuzat për korrupsion e kamë detyurar atë të largohet nga zyra, duke i hapur rrugën për zgjedhjen e Benjamin Netanyahut në shkurt të vitit 2009.

Në korrik, Olmert u lirua nga akuzat e rënda kundër tij, por u dënua se ka ndihmuar çuarjen e kontratave qeveritare te bashkëpunëtorët e një shoku.

Nën këtë akuzë ai është dënuar ne kusht dhe një gjobë. Asnjëri dënim nuk do të mund ta ndalonte atë nga kandidimi i sërishëm.

Mbështetësit e Olmertit janë duke i bërë presion atij që të kandidojë në zgjedhjet e 22 janarit kundër kryeministrit Benjamin Netanyahu, nga blloku i krahut të djathtë, Likud.

[Lona]

Karaxhiq: Meritoj shpërblim, jo gjykim

Srebrenicë, 17 tetor - Ish-lideri politik i serbëve të Bosnjës, Radovan Karaxhiq, ka nisur mbrojtjen para gjykatës ndërkombëtare për krime lufte, duke mohuar të gjitha akuzat për krime kundër tij.

Karaxhiqi përballet me dhjetë akuza për gjenocid, krime lufte dhe krime kundër njerëzimit gjatë luftës në Bosnjë më 1992-1995.

Njëra nga akuzat ka të bëjë me masakrën e vitit 1995 në Srebrenicë, në të cilën forcat serbe të Bosnjës kanë vrarë rreth 8,000 burra dhe djem myslimanë.

“Kurrë nuk kam lejuar as mundësinë që të ndodhë mizoria më e vogël, e lëre më ndonjë mizori në shkallë masive. Unë nuk e kam bërë dhe as dikush që njoh unë”, ka thënë Karaxhiq para gjykatës.

Prokurorët në Tribunalin Ndërkombëtar për ish-Jugosllavinë kanë akuzuar Karaxhiqin edhe për bombardimin e Sarajevës, në kohën kur kryeqyteti boshnjak ishte nën rrethimin e forcave serbe.

Por, Karaxhiqi i ka thënë gjykatës se ai duhet vlerësuar për përpjekjet e tij për të promovuar paqen.

“Në vend se të akuzohem për atë që ka ndodhur gjatë luftës civile, unë duhet të shpërblehem dhe ja pse: kam bërë gjithçka të mundur, gjithçka që është në fuqinë e njeriut për të shmangur luftën”, ka thënë Karaxhiq.

Procesi gjyqësor kundër tij ka nisur në vitin 2009.

Ai mbrohet vetë, ndërsa gjykatës i ka thënë se ka qenë “njeri i butë, tolerant dhe me kapacitet të madh për të kuptuar të tjerët”.

Karaxhiqi është arrestuar në vitin 2008, 13 vjet pas ngritjes së akuzave të para kundër tij për orkestrimin e mizorive në Bosnjë.

Në muajin shtator, gjykata ka refuzuar kërkesën e tij për një proces të ri gjykimi.

Karaxhiqi ka kërkuar atë, duke akuzuar prokurorët se janë vonuar në paraqitjen e dëshmive që do të ishin në favor të mbrojtjes së tij.


Gjatë përleshjeve, vriten tre ushtarë turq dhe tre kurdë

Hakkari, 17 tetor - Militantët kurdë kanë sulmuar gjatë natës postet ushtarake në juglindje të Turqisë, duke vrarë tre ushtarë turq.

Agjencia turke e lajmeve Anatolia njofton se gjatë përleshjeve kanë mbetur të vrarë edhe tre rebelë kurdë.

Të armatosur me mortaja dhe pushkë, pjesëtarët e Partisë së Punës së Kurdistanit filluan bastisjet në Cukurca, në provincën Hakkari, një zonë malore në mes të kufirit iraniano-irakian, njoftojnë burimet e agjencisë së lajmeve, Reuters.

Ata thonë se ushtria turke ishte duke kërkuar për militantë në rajonin e kufirit turko-irakian.

Ky grupacion konsiderohet si grup terrorist nga Turqia, Shtetet e Bashkuara të Amerikës dhe Bashkimi Evropian.

[Lona]

Turqia kërkon nga Siria armëpushim gjatë festës

Ankara, 19 Tetor - Ministri i Jashtëm i Turqisë, Ahmet Davutoglu ka bërë thirrje për një armëpushim gjatë festës myslimane.

Ai u ka bërë thirrje sot forcave siriane, ashtu edhe atyre rebele, që t`i japin fund armiqësive “të paktën” gjatë festës katër ditore të Eid al-Adha, e cila fillon më 26 tetor.

Davutoglu tha se palët duhet të shikojnë mundësinë e një zgjidhje të përhershme për paqe, që do të zgjaste edhe pas festës.

Edhe i dërguari ndërkombëtar i Kombeve të Bashkuara për Sirinë, Lakhdar Brahimi tha se ai do të udhëtojë shumë shpejt për në Damask, për të diskutuar rreth zbatimit të një armëpushimi ndërmjet qeverisë së Bashar Assadit dhe rebelëve.

Brahimi tha se armëpushimi ka gjasë të fillojë më 26 tetor, kur nisë festa myslimane.


Mafia serbe e teta, ajo shqiptare e nënta

Mafia serbe radhitet si grupi i tetë më i fuqishëm mafioz në botë. Kështu pohon Interpoli, lista jopopullore e të cilit përpilohet sipas kritereve që ndërlidhen me ndikimin që kanë grupet e caktuara mafioze në krimin e organizuar, vrasje, tregti me narkotikë e armë, plaçkitje, etj. shkruan portali i gazetë kroate ‘Vecernji List’.

Mafia serbe, e cila udhëhiqet nga Klani tashmë i njohur botërisht i Zemunit, ka depërtuar në mesin e dhjetë grupeve më të fuqishme kriminale botërore për shkak se operon në dhjetëra shtete, dhe për shkak se në listat e Interpolit gjenden 350 pjesëtarë të saj.

Por, përkundër një numri mjaft të madh të pjesëtarëve të mafisë në shtetet ballkanike, këto shifra duken si lojë fëmijësh krahasuar me numrin e pjesëtarëve të mafisë bindshëm më të fuqishme në botë, që është ajo ruse. Mafia ruse numëron mbi gjysmë milion pjesëtarë, dhe kontrollon afro 70 përqind të ekonomisë ruse.

E dyta radhitet mafia italiane, me një “fitim” vjetor prej 100 miliardë eurosh, ndërkohë që në vendin e tretë të listës së Interpolit radhitet narko-karteli kolumbian. Krahas tregtimit me imigrantë ilegalë, edhe tregtia me kokainë del të jetë një ‘biznes’ fitimprurës për mafinë kineze - e cila supozohet se mban një të tretën e tregut të kokainës në botë - duke u radhitur kështu e katërta në listë.

Paralelisht, falë kontrollit të prostitucionit, pornografisë dhe lojërave të fatit, jakuzat japoneze, me afro 110,000 pjesëtarë, duket se me “meritë” e mbajnë vendin e pestë në listën e Interpolit. Vendi i gjashtë në listë është i rezervuar për mafinë meksikane, e cila pasohet nga mafia izraelite, që radhitet e shtata.

Në vendin e nëntë ndërkaq radhitet mafia shqiptare, specialitete të së cilës janë tregtia me narkotikë, armatim dhe me njerëz, pohon gazeta. Nënvizohet se pjesëtarët e saj e respektojnë kodeksin e tyre, të vjetër gjashtë shekujt.

Top-dhjetëshin e grupeve famëkeqe kriminale e përmbyll mafia e Xhamajkës, e cila këtë pozitë e siguroi falë vrasjeve tejet brutale dhe tregtisë me drogë.

[Lona]

Ahmadinejxhadit i refuzohet kërkesa për vizitë në burgun Evin

Teheran, 22 tetor - Presidentit të Iranit, Mahmud Ahmadinejxhadit, në vazhdimësi i është refuzuar leja për të vizituar burgun famëkeq të Teheranit, Evin.

Agjencia iraniane e lajmeve njoftoi se presidenti iranian kishte bërë kërkesë që ta vizitonte ndihmësin e tij, Ali Akbar Javanfekr, i cili është duke e mbajtur dënimin e tij prej gjashtë muajsh burgim, për publikimin e një artikulli që e fyente liderin suprem të vendit, Ayatollah Ali Khamenei.

Gjyqësori iranian e ka refuzuar kërkesën e Ahmadinejxhadit, duke dhënë shpjegimin se presidenti duhet të përballet me çështje më të mëdha, sikurse kriza ekonomike, sesa të bëjë vizita në burgje.


Riker: Ballkani Perëndimor në krye të prioriteteve të Obamës

Ballkani Perëndimor është në krye të listës së presidentit amerikan Barak Obama, deklaroi ndihmëssekretari shtetëror amerikan, Filip Riker.

Ai për gazetën e Sarajevës "Dnevni avaz" theksoi se vendi i tij për të gjitha çështjet për këtë rajon ka bashkëpunim të afërt me miqtë evropianë.

"SHBA beson se e ardhmja e rajonit është në integrimet evropiane dhe euroatlantike, me ç'rast një vend, i cili do ta zgjedh rrugën e integrimit nuk guxon të lihet anash", theksoi ndihmësi i Hillari Klinton. Ballkani Perëndimor për këtë gjë, shtoi Riker, ka të ardhme të ndritur.

Duke folur për zgjedhjet lokale në BeH ai theksoi se në qendër të vëmendjes në SHBA ka qenë procesi zgjedhor në Srebrenicë.

"Njeriu i parë i Srebrenicës duhet të punojë për të gjithë bashkësinë që ta promovojë pajtimin, që është temë mjaft e rëndësishme për rajonin e Ballkanit", vlerëson Riker.

"Presim se do ta inkurajojë kthimin e refugjatëve, do të mundësojë siguri për të gjithë qytetarët dhe do të fokusohet në sfidat ekonomike në Srebrenicë", shtoi Riker.


SHBA e hapur për negociata me Iranin

Washington, 24 tetor - Shtëpia e Bardhë tha se presidenti Barack Obama është i hapur për të zhvilluar bisedime dypalëshe me Iranin në lidhje me programin bërthamor të Republikës Islamike, por se negociata të tilla nuk janë planifikuar aktualisht.

Zëdhënësi Jay Carney tha të martën se administrata Obama është “e hapur për negociatat nëse edhe iranianët janë serioze në lidhje me zhvillimin e negociatave.”

Edhe SHBA-ja, edhe Irani kanë mohuar më herët një raport të “New York Times”, i cili thoshte se Shtetet e Bashkuara dhe Irani kanë rënë dakord në parim për negociatat.

Gjatë debatit të fundit presidencial Obama tha se ai për një kohë të gjatë ia ka ofruar Iranit mundësinë e diskutimeve dypalëshe.

Obama tha gjithashtu se SHBA-të mbështesin sanksionet ndërkombëtare, që tashmë kanë nisur të japin efektin e tyre, duke goditur ekonominë iraniane.

[Lona]

Pak: BE s'ka instrumente për kthimin e vizave

Bruksel, 23 tetor - Raportuesja në Parlamentin Evropian (PE) për Bosnjë e Hercegovinën, Doris Pak deklaroi se Bashkimi Evropian (BE) nuk ka instrumente në bazë të së cilës do të mund të kthente regjimin e vizave për vende si Bosnja apo Serbia.

“Sigurisht është se kërkesat e tilla të disa vendeve nga BE-ja do të mund të kenë lidhje me situatën politike në disa shtete të Ballkanit”, thekson Pak.

Eurodeputeti dhe politikani austriak me përvojë Hanes Svoboda paraprakisht vlerësoi se vendosja eventuale e regjimit të vizave për Ballkanin perëndimor do të ishte hap mbrapa për Unionin, i cili duhet të shkojë drejt zgjerimit të saj.

Mikele Çerkone zëdhënës i Eurokomesares për Punë të Brendshme thotë se duke patur parasysh informacionet se në këtë takim do të duhej të merrej vendim negative për vendet siç janë Bosnja, Serbia, Mali i Zi, Kosova dhe Maqedonia, sqaron se nuk bëhet fjalë për kurrfarë kërkesë për vendosjen e vizave por se ky problem do të jetë lëndë e diskutimit të ministrave të Evropës.

Ministrat e Punëve të Brendshme të vendeve anëtare të BE-së të enjten do të diskutojnë për keqpërdorimin e liberalizimit të vizave për vendet e Ballkanit perëndimor dhe pezullimin e tyre të mundshëm.



"Monstra", dëshmitari i mbrojtur nuk ka parë vrasjen

Shkup, 23 tetor - Dëshmitari i mbrojtur në rastin “Monstra” nuk ka parë sesi ka ndodhur vrasja e pesëfishtë pranë Liqenit të Hekuranës në fshatin Smillkovcë, shkruan e përditshmja maqedonase “Fokus”.
Burime të saj të sigurta, kanë pohuar se dëshmitari i mbrojtur nën kodin “E1”, i ka thënë gjykatësit hetues se kishte qenë në vendin e ngjarjes disa orë para se të ndodhte vrasja, porse nuk ka qenë aty në momentin kritik.
Sipas Fokus-it, të premten dëshmitari E1 është marrë në pyetje për tre orë të tëra nga prokuroria dhe mbrojtja e të akuzuarve, porse asgjë nga rrëfimi i tij nuk përbën provë e fortë për të ngritur aktakuzën ndaj të dyshuarve që janë tashmë shumë afër skadimit të afatit të paraburgimit prej 180 ditësh.
Pikërisht kjo e fundit, e ka vënë përpara sprovës kohore prokurorinë, e cila nëse nuk dorëzon aktakuzën deri në fund të këtij muaji, do të plotësojë kushtin ligjor që të paraburgosurit të lirohen.



Fëmijët e ekipit NBA ÇAIR, cak i sharjeve në Kavadar

http://zhurnal.mk/data/news/69184_494044307286050_1586551708_n.jpg

Të martën në mbrëmje sërish ka pasur fyerje në baza nacionale ndaj një ekipi shqiptar. Kësaj radhe në tapet kanë qenë fëmijët shqiptar të NBA ÇAIR (gjenerata 1997/98), të cilët janë fyer nga fansat e ekipit Feni Industri në ndeshjen kampionale që u zhvillua në Kavadar.

Një grup maqedonas gjatë gjithë kohës kanë brohoritur fjalorin e saj të njohur nacionalist, ndër to edhe “le ta dinë shqiptarët e mallkuar se emri maqedonas asnjëherë nuk do të humbet”. Kjo ka ndikuar që të mbyllet takimi para kohe, pasi s’ka pasur kushte për lojë, ndërkohë që disa portale maqedonase që njihen me shkrimet e tyre nacionaliste kanë akuzuar ndihmës trajnerin, Muhamed Thaçi se ai ka provokuar i pari duke vizatuar shqiponjën me ndihmën e duarve.

Trajneri i klubit Enver Myftari i cili ka kohë që nuk mund ti drejtoj djelmoshat e tyre për shkak se është i dënuar nga Federata, ka mbajtur mbledhje me drejtuesit e klubit ku është vendos se nëse FBM-ja shqipton dënim në dëm të tyre atëherë ata janë të gatshëm të luajnë në Kosovë, Shqipëri, Greqi apo Bulgari.


Në Srebrenicë, rizgjedhet kryetari mysliman

Srebrenicë, 23 tetor - Një mysliman ka arritur ta mbajë drejtimin e zyrës së kryetarit në Srebrenicës, një qytezë boshnjake ku 8000 burra myslimanë u masakruan nga forcat serbe në vitin 1995.

Rezultatet e lëshuara të hënën, nga zgjedhjet e 7 tetorit, tregojnë se Camil Durakovic është rizgjedhur kryetar i komunës me më shumë se 46 përqind të votave, njofton agjencia e lajmeve, AFP.

Kandidatja serbe, Vesna Kocevic raportohet të ketë marrë 39 përqind të votave.

Pas luftës në Bosnjë, qyteza është ndarë në mes të myslimanëve boshnjakë dhe serbëve, me një dominim të vogël serb.

Rregullat e reja zgjedhore i kanë penguar myslimanët e larguar nga Srebrenica që të votojnë në zgjedhjet e këtij viti, duke i nxitur kështu myslimanët që ta nisin një fushatë të regjistrimit të votuesve në mungesë.

Serbët janë ankuar se zgjedhjet janë vendosur nga njerëzit që nuk jetojnë në Srebrenicë.

[Lona]

Bombardime në Damask

Damask, 29 tetorë - Aktivistët sirianë kanë bërë të ditur se aeroplanët luftarakë kanë bombarduar sot Damaskun, në ditën e fundit të armëpushimit.

Armëpushimi, në fakt, është dashur të zgjasë gjatë katër ditëve të Festës së Kurban Bajramit, por palët nuk e kanë respektuar dhe kanë vazhduar luftimet.

Armëpushimi ishte propozuar nga i dërguari i Kombeve të Bashkuara dhe Ligës Arabe për Sirinë, Lakhdar Brahimi.

Nuk ka pasur raporte të menjëhershme për viktima eventuale nga trazirat e sotme.

Sot, Brahimi do të takohet në Moskë me ministrin e Jashtëm rus, Sergei Lavrov.

Ministria e Jashtme ruse ka thënë se do të diskutohen perspektivat diplomatike për zgjidhjen e konfliktit në Siri.


SHBA: Cunami e goditi Havain

Havai, 28 tetor - Një cunami me valë të ujit afro një metër e ka goditur sot shtetin amerikan Havai, pas një tërmeti, që mbrëmë vonë, e kishte tronditur bregun perëndimor të Kanadasë.

Afro 100 mijë njerëz kanë lëvizur brenda Havait, në pritje të cunamit, i cili ishte më i vogël se sa parashikohej.

Megjithatë, janë të mundshme valë të tjera, por alarmi për cunami në këtë shtet është tërhequr, duke u shndërruar në këshillë.

Tërmeti me intensitet 7.7 shkallë, që i goditi ishujt British Columbia në Kanada, është pasuar edhe nga disa dridhje të tjera.

Këshillë për cunami është dhënë edhe për pjesën veriore të Kalifornisë dhe për Oregon, në Shtetet e Bashkuara.


Republika e Burundit njeh pavarësinë e Kosovës

Bujumbura, 28 tetor - Republika e Burundit është shteti i radhës i OKB-së që e njeh Republikën e Kosovës, si shtet të pavarur dhe sovran.

Nota verbale e njohjes i është dorëzuar zëvendëskryeministrit të Kosovës, Behgjet Pacolli nga ministri i punëve të Jashtme të Burundit z. Laurent Kavakure, në kryeqytetin këtij shteti, Bujumbura.

Republika e Burundit është shteti i parë i vendeve anëtare të SADC dhe Afrikës lindore që njeh pavarësinë e Republikës së Kosovës.

\Njohja nga ky shtet është e rëndësishme edhe për faktin se thyhet akulli tek këto vende të cilat kultivojnë marrëdhënie të mira me vendet si Rusia, Kina dhe India që kundërshtojnë pavarësinë e Kosovës.

Gjithashtu, në këtë pjesë të Afrikës, edhe lobimi serb është shumë i angazhuar veçanërisht në sferën ekonomike. Në kontekst të kësaj edhe angazhimi i fundit i zëvendëskryeministrit Pacolli në këtë pjesë ka qenë shumë intensiv.

Gjatë turneut dy javorësh, Zv. kryeministri kosovar Pacolli ka vizituar disa herë Zambinë, Burundin, Rwandën, Tanzaninë, Kenyan dhe Sudanin e Jugut.


Kurti: Thaçi nuk mundet pa Serbinë

Prishtinë, 29 tetor - Kryetari i lëvizjes “Vetëvendosje”, Albin Kurti, thotë se Hashim Thaçi ende pa nisur mirë dialogu politik me Serbinë po heq dorë nga zotimet e tij. Ai ka thënë se kryeministri i Kosovës, pas takimit me ministrin e Jashtëm britanik, William Hague, për dallim nga deklarimet e mëhershme, kur thoshte se përfundimi i bisedimeve do të jetë me njohje nga Serbia, tash pret njohje nga pesë shtetet e BE-së, që nuk e kanë njohur Kosovën ende.

Sipas Albin Kurtit, kryeministri i Kosovës, Hashim Thaçi, e ka një shtysë të fortë që të dialogojë me Serbinë. “Për mua është e qartë që kryeministri Thaçi ia ka nevojën Serbisë. Ai nuk mundet pa Serbinë, sepse vetëm asisoj mund të mbetet në pushtet dhe të jetë interesant për ndërkombëtarët”, ka thënë gjatë një intervistë për “Kohën Ditore”.

Kryetari i “Vetëvendosjes” po sheh se si Thaçi ende pa nisur mirë dialogu politik me Serbinë po heq dorë nga zotimet e tij. Ai ka thënë se kryeministri i Kosovës, pas takimit me ministrin e Jashtëm britanik, William Hague, për dallim nga deklarimet e mëhershme, kur thoshte se përfundimi bisedimeve do të jetë me njohje nga Serbia, tash pret njohje nga pesë shtetet e BE-së që nuk e kanë njohur Kosovën ende. “Kjo paraqet sprapsje të Thaçit ende pa nisur dialogu dhe heqje dorë e tij nga premtimi e zotimi paraprak për njohje të ndërsjellë të Kosovës me Serbinë në fund të procesit. Ne gjithmonë kemi kritikuar politikanët e huaj që shprehnin mirëkuptim për mosnjohjen e Serbisë. Atyre tani iu bashkua edhe Thaçi. Me këto koncesione, ende pa filluar mirë dialogu, mund të merrni me mend se çka na pret përgjatë tij e në përfundim të tij”, ka thënë Kurti, duke zënë ngoje krijimin e një Republika Srpska brenda Kosovës.

Lideri i forcës së dytë më të madhe opozitare i është referuar si kriminal takimit të Thaçit me kryeministrin e Serbisë, Ivica Daçiq, ndërsa ka thënë se Kosova është dashur ta kushtëzojë Serbinë te Bashkimi Evropian për normalizimin e raporteve.

Ai ka theksuar se subjekti i tij nuk do të ndalë aktivitetet, siç i ka quajtur, kundër pazareve me Serbinë dhe shitjes së pasurisë së Kosovës. Ai e ka përshkruar të egër sjelljen e Policisë së Kosovës kundër anëtarëve të subjektit të tij. Për këtë ka akuzuar kryeministrin Thaçi, ministrin e Punëve të Brendshme, Bajram Rexhepi si dhe komandantin e Njësisë Speciale të Policisë së Kosovës, Amir Gërguri.

Kurti ka folur edhe për zgjedhjet e brendshme të Partisë Demokratike të Kosovës. Ka thënë se aty do të ndodhë një puç nga Shërbimi Informativ i Kosovës. I pari i “Vetëvendosjes” ka thënë se i ka “lypur mejdan” Thaçit në cilindo televizion që ai do, porse këtij të fundit, siç ka thënë ai, “nuk po ia mbanë”.


Mediat greke: Festa në Shqipëri, incident i rëndë

Tiranë, 29 tetor - Mediat greke e kanë komentuar si incident serioz protestën e mbështetësve të Aleancës Kuq e Zi kundër ceremonisë përkujtimore për ushtarët grekë të vrarë në vitet 1940-1941 në truallin shqiptar. Në një artikull të djeshëm, e përditshmja fqinje “Ekathimerini” përshkruante situatën e tensionuar në të cilën u zhvillua festa kombëtare greke, e cila kujton hyrjen e Greqisë në Luftën e Dytë Botërore.

Sipas artikullit, tensionet në Greqi, ku ceremonitë përkujtimore u zhvilluan nën praninë e fortë të forcave të policisë, nuk ishin asgjë me ato të shfaqura në Shqipëri, ku mbështetës të disa partive nacionaliste, sulmuan mjetet që transportonin ministrat grekë dhe familjarë të ushtarëve të vrarë, transmeton “Balkanweb”.

“Në Shqipëri ndodhën disa incidente serioze gjatë ceremonisë përkujtimore të zhvilluar për nder të ushtarakëve grekë, të cilët u vranë në vitet 1940-‘41 në qytetin e Përmetit”, - shkruante e përditshmja greke në komentin për zhvillimet e ceremonisë përkujtimore në truallin shqiptar. “‘Skai’ raportoi se anëtarë të partive politike shqiptare, siç është Aleanca Kuq e Zi, goditën me gurë mjetet që transportonin deputetë të parlamentit grek dhe të afërm të ushtarëve. Policia shqiptare ndërhyri, por nacionalistët nuk u larguan nga vendi ku u zhvillua ceremonia, duke hedhur gjatë gjithë kohës slogane antigreke”, - shkruante më tej “Ekathimerini”, duke iu referuar televizionit “Skai”, një prej rrjeteve më në zë në Greqi.

“Ekathimerini” e përshkruante festën kombëtare të zhvilluar në një atmosferë të zymtë të karakterizuar nga prania e fortë e forcave të rendit, të njëjtë me klimën në të cilën u zhvillua edhe festa e mëparshme kombëtare. “Prania e fortë e forcave të rendit me masa sigurie që të kujtonin ato të festës së mëparshme kombëtare, më 25 mars, bënë që parada ushtarake e zhvilluar të dielën në Selanik të zhvillohej pa shumë zhurmë, edhe pse me praninë e Presidentit Karolos Papoulias”.
Sipas të përditshmes greke, parada e mirëorganizuar që përkujton përvjetorin e përfshirjes së Greqisë në Luftën e Dytë Botërore, mjaft e ndryshme nga ajo e vitit të shkuar, e cila u ndërpre në mes për shkak të protestuesve, u zhvillua nën shi dhe përkoi me 100-vjetorin e çlirimit të Selanikut nga pushtimi otoman në vitin 1912. Pas një mungese prej disa vitesh, një avion luftarak zbukuroi qiellin mbi paradë me disa manovra mbresëlënëse, komentohej në artikull. “Duhet të dalim me shpejtësi nga kriza, pasi nuk mund t’i kërkosh më shumë një kombi që tashmë ka dhënë gjithçka”, - citonte “Ekathimerini” fjalët e Presidentit Papoulias.

[Lona]

Rusi, arrestohet kryeaktivisti anti-Putin

Moskë, 26 tetor - Një prej aktivistëve më të rëndësishëm të opozitës ruse, Sergei Udaltsov, u arrestua të premten me akuzën për organizimin e trazirave publike dhe përballet me mundësinë e dënimit deri në dhjetë vjet heqje lirie.

Duke folur përpara Komitetit Hetimor, ekuivalentes së FBI-së në Rusi, Udaltsov theksoi edhe një herë më shumë pafajësinë e tij.

”Nuk jam unë, por regjimi i Putinit që del në gjykatë. Më mbështesni mua dhe të gjithë të burgosurit e tjerë politikë në Rusi”, shkroi aktivisti në rrjetin shoqëror “Tëitter”.

Dy aktivistë të tjerë janë vendosur gjithashtu nën arrest në lidhje me të njëjtat akuza.

Udaltsevit i ishte ndaluar më parë të largohej nga vendi, ndërsa një dokumentar i transmetuar më parë gjatë muajit, e përfshiu atë në një komplot të supozuar për të rrëzuar qeverinë nëpërmjet një revolucioni të financuar nga shteti i vogël fqinj i Gjeorgjisë.

Përpara arrestimit të aktivistit, një tjetër zë anti-Putin, Leonid Razvozzhayev, u rrëmbye nga Shërbimet Sekrete Ruse në Kiev dhe u transferua në Rusi, ku pranoi “me vetëdije” përpara policisë planifikimin e grushtit të shtetit.

Ditën e enjte, ambasada e Shteteve të Bashkuara në Moskë shprehu qartësisht shqetësimin e saj të thellë, mbi mënyrën se si po trajtohet aktivisti Razvozzhayev.


Uragani Sandy - gjendje e jashtëzakonshme në disa shtete

Nju Jork, 28 tetor - Njerëzit përgjatë Bregdetit Lindor të Shteteve të Bashkuara janë duke u përgatitur për ardhjen e uraganit Sandy, i cili ka lënë mbi 40 njerëz të vrarë në rajonin e Karaibeve.

Gjendje e jashtëzakonshme është shpallur në Merilend, Nju Jork, Pensilvani, Virxhinia, Uashington dhe në një qark bregdetar të Karolinës së Veriut.

Sandy të shtunën është dobësuar në stuhi tropikale, por shpejt ka rifituar fuqinë duke arritur në 120 kilometra në orë.

Parashikuesit e motit thonë se aktualisht është uragan i kategorisë së parë dhe se pritet të godasë Shtetet e Bashkuara të hënën vonë.

Qendra Amerikane e Uraganeve ka paralajmëruar se Sandy mund të forcohet gjatë së dielës përpara se të arrijë pranë Virxhinias.

“Jemi në pritje të një stuhie të madhe”, ka thënë Louis Uccellini, drejtor i Qendrës Kombëtare të Oqeanisë dhe Atmosferës.

Kryebashkikau i Nju Jorkut, Michael Bloomberg, u ka bërë thirrje banorëve të qytetit që të përgatiten.

“Nëse bëjmë gabime, më mirë t’i bëjmë ato duke qenë të kujdesshëm”, ka thënë Bloomberg, raporton BBC.

Ai ka kërkuar nga qytetarët që të mbeten të qetë, duke thënë se nuk është ende e nevojshme për të marrë ndonjë vendim për evakuim.

Ka shqetësime se moti i keq mund të ndikojë në zgjedhjet presidenciale të 6 nëntorit, duke shkaktuar ndërprerje të energjisë elektrike apo pengesa të tjera për qytetarët që të marrin pjesë në votime.

Kandidati republikan, Mitt Romney, ka anuluar një ngjarje të planifikuar për të dielën në Virxhinia, një shtet i rëndësishëm zgjedhor, për shkak të motit, ka bërë të ditur njëri nga ndihmësit e tij.

Të premten, Shtëpia e Bardhë ka refuzuar të spekulojë nëse do të preken planet e presidentit Barack Obama, duke thënë se rruga e stuhisë është ende e paqartë.


Kriza siriane, Brahimi udhëton në Moskë

Moskë, 29 tetor - I dërguari ndërkombëtar në Siri, Lakhdar Brahimi zhvillon të hënën bisedime me ministrin e Jashtëm rus Sergei Lavrov në Moskë.

Bisedimet vijnë në ditën e fundit të një armëpushimi katër-ditor në Siri, i cili është përcjellë me shkelje të shumta, edhe nga forcat e qeverisë edhe nga kryengritësit.

Brahimi ndërmjetësoi armëpushimin me shpresën e ndërtimit të besimit mes dy palëve për t'i dhënë fund krizës 19-muajshe, e cila ka marrë dhjetëra mijëra jetë njerëzish.

Megjithatë, dhuna ka vazhduar.

Aktivistët thanë se të paktën 110 vetë janë vrarë të dielën, një shifër e ngjashme me viktimat e një dite më parë.

Në kuadër të kësaj shifre hyjnë edhe 16 persona që vdiqën nga sulmet ajrore në fshatin al-Barra, në rajonin malor verior të Sirisë.

Avionët luftarakë sirianë gjithashtu goditën tri rajone perfierike të Damaskut, në përpjekje për të dëbuar forcat kryengritëse.

[Lona]

Vdes njëri nga të plagosurit mbrëmë në Tetovë

“Halloween Party”, tre persona të therur me thikë në një kafeteri të Tetovës

Portali Shqipmedia mëson se njëri nga të plagosurit mbrëmë në Tetovë ka ndëruar jetë në Klinikën e Shkupit. Bëhet fjalë për përsonin Ramadan Ademi i cili ishte therur mbrëmë në kafeterinë Ali Baba ku ka patur organizim për “Halloween”. Ramadani nuk u ka mbijetuar plagëve të marra mbrëmë ndërsa dy të lënduarit tjerë janë jashta rrezikut për jetë. Motivet e sulmit jozyrtarisht mësohen të jenë pengesa për të hyrë në lokal të sulmuesve ndërsa Ramadani dhe dy të plagosurit tjerë kanë qenë sigurim në lokalin Ali Baba.
Policia ka marrë masa të ndriçoj rastin dhe të kap sulmuesit e panjohur.

E mërkurë, Lajm i ores 23:30:
Lajm i fundit – Tre persona janë therur me thikë sonte në kafeterine Ali Baba afër objektit të vjetër të USHT-së në Tetovë mëson portali Shqipmedia lajmin. Nuk dihen autorët e ngjarjes ndërsa jozyrtarisht mësohet se dy nga të plagosurit janë dërguar urgjentisht në Klinikën e Shkupit ndërsa njëri është ndaluar në spitalin e Tetovës.
Jozyrtarisht Shqipmedia.com mëson se të plagosurit janë: Bashkim Ceka dhe Ramadan dhe Nusret mbiemrat e të cilëve nuk arritëm ti mësojmë.
Sontë në Tetovë në shumë kafeteri festohet “Halloween” ndërsa edhe në kafeterine ku ka ndodhur incidenti ka pas organizim për “Halloween” kurse te plagosurit kanë qenë sigurim në kafeteri ndërsa janë sulmuar me thikë nga persona me maska.
Policia ka dalë në teren dhe heton ngjarjen. Më shumë informacion dhe zyrtarisht do të mësoni gjatë ditës së Enjte .



Aleanca Kuq e Zi do të aktivizohet në Maqedoni për të ndryshuar Kushtetutën

Nga partia nacionaliste Aleanca Kuq e Zi të Kreshnik Spahiut planifikojnë që ditën e 100 vjetorit të pavarësisë së Shqipërisë ta festojnë në Manastir nga ku edhe duhet të filloj zbatimi i projektit për ndryshimin e Kushtetutës së Maqedonisë në drejtim për të krijuar konfederatë respektivisht Iliridën, shkruan gazeta maqedonase Dnevnik në numrin e sotëm.
Më 28 nëntor këtë vit partia nacionaliste shqiptare Aleanca Kuq e Zi ditën e pavarësisë së Shqipërisë do ta festojë në Manastir për të treguar rëndësinë e këtij qyteti dhe lidhjen e tij me krijimin e alfabetit shqip. Sipas “Dnevnik”, Aleanca për një kohë të gjatë e ndjek qytetin e Manastirit për promovimet e veta, madje edhe Shqipëria gjithashtu pritet të hap një konsullatë në këtë qytet. Përfaqësues kanë në Maqedoni, Kosovë, Serbinë Jugore (Preshevë), ndërsa sipas disa burimeve vepron edhe në Greqi (Çameri), pasi në fokusin e tyre është çështje Çame. Thuhet se në rajon gjitha aktivitetet e Aleancës udhëhiqen nga Kreshnik Spahiu, Albin Kurti, Jakup Krasniqi dhe Rufi Osmani.

A po përgaditet koalicion PDSH-BDI ?

Bashkimi Demokratik për Integrim dhe Partia Demokratike Shqiptare po bisedojnë për një koalicion të mundshëm për zgjedhjet lokale që do të mbahen në mars të vitit të ardhshëm shkruan sot gazeta Lajm. Struga dhe Kërcova janë shkak i koalicionimit të dy partive të mëdha shqiptare kundër kundërshtarëve të tyre maqedonas të cilët jo rrallë herë bashkohen për të fituar kundër shqiptarëve, transmeton Shqipmedia.
Sipas gazetës Lajm, dy janë variantet e mundshme të bashkëpunimit. Varianti i parë është që këto dy parti të mbështesin kandidatët e tyrë në Strugë dhe Kercova dhe në komunat tjera ku janë më pak se 50% si në qytetin e Shkupit, Kumanovës, Dollnen etj. Ndërsa variant i dytë është që të koalicinohet në të gjitha komunat.
Gjithnjë sipas gazetës në fjalë, këtë koalicion do të kërkojnë edhe kryeministri shqiptar dhe ai kosovar Sali Berisha dhe Hashim Thaçi të cilët gjatë këtij muaji do të qëndrojnë në Shkup për aktivitetet rreth festimit të 100 vjetorit të Pavarësisë së Shqipërisë.
Portali Shqipmedia rikujton një citat të kryetarit të PDSH-së Menduh Thaçi në kolumnën e tij para disa muajve në gazetën Fokus dhe portalin Shqipmedia ku mes tjerash shkruante se në rast të rrezikut të interesave nacionale shqiptare nga ana e partive maqedonase do të zgjat dorën e bashkëpunimit Ali Ahmetit

Gjykata Kushtetuese vendosi se Intepretimi i ligjit për amnisti është i ligjshëm


Shkup – Gjykata Kushtetuese ka hedhur poshtë sot iniciativën për kushtetutshmërinë e interpretimit autentik të Ligjit të Amnistisë, me të cilën u bë mbyllja e rasteve të Hagës. Gjykata Kushtetuese poashtu ka hedhur poshtë edhe interpetimin e kushtetueshmërisë se Ligjit për amnisti sjellur në vitin 2002.
Gjykatësit kanë vendosur se Ligji për Amnisti, konkretisht katër raste të kthyera nga Tribunali i Hagës që ngarkonin ish-kreun e UÇK-së dhe pjesëtarë të saj për krime lufte gjatë konfliktit të vitit 2001, Rasti i Mavrovës, Rasti i Neproshtenit dhe Penda e Likovës janë të ligjshme

Policia kontrolle të çuditshme nxënësve në Tetovë dhe Gostivar


Sektori për Punë të Brendshme në Tetovë dje në mëngjes ka zbatuar aktivitete kontrolluese në autobuse dhe furgona me të cilët transportohen nxënësit në dy qytetet e Pollogut, informoi zëdhënësi i SPB – Marjan Josifovski. Në tri pikë të ndryshme në Tetovë janë kontrolluar 20 autobusë, minibus dhe furgona me mbi 800 nxënës derisa nuk u gjet asnjë parregullsi serioze, nuk u gjetën as shkopinjë metalik e as mjete të tjera nëpër çantat e nxënësve. Aktiviteti i njëjtë në Gostivar gjithsej kontrolloi 5 autobusë dhe 28 furgona me afërsisht 530 nxënës. Në njërin nga autobusët u gjet një shkop metalik që gjendej ndër karrike. Përveç kësaj janë regjistruar edhe 10 parregullsi të tjera, mungesa të licencës së shoferëve, defekte teknike dhe të tjera, deklaroi Josifovski. Ai deklaroi se aktivitete të tilla nga ana e policisë do të ketë edhe në muajt e ardhshëm, në mënyrë për të parandaluar të gjithë faktorët e mundshëm që ndikojnë në shfaqjen e dhunës nëpër shkollat e ndryshme në vend.
Ajo që vlen të përmendet për Tetovën dhe Gostivarin është se gjysma e nxënësve nëpër shkolla nuk shfrytëzojne transport publik për të shkuar në shkollë pasi nuk kanë nevojë për këtë ndërsa shtrohet pyetja në këtë rast se pse policia bën kontrolle të palogjikshme në Tetovë dhe Gostivar kur është publike e ditur se dhuna mes nxënësve është paraqitur vetëm në Shkup vitin e fundit.

[Lona]

Clinton – Ashton: E ardhmja e Kosovës në BE dhe NATO me kufijtë e tashëm


“Shtetet e Bashkuara të Amerikës janë të prera plotësisht për integritetin territorial dhe sovranitetin e Kosovës”. Kështu ka deklaruar në Prishtinë Sekretarja amerikane e shtetit, Hillary Clinton e cila së bashku me përfaqësuesen e lartë për politikë të jashtme dhe siguri të BE-së, Catherine Ashton takuan liderët e shtetit të Kosovës, presidenten Jahjaga dhe kryeministrin Thaçi. Në një konferencë të përbashkët për media, diplomatja amerikane, ndër të tjera veçoi edhe dialogun me Serbinë, për të cilin tha se duhet të vazhdojë pa prekur integritetin territorial të Kosovës.
“SHBA-të janë të prera plotësisht për integritetin territorial dhe sovranitetin e Kosovës për të parë sundimin e ligjit në gjithë territorin e Kosovës. Ne kundërshtojmë çdo lloj bisedimesh për ndryshime të tërësisë territoriale apo për statusin. Kufijtë e Kosovës së pavarur janë të qartë dhe të caktuar përgjithmonë. Unë i jap mirënjohje kryeministrit që thotë se është kryeministër i të gjithëve në Kosovë, i veriut dhe i jugut”, tha Clinton.
Clinton gjithashtu ka inkurajuar kryeministrin Thaçi që ka ndërmarrë, siç e quan ajo, një rrezik politik, për takimin që ka pasur me kryeministrin serb, por këtë e ka quajtur vendim të drejtë, kurajoz dhe të mençur. Edhe përfaqësuesja e lartë për politikë të jashtme dhe siguri e BE-së, Catherine Ashton e ka vlerësuar jo të lehtë dialogun, por të domosdoshëm për integrimin e dy vendeve në BE.
“Dialogu që e kemi filluar nuk është i lehtë, as për kryeministrin e Kosovës as për atë të Serbisë. Unë e di se për popullin e Kosovës me historinë dhe frikën që keni as për ju nuk është e lehtë, por u bëjmë thirrje që ky dialog është për normalizimin e jetës, ashtu që qytetarët që jetojnë në veri të mund ta jetojnë jetën e tyre, duke ndjerë se janë pjesë e asaj shoqërie. Kjo arrihet duke u ulur dhe biseduar, hapur dhe qartë”,tha Ashton.
Ndërkaq, Kryeministri Thaçi shprehu gatishmërinë e Kosovës për të ecur përpara në normalizimin e marrëdhënieve me Serbinë.
“U pajtuam që procesi i normalizimit me Serbinë është vendimtar për evropianizimin e rajonit. Kosova është e vendosur për këtë proces. Por të jemi të qartë, ora e historisë nuk do të kthehet prapa. Shteti i Kosovës po forcohet çdo ditë dhe po konsolidohet. Pavarësia dhe integriteti janë fakte të njohura ndërkombëtarisht. Por ka shumë çështje që janë në interes të të dy shteteve. Dialogu është rruga e vetme dhe BE-ja është katalizatori për suksesin e këtij procesi”, tha Thaçi.
Edhe presidentja Jahjaga gjatë takimit me sekretaren Clinton dhe krydiplomaten evropiane Ashton, ka theksuar vullnetin e Kosovës për t’u angazhuar në një dialog të mirëfilltë, ndërsa ka kërkuar nga BE-ja që të vazhdojë të angazhohet më fuqishëm në garantimin e zbatimit të të gjitha marrëveshjeve të arritura, thuhet në një komunikatë të zyrës së saj. Duke theksuar përkushtimin e udhëheqjes kosovare për thellimin e reformave dhe në vendosjen e sundimit të rendit dhe të ligjit, ajo tha se është shumë i rëndësishëm krijimi i Këshillit Kombëtar Kundër Korrupsionit, nën drejtimin e Presidentes Jahjaga, dhe ofroi mbështetjen e SHBA-së për institucionet e Kosovës në luftën kundër korrupsionit dhe në përgjithësi në fushën e sundimit të rendit dhe të ligjit. Sekretarja amerikane e shtetit theksoi rëndësinë e bashkëpunimit të institucioneve të Kosovës me misionin e BE-së për sundimin e ligjit – EULEX.